کچی شار

~۸~

________________________________

لانە : ئەو شوێنەی مانگاکە ئاشقت بوو !؟

بە سەرسوڕماوی لێی دەڕوانیم کاتێک ە دەنگی بەرز پێدەکەنیم

دانا : سەرکەوت باسی کرد ؟

سەرم وەک بەڵێ لەقاند کاتێک دەستم بە دەممەوە گرتبوو چیتر پێنەکەنم
وە ئەو سەری لێم بادا لە بێچارەییدا

دانا : پێت وایە مانگا ئاشق ببێت ؟

شانەکانم هەڵتەکاند بە مانای نازانم
دانا چاوەکانی لەسەرم لابرد و لەسەر سەکۆیەک دانیشت
سەیری خوارەوەی دەکرد کە هەموو گوندەکەی لێوە دیاربوو
بە هێواشی ڕۆشتم و لە تەنیشتیەوە دانیشتم
لەگەڵ ئەو سەیری خوارەوەم دەکرد
وە ئاگادار بووم  دەستی بەرەو باخەڵی برد
دوو لە نوقڵی دەرهێنا و دەستی لە پێش من ڕاگرت
سەیری نوقڵەکانم دەکرد
بزەیەکم کرد و هەردوو نوقڵەکەم لێی وەرگرت

دانا : نەمزانی ئایا حەزت لە شیرینییە یاخود نا

لانە : حەزم لێیەتی زۆر ، سوپاس

بەبزەوە دانەیەکم کردەوەو و خواردم
چاوەکانم توند داخست لەگەڵ ئەوتامە شیرینیەی بۆم هات
دانەکەی تریانم خستە ناو باخەڵی کابۆیەکەم
دەمێکی زۆر بوو دانیشتبوین و بێدەنگ بوین
ئەو بۆ جارێک سەیری نەکردمەوە
لام سەیر بوو کوڕێک بەم هەموو کەرامەتو هەیبەتە
بەڕاستی ڕەفتاری دڵبەر بوو جیا لە ڕوخساری ناوازەی
ویستم گفتوگۆیەک دروست بکەم لە نێوانمان

لانە : دانا هیچ لە پلانت نییە ڕۆژێک لە شار بژیت و ئێرە جێ بهێڵیت ؟