ظلم مستباح🌿
بقلمي : غصون
گن أنت التغير الذي تريد ان ترآه في العالم.
⊱━━━━⊰✾⊱━━━━⊰
گاعده على الستيج استمع للدكتور وهو يشرح
المحاضرة داير وجهه ويشرح ليگول يشرح
الروحه
عاينت للطلاب والطالبات بيهم لليراسل بالموبايل
وبيهم النايم وبيهم لليسولف يعني بس انه
أستمع للدكتور بقيت صافنه عليهم
فزيت من صفنتي على گرصه بيدي
-شبيج ولج
- وين صافنه تفگرين بالحبيب
- انجبي
- ولج شوفي هاي تهاني شلون گاعده بالستيج الامامي يم احمد وعلي چم مره الدگتور بهاء
گايلهه ما تگعدين بالمقدمه
- مالنه شغل احنه تكعد وين ما تكعد هو الدكتور
مغلس عليها
- مل من كد ما حجه وياهه
خلصت وقت المحاضرة وطلعنا انه وبنين نروح
للكافتريا
- اكلج بنين شو فواطم ماكو
بنين : والله ما ادري
- صار يومين ماتجي
بنين : والله ماادري بيها
- خلي من ارجع اتصل بيها
خلصت الاستراحه ورحنه للقاعه نحضر محاضرة
الدكتور صلاح گعدوا الطلاب والطالبات عاقلين
لان هي حيل يخافون منه
خلصت المحاضرة وطلعنا انه وبنين وننتظر
السايق لان بيتنا بصف بيتهم طول هواي
شويه وبنين گالت
بنين : اگلج هبه ما تتصلين عليه انه ما عندي
رصيد
هبه : اي هسه
فتحت جنطتي ادور موبايلي ما لكيته إهوو
هم نسيته
هبه : اگلج موبايلي ماگو يمكن نسيته
بنين : هبه هاي مو أول مرا تنسيه هاي رابع مرا
ليش ما تراجعين طبيب صايره هواي تنسين
هبه : ما بيه شي هاي من اثر الدراسه
سكتت تعاينلي بشك
رحت رجعت للقاعة مالتنه شفته جوه الستيج
اخذته ومشيت ارجع البنين وانه اتصل على
عمو أبو حيدر انرطمت بجسم ضخم
هبه : شبيك ما تشوف
- أنه اعتذر
عاينتله متفاجئه اردفت
- انته
-اظن عندي اسم
هبه : اعتذر أستاذ رائد
رائد : مصار شي ست
گلت بگلبي إهوو هم صاحلي ست
نسيت اعرفكم عليه أستاذ رائد يصير ابن عم فواطم
صديقتي ودكتور جامعي بس ما يدرس قسمنه
رائد : انه اترخص
دار وجهه يريد يروح قررت اسئله عن فواطم
صحت
هبه : أستاذ رائد انتظر لحظه
دار وجهه يعاين
هبه : نسيت اسئلك على فواطم شلونها ليش
ما اداوم
رائد : مريضه شويه ان شاء الله باجر اداوم
هبه : سلامتها سلملي عليها
هز رأسه ب أي وراح
رجعت البنين لگيت السايق جاي رگبت بالسياره
وبقت الطريق گله تحجي على اخوها ومرت
اخواها
بنين : ولج هيبوه تگله يمين يگول يمين تگله
شمال يگول شمال ولج من ينظف الها ينظف
احسن مني ذاك اليوم الجايفة شمسويه بالطباخ
