جيتك الم

Part 3

الصبح كان هادي
الساعة قرابة سبع ونص
جو الغرفة مظلم شوي، بس الشمس تبين من بين الستارة

سحر دخلت بهدوء
لابسه بدلة وكعبها يطق على السيراميك

وقفت عند باب الغرفة، ناظرت اختها وصال نايمه على الكنبة
رجل وحده على الأرض
والثانية معلّقه
وظهرها مو مستوي
وراسها طايح على طرف الكنبة، كأنها انكسرت وهي نايمه

سحر ضيّقت عيونها وقالت بصوت نص عالي:

"وش ذا النوم؟ تنامين كنك مضروبة"

وصال ما ردّت
بس تحرّكت حركة بسيطة، كأن جسمها كله يشتكي من الوضعية

سحر قربت ورفعت الستارة فجأة
ودخل نور الشمس بقوة
وصال غطت وجهها بيدها وقالت بصوت ناصي:

"يا بنت حرام عليك... عيني"

سحر جلست على طرف الكنبة وقالت:

"الساعة سبع ونص
قومي شوفي دوامك، وراش مرضى، مو وقت فلسفة"

وصال تحسّبت وقالت وهي تحاول تجلس:

"ما نمت إلا قبل شوي... مخي ما وقف من أمس"

سحر ناظرتها وقالت:

"آه جنان؟
اللي سبيتي لها الدنيا وهي تصارخ؟"

وصال ناظرت الأرض وقالت بصوت هادي:

"لا سبّيت ولا شي
هي كانت تحتاج تطلع اللي في صدرها... وطلعته"

سحر وقفت وهي تعدل ساعتها وقالت:

"بس لا تدخلين جو معها زيادة
أنتي تشتغلين، ما تبنين صداقات"

وصال لبست جاكيتها بصمت
وقبل تطلع من الغرفة، ردّت عليها بدون ما تطالعها:

"بعض الناس ما يحتاجون صداقة
بس أحد يسمعهم بدون ما يحكم"

وطلعت

وصال دخلت الغرفة، وجهها رسمي، قالت بصوت هادي:
"صباح الخير، جاهزة نبدأ الجلسة؟"

جنان رفعت رأسها بتردد، قالت بهدوء:
"أنا مو متأكدة اليوم... إذا الألم بيزيد، أفضل انك تأجلينه."

وصال نظرت لها بثبات:
"التمارين ضرورية عشان تتعافين، لازم نبدأ."

جنان زفرت وقالت بصوت منخفض:
"ما أدري إذا أقدر أتحمل."

وصال جابت الملف بيدها وقالت:
"راح نبدأ بشي بسيط، بس لازم نتحرك."

جنان رفعت صوتها فجأة:
"أنا ما أحتاج حد يضغط عليّ!"

وصال صمتت للحظة، بعدين تركت الملف على الطاولة، وقالت بنبرة حازمة:
"إذا ما تبغين، ما راح أجبرك."

وصال قامت ومشت خارج الغرفة

وصال تركت الغرفة بسرعة بعد ما ارتفع صوت جنان، وهي شايلة الملف بيدها.