និស្ស័យស្នេហ៍ទេវតា

2: យើងនឹងជួយឯង

"ប្រញាប់តែនិយាយកាត់ រកតែឯងឆ្លើយមិនទាន់"
ជេយ៍ខឹងចិត្ដជាមួយជុងវ៉ុនខ្លះដែលតែខ្ចិលធ្វើបាបព្រោះឥឡូវនេះកំពុងតែជ្រកកោននៅផ្ទះគេ ទើបមិនសូវហ៊ានប៉ុន្មានទេចាំមើលស្ថានការអោយច្បាស់សិនចាំចាត់ការតាមក្រោយក៏បានដែរ

.................

បន្ទាប់ពីរៀបចំខ្លួនអីអស់ហើយក៏ដល់ពេលដែលជេយ៍ត្រូវឆ្លើយសំណួររបស់ជុងវ៉ុនវិញម្ដងតែកុំមើល
ម្នាក់ៗមិនដឹងទៅរកខោអាវស្អីមកពីណាយកមកចែកគ្នាពាក់ទេឡើងរយ៉េរយ៉ៃ ខោទៅខាងអ្នកទៅលេងសមុទ្រចំណែកអាវទៅខាងអ្នកធ្វើការក្នុងក្រុមហ៊ុនឯណាឯណីនោះវិញ

ការសំភាសន៍បានចាប់ផ្ដើមដោយជេយ៍អង្គុយនៅលើសាឡុងក្នុងបន្ទប់ទទួលភ្ញៀវបែរមុខទៅរកលោកយ៉ាងជុងវ៉ុនដែលអង្គុយនៅលើតុដាក់របស់ញាំទល់មុខរបស់គេដោយនៅក្នុងដៃមានកាន់ជាមួយក្រដាសសំណួរមួយដុំទុកសម្រាប់សួរទៅកាន់លោកទេវតាជេយ៍ដែលអង្គុយលើឡុងធ្វើមុខឡេឡឺព្រោះនៅសុខៗក៏ត្រូវជុងវ៉ុនចាប់ទៅពាក់ខោអាវស្អីមិនដឹងគ្នាឡើងស្លឺបើសួរធម្មតាទៅថីចាំបាច់មានឯកសណ្ឋានធ្វើស្អី?

"អាហុឹម! ត្រៀមហើយឬនៅ?"ជុងវ៉ុនក្រហឹមសួរជេយ៍ហើយជេយ៍ក៏ងក់ក្បាលប្រាប់ថាហើយ ទើបគេចាប់ផ្ដើមសួរសំណួរទៅកាន់ជេយ៍

"លោកទេវតាឈ្មោះអី?"

"ឈ្មោះជេយ៍ ជាទេវតាភ្ជាប់វាសនារបស់មនុស្ស"

"ចឹងតើលោកទេវតាវាសនាជេយ៍ហោះមកនៅ
ក្នុងផ្ទះខ្ញុំមានគោលបំណងអី?"

"គឺ..................."ជេយ៍ចាប់ផ្ដើមរៀបរាប់រឿងគ្រប់យ៉ាងទៅអោយជុងវ៉ុនបានដឹងទាំងអស់

"ថាយ៉ាងមិចលោកពិតជាជួយខ្ញុំមែនហេស?"ជុងវ៉ុនក្រវាស់ក្រដាសនៅក្នុងដៃចោលទាំងអស់ហើយអោនមុខទៅសួរជេយ៍ទាំងរំភើបចិត្ដ

"ត្រូវហើយ! យើងនិងជួយឯង"

"លោកជេយ៍កុំកុហកខ្ញុំណា!"ជុងវ៉ុងចង់អោយប្រកដចិត្ដខ្លាំងជាងនេះក៏សួរគេបញ្ចាក់

"ខ្ញុំមិនកុហកឯងទេ តែថា....."

"តែថាយ៉ាងម៉េចទៀត?"ជេយ៍ធ្វើជានិយាយអូសសម្លេងធ្វើអោយជុងវ៉ុនឆ្ងល់