عشق الرعد

عشق الرعد الجزء الرابع

وجد يدها ترتعش لكنها تتحامل على نفسها، ثلاث ساعات وثبت النقاب عليها سامحًا للجميع بالدخول لها، الجميع سعيد بقدوم الفتاة ولا يتركها أخوات فهد

تساءلت سيلا بفضول : هتتسمى ايه؟ كنتم متفاقين على حاجة

ردت آيسل بتعب : عايزة اسمها عشق

اتجهت عشق لها قائلة بحماس : على اسمي صح؟ اختي اوي

أكدت آيسل بإبتسامة : اسم اغلى اتنين في حياتي ومعاهم التالتة بس خليها المرة الجاية

قَبلت سيلا رأسها واردفت : أنا مندمتش على حاجة قد منا مسمتش واحدة فيكم عشق، الدنيا تروح وتيجي وكل حاجة تتعوض إلا عشق فعلاً

ضحكت عشق الكبيرة واردف : بس أنا عايزة تنوع، كفاية اتنين عشق واتنين رعد واتنين ريان

انتبه فهد إلى آيسل التي نادت عليه واردفت : خير؟

ردت بتعب : مش ناسي حاجة؟ اسم البنت، اكتبها عشق فهد الشافعي

رد وهو يحاوط كتف والدته : بس عشق فهد الشافعي واحدة بس

ردت الصغيرة باستفزاز : هيبقوا اتنين بإذن الله، عشق الكبيرة وعشق الصغيرة

نفى بخفة وهو يقول : بسبب إنه اسمك أنا مش هسميها عشق لو ايه اللي حصل! ولو اسمها عشق واتعرفت عليكي بعدها هغير الاسم عشانك، شوفتي البساطة

تعالت ضحكات الجميع واردفت الصغيرة قاصدة إغاظته : هي خلاص عشق، ما مش معقول آيسل تحمل الشهور دي كلها، وطلق ولادة، وتعب، وحجز في المستشفى، وفي الآخر أنت اللي تسميها!

أكد رعد الكبير : فعلاً مش حقك ولا حق اي حد

عشق الكبيرة وهي تنظر له : أنا سميت آدم وأسد ورعد وريان وشغف، باباك مسماش حد إلا أنت وجات عشان كنت معاندة اسمي رعد

ورغم أن الجميع اتفق على نقطة إلا أنه قال : بس بنتي وهسميها برضو، وهي مش عشق

رد آدم بمرح : طب اقترح الاسم اللي كفيل يقنع الكل، وإلا هي عشق

فكر قليلاً واردف : كنت عايز اسميها سينار بس ... أول حاجة بابا قالها ايه بصوت؟ وأسد قال ايه؟ وريان قال ايه؟ وأنا قولت نفس الكلام وبالنسبة ليا الاسم من عند ربنا

رد الكبير بإبتسامة : روح فهد الشافعي

ردد فهد وهو يضمها : روح فهد الشافعي

رد ريان بمرح : روح ريان الشافعي

تحدث آدم وهو يحملها : روح آدم الشافعي أحلى

أردف أسد بعد تفكير : هي روح جيش الرعد..

سعادة الجميع بها تفوق كل شيء لدرجة أن آيسل لا تراها سوا كل ساعة ونصف حتى ترضعها، جلست سيلا معها في هذه الفترة متخليه تخلي تام عن منزل يوسف، الحزن تملك منها بشكل مُبالغ وليس لأنه حزين منها، بل لأنها تشعر أن حقه الجرح وحقها أن تُجرح فقط!