الخياط

الخاتمة

الخياط 2.
الخاتمة ...

متنسوش تتفاعلوا على الفصل و تعملوا كومنتات برأيكم في الرواية كلها عشان  هقرأها بكل حُب ..

ـــــــــــــــــــــــــــــــــــــــــــــــــــــــــــــــ

مرّ فيما يقرب من سنتين و أشهر معدودة ..
واليوم يحتفي بالسعادة ، كانت أيامهم الأخيرة توأنسها السعادة فقط .

غداً هو موعد زفاف "روهان" ، بالفعل كل هذا يسير بعدم رضاءه تماماً ، فهو  تمت مساومته  شيء مقابل شيء .

أن يكون زفاف معتز وروهان في تاريخ الغد  ، مقابل عقد قرانه بمريم   ، كان هذا أحد شروط عامر التي جعلته يرغب في جعل زوجته يتيمة  ولكن هدأت الأوضاع ينفذ ما قيل و أصبح يتخلى عن أجزاء  من اصراراته   حتى ينالها فقط ..

تاففت روهان بضيق وهي تصيح بمريم وسما الذان أخذا يعبثان في أشياءها :
_  محدش له دعوة بماسكتي يا بت انتِ وهي .

كانت تقصد مستحضرات العناية بالبشرة لتذمجر سما :
_  الطمي ده مضروب على فكرة .

انتشلت منها العبوة تتذمر :
_  روحي لجوزك يجيبلك ال original ،وانتِ  كمان سيبي  اللي في ايدك واتكلي على الله بقى .

رفعت مريم حاجبيها باستنكار :
_  ايه اتكلي على الله دي ، عشان هتتجوزي هتشطحي في خلق الله ،  لا ده الجوازة دي تمت عشاني أنا يا روح أمك .

شهقت سما ضاحكة بشدة وهي ترمق تعجرف مريم الذي تطور كثير بعد  عقد قرانها لتقول روهان بصدمة :
_ روح أمك؟!!! ، انتِ مريم بجد ؟

أمسكت سما معدتها كدلالة على قوة ضحكاتها قبل ان تستنكر :
_ قعدت تقول أنا لو ليا نصيب فيه وعد عليا لأربيه لغاية ما  بقوا هما الاتنين عايزين يتربوا .

وقعت روهان في الضحكات معاها لترمقهم مريم متشدقة :
_  جوزي هو اللي علمني اقولها ، خليكم في حالكم .

ضربت روهان كفيها ببعضيهما تضحك بشدة لتقول لها مريم :
_ قومي يا فاشلة اعلمك ترقصي ازاي ، مش فرحك بكرة .

سخرت سما :
_جاية تعلميها دلوقتي  ، هتبصمجيلها الرقصة .

_  ياستي نعلمها أي حاجة تنفعها بكرة و بعدين  نبقى نكمل  في فرحي أنا بقى .

لتسألها سما :
_  حددتي هترقصي انتِ ومعتز  على أغنية إيه بكرة  أصلا ؟

زمت شفتيها بضيق وهي تقول:
_  ارقص ايه انتِ كمان ، هو يونس هيسبنا نرقص اصلا .