#البارت الثالث و الثلاثون
#اسود_القادسيه
بقلمي كاريانا 🌿
حيل شوية ضل وعيون تعبانه
مخليهن للمتانه
من تلگه محطة وگاع كلها گطوف
چان الينتظر آنه
.....
فزيت عليه يخلي الغطا عليه كال بهدوء
محمد :اسم الله ابني....
باوعت لعمي عيونه متورمه وكلش حمر مبين جان يبجي اخخ شيمه خليتي بينه جرح ميطيب..
رفعت عيني ادورلها كال بهدوء
محمد :لكيتها غافيه وشلتها لفراشها...
هزيت راسي بايجاب كل همي هي ما تتأذه استعدلت مرتاج ع الحايط ارتاج بصفي وضلينه صافنين شويه واردف بصوت مخنوك
محمد :شاهين ابويه اليوم اتيتمنه سوه..!
شددت على ايده داير وجهي عنه احارب دموعي حرب حته ما تنزل...
كال بهدوء شاهين
ما جاوبت حيل مختنك....
حسيت روحي صدك تيتمت نفروني الناس وهي احتوتني ضربوني حمتني كرهوني حبتني كلهن جانت اسويهن ومن ارجع تعبان لو موجوع اروح احط راسي بحضنها وامدد وهي لو تقرالي قرأن او دعاء او تهون عليه...
بس بعد منو يسويهن واني طفل ما طلبت حضن يحويني ابدا حته مثل اخواني محد حضني بس هسه احس روحي بأمس الحاجه للحجيه
انداريت وكلت بصوت ناصي وعمي عيونه تصب دم مو دموع....
:-اني طول حياتي انعد على الايتام، لااب الكادني مثل هل أطفال وعبرني شارع، ولا ام من اجي تتلكاني تحضني الحجيه جانت هيه امي ورضا ابويه... بس كل يوم بهيجه وقت ادخل حضنها بهدوء وهي تقرالي ايات او دعاء ودائما تدعيلي ومن التحق ترش وراي ماي علمود ارجع سالم ومحد سواهم غيرها بس اليوم وين الكه حضنها عمي اريد اطلب شغله؟
اندار لي وكال بتفهم
محمد :اي بابا شنو هي..!
ابتسمت بتعب وكلت
شاهين :ما مسويها قبل بس هسه محتاجها، عمي لمني لحضنك، الحضن الي يلمني يوميه اليوم باحضان التراب...!
حضني ومن صدك بجيت بانهيار هو يبجي واني ابجي وكل شويه اردد
-اليوم والله اليوم تيمتمت...!
وعمي يمسح على راسي بحنيه ويردد بهدوء
:- اهدئ شاهين اهدئ ماكو شي هذا اني يمك، شو اهدئ لا تتخربط....
حسيت بشعور اول مره احسه چن صدك طفل يتيم ولكه الي يلمه باحضانه..!
طلعوا الولد ركض مفزوعين شافوني انصدموا بشكلي رضا عيونه جمر ويمسح بوجهه وسراج يشهك وهود حاضن عمر وهارون منهارين طلعت ليان تركض شافتني بحضن ابوها تفاجأت عبالها بيه شي....
ليان....
طلعت على صوتهم صارتلهم هوسه وكان شخص ديبجي ممكن عمر أو هارون بس انصدمت بشاهين ابويه حاضنه اثنينهم يبجون لا يربي شنو السالفه شاهين اول تالي واحد يحضنه استعدل من طلعت رضا يمسح بعيونه وسراج الشهكه مجلبه بي
شاهين منهار كعدت كدامه على ركبي كلت بخوف
YOU ARE READING
اسود القادسيه (الاصليه)
ChickLitمثل الشيطان بأفكاره الشريرة وكل ملاك بملامح وجهي يفعل المستحيل ليحصل على ما يريد ويعامل كل الناس بطريقة غريبة. ماذا وراء هذا الشخص؟ هل سيكسر قلب أحد أم سيجبر؟ -من أنتَ؟ -انا من وقع عله عاتقه ان يأخذ بثأر قديم.. انا شبل لاسد عظيم... انا من خذله أق...
