اسود القادسيه (الاصليه)

البارت الثاني والعشرون

#البارت الثاني والعشرون
#اسود_القادسيه
بقلمي كاريانا 🌼

بدا لوني يتغير هذا شي يكفي

بدا صوتي يتعثر وارتجف چفي
احبك مـا گدرت اخفي

..

شاهين :لطم وجه بقوه وكال

والله حسيت....

كال فاهد مستوقفه

فاهد :شاهين عدنه امتحان!

اندار بعصبيه

شاهين :انعل ابو الامتحان لبو خيره خوششش؟

وراح يركض..لحكته، حاول الحارس يوكفه لكن هيهات محد كدامه يركض ركض

الحارس :وين يابه الدوام بعده ما خلص

شاهين :وخر مو وكتك!

صعدت شغلت سيارتي صحت

-شاهين عوف سيارتك وتعال َ!

صعد وطلعنه بسرعه خابرت جنات دلتني ع المستشفى..
رحت لكيت باهر كاعد بالباب ع الكراسي ينتظر وليان وجنات جوه...

طب شاهين َكال بخوف

شاهين :شبيها شجاها!

باهر :والله ما ادري بس كالت اختنكت وكتلها طلعي بس نزلت من مكانه ما وصلت الباب وطاحت...

وبسرعه جبته..

شاهين :دخلت لكيتها معلكيلها مغذي وفاقده...

خويه شبيه؟

جنات :لايضل بالك بسس هبوط مو اكثر

شاهين :ما صحت؟

جنات :لا والله..

تقربت مسحت ع اديها همست

لبوه لياني لبوتي شو كعدي شوو؟

ليان :فتحت عيوني كوه.. موجوعه وتعبانه

ش. شاهين

ابتسمت وكلت

شاهين :يروحه وعمره!

ليان :موجوعه!

شاهين :هسه بابا هسه.. تصيرين زينه ليش تخربطتي؟
اكلتي؟

اباوع لها بشك وهي متكدر تجذب

ليان :لا

كلت بعصبيه خازرها

شاهين :ووجعا بكلب شاهين ان شاء الله.. ليش شهل عناد ليش هلكد رأسج يابس تدرين يوميه تموتيني موته من وراج ليش يا بابا؟؟

ليان :مالي نفس اكل..

تنهدت بقله صبر ورجعت اردفت

شاهين :ليان ميصير والعباس ما كدرت اسوق.. اجيت بسياره اشهب عندي امتحان ومحاضرات عفت كلشي وجيتج اركض يا بابا هو هيجه بنياتي؟

ليان :ما أكدر فدوه..

عضيت ع أيدي بقهر من وراها

شاهين :اخخ يا ليان اخخ! شكد عنيده!
اني بره ارتاحي..