اسود القادسيه (الاصليه)

البارت الرابع والثلاثون

#البارت الرابع والثلاثون
#اسود_القادسيه
بقلمي كاريانا 🌹🌸

شلونچ بـ اللي يذگرچ وين مايمشي
شلونچ بـ اللي يقدسچ يبعد گلشيّ
شلونچ بـ اليتيّةه روحةه مـَن يلگاچ
مـَن افتح ليش اشوفنچ عايشةه برمشيّ؟
🫣🫂🧿
.......

سراج....

كاعدين بالديوان وكلمن لازم جهازه وكاعد كلنه بزعانين كال عماد وهو عيونه بالتلفون

عماد :ادري غير مرته الماتت..

سراج :الايهم ما يعترف اله بالفلوس عنده استعداد يكتلنه كلنه مقابل مليار دولار
تململ شاهين وتمدد على بطنه وكال بعدم اهتمام

شاهين :واني مثل الايهم بس مو علمود الفلوس لا...
ركز عماد ويا واني أشرت لرياض نخبث عليه ورياض ما كال باطل

رياض :چا علموديش؟

ابتسم شاهين وهو مغمض عيونه وكال بفرح
:- لخاطر عيون لبوتي...
بعدنه ما لحكنه نخبث واجانه صوت ليان وهي تصيح
-شاهينن ولك شاهين

كمز شاهين يصيح

::-ها يبعد شاهين اجيتج بنياتي
راح يركض واحنه وراه اجتي لبوه تركض وتحجي كوه تلهث وهو يباوعلها ببخوف

-شاهيني شاهيني

اجتي ركض اندحست وره ضهره وهو صافن وهي حاضنته من وره بقوه راد يندار ثبتته وهو كال بتساؤل مصدوم ولو كلنه مصدومين

شاهين :شبيج شبيج بس اتنفسي

ليان :شاهين بس حاميني منه...
ابتسم لانه ختلت يمه بعد اخويه هاهيه يضل اسبوع فرحان

شاهين : لج عرمه من منو؟

واجه عمي حيدر يصيح وينه هاي النعاله إذا ما كسرت راسها وينهااااا
وليان خاتله وره شاهين خايفه مجلبه بقميصه حيل..

واجه عمي يريد يسحبها واحنه بس صافنين وعماد حاط ايده على خده وصافن نتر ايده شاهين من راد يجرها صاح عمي

حيدر :تتأدب وتنطيني اياها

هز راسه وكال بتهديد

شاهين :ابن ابوك وتاخذها من ورايه...

حيدر :جيبه لك ادبسزز جيبهااا

شاهين :لا يعني لا

خزرها عمي وكال بوعيد

حيدر :اني الج ست ليان تضلين العمر كله خاتله يم هذا العار إذا ما كسرت ايدج شاربي مو عليه

شاهين :مو كتلك ابن ابوك ومد ايدك عليها اريدها من الله وتمد ايدك عليها

حيدر :اني الكم

شاهين....

انصدمت من صوتها العالي مستحيل تسويها وزاد صدمتي من ختلت وراي حيل مجلبه بقميصي خايفه لان لا ابوها ولا اخوانها وامها تخزر بيها وهي كلش حاضنتني....
وره ملاطش ويه عمي حيدر وراح وهو يرعد خليت أيدي بايدها اخذتها ونرجس كاعده ع اخر بايه تشمرلي بوسات بالهوه وبراء تسويلي عفيه بدون صوت تخاف من نبع الحنان وامال تباوع لسرى بنصر