مساء الخير عمري
#زُقاق_الثاني_والثلاثون .
بقلمي: غرام
هَاي الليلة مُو تعبَان متشَضي
هَاي الليلة إذَا مَاتگضِي أنَا أكضِي .
~~~~~~~~~~~~~~~~~~
دموع، خوف، قلق، أفرگ بأيدي ع القنفه دموعي يصبن
خايفه اتلفت، ويني وين القتل؟ شنو صار اني ليش مُتهمه
منو قتل ميسون؟ ليش بين لليلة ويوم اصبحت مجرمة؟
منو الدخل حياتي بالختلة وجاي توكع مصايب على راسي
امي منو يمها هسه أبوي اذا يسمع يمووت فوك شلته ينشل ،
شلون أخلص من هاي التهمة؟ قتل ياارب قتل ومنوو؟
ميسون صديقتي الي عشت سنين وياهه رغم غدرتني بس
موتها وقتلها هدني هد وبچيت عليها .
فزيت من انفتح الباب وفاتوا كومة ضباط
كمت افرك بيدي أرجف اجه جساس يمي يحجي بهدوء يطمني
_لاتخافين تطلعين والله وبراءة
_شلون مااخاف؟ اني مُتهمه بجريمة قتل استاذ دتتخيل؟
شاهباز: واحنه مُتهمين بالتحريض بس ربج ڪل المركز يعرفنه ولابيهم ولا بشكواهم النريد نوصله هسه القتلها منوو
جواد: بعدها بالطب العدلي؟
_راح يفوتونها للتشريح كلشي يظهر بالتشريح ونشوف السبب
شاهباز: صدكووني هاي جريمة مُخطط الها والجريمة بعيدة عن يَـمامة فقط رادوا يضربونه ضربه من راحت البيتها
جساس: صووجي كتلج روحي
كعدت ايدي ع خدي خايفة وحاايره كلبي يدك سريع احس طكني خفقان ،
ڪل مااتخيل انحكم أعدام ابچي احتاروا شلون يهدوني
جساس: هسه عليمن تبجين يَـمامة ياابة وداعة ادم اطلعج مناا
شاهباز: نطلعها قصددك
_المهمم بس لاتبجين والله ترجعين يوم مااتظلين
جواد: موهيه لعبة،
_ترى واضحه وضوح الشمس مخطط الها والجريمة بعيدة منهاا
_احنه مقتنعين اقنع الحكوومة الغيرنه ترى موبس احنه شادين رتب ،
دخل واحد ضخم باوعت لكتوفة عرفته نقيب
كعد بهدوء وهمس
_شاهباز صدرنه البيت ومبايلات عائلتها ومبايلاتهه وكلشي تم
_الحي مابي كامرات؟
_بي بس مكهرات ولا تصوير موجود الجريمة مدروسة بدقة تقنية
يَـمامة: مدروسه ومدققة اني وين هاي سوالف ملف اظل بي سنه يله يكمل .
حجيتهه وبجيت مغطيه وجهي أحتاروا بيَّ يردوني اسكت وماڪو
دكيت على رجلي واحچي بشهكة
_هيه صدك غدرتني بس مواكتلها شطعلت مافيا اليسلم عليَ امووتة
تكابل واحد بيهم وياي مبين يحشش خله ايدة على راسه وينعي بضحك
جواد: هسه شلون نسكتها يمة شلوون بية ولچ أعترفي كتلتيها
_ولعباس ابو فاضل ماكتلتها
_لا احجي احجي اعترفي شسويتيلها نمتي يشعرها تفلتي جا بس حجيتي وطلعتلي
_كلشي ماسويت
دفعه جساس يغلط عليَّ طلعوا كلهم مني بقيت وحدي صافنه
والشهكه بصدري وبالي يم امي سودة عليَّ هسه شلون حالها .
رجعت ظهري ع تخم عيوني يأذني من البجي والعصر
انفتح الباب وفات جساس سدة وابتسملي
_بلاتخافين وعيون أدم گلبي بارد هسه يجي شاهباز وويا دليل وطلعين
_أنشاء الله
_خليچ قوية مامتعود عليج هيچ صيري مثل مرت اخوي لبووة
_وردة؟
YOU ARE READING
زُقاق
Mystery / Thrillerصمتٌ رهيب يحكِمُ قبضته على روحي اريدُ اخراس الجميع أريدُ حياةً فارِغة سوى من الموسيقى لا أحد فيها لا معارف أو أصدقاء أو أحبه أود بحادث سيّر يُنسيني ذاكرتي وطريق العودة للمنزل أن أختار لي اسمًا جديد وميلادًا جديد أن أكون منسيًا للأبد أن أموت حُرًا ح...
