مساء الخير والعافية .
#زُقاق_التاسع والعشرون
بقلمي: غــرام .
لاتنسون التصويت ع الباب وتعليق بين
الفقرات ،
اورث ذكريَاتك واشهگ ودَاع .
~~~~~~~~~~~~~~~~~~~~
شالة احمد وحده متخبل وجواد ركض طلع السيارة طلعت وراهم ممنتبهه ع نفسي لاشال
ملابسي كصار والطم ع وجهي
راح اخوي راح الاخررر ذكرى أهلي
ڪل الدموع والصريخ والبچي واني اركض وراهم موحاسه بشي
انهبتت بقوة لهيب تصيح عليَّ
_ولج بسس البسي شاالج هاي صايه مرروة
_اخوووي لهيب اخووي
_والله هسه يجيبونه مابي شي
_ماااااابي نبض اخوووي مابي نبض
يمة گلبي
طحت بيدها حارت بيه طلعت ام وردة وراهه عمي
تبجي بصياح لمتني بحضنهه تصرخ
_يمة يعباس يمة عمة عيني عليك تردون
تمون البنيه .
_خالة اخوي مابي نبض كعدته ماكعد والله ماكعد
هزيته هز بس يكعد ماكعد يريد
يعووفني هم يجوز عاافني خالة
فؤاد: رايح الحكهم اناا لاتجن ورانا
بوية وردة والله كلبي بارد هسه يرجعلج والله .
ڪوموني دخلت البيتهم منتهيه
وردة كاعده تبجي من شافتني رفعت ايدها
كعدت يمها حاضنتني ساكتة
لهيب تفتر تتصل بيهم محد يرد سودة الدنيا بوجهي
عيوني راحوا من البچي
شدية ظهري بيك خوية تالي تعوفني مكسورة
جذع
شنو سويت والله يمتحني بأهلي واني وحيده
شنو الذنب السويته بدون قصد ربي جاي يعاقبني عليَّ ،
_يمة مروة صلي على نبيج يمة ان شاءلله ماكو شي
_خالة هزيته بديه ضربته ردت بس يكعد ويكلي اشاقه مااكوو ماكعد
وردة: ماخذ شي حبوب بالغلط اكله أثرت؟
_لااا والله تغده وكال راح انام كعديني اروح الصديقي مسوي حادث .
_انشاء الله يرجع بخير حبيبي انتِ
_احمد كال مابي نبض
شهكة مخليه ادية ع راسي الدنيا تفتر بيَّ
غسلن وجهي رادني بس اهدئ ماڪو
خالتي ولهيب يفترن يتصلن بيهم مايردون
بچيت امسح على كلبي
_هسه شبيهم مايردون ماات اكيد مات ويخافون يكلولي
وردة: لا اسم الله لو بي شي تلتم قرايبكم اسم الله مثل موتت امج كولي يالله .
_اذا يصير بي شي وين أروح؟ وين انطي وجهي
اصير بيد اليسوة والمايسوة
منوو الي بعده
سكتن يبجن على بجيي اتصلت خالتي بشاهباز
انطته علم حتى يرحلهم بقيت
بحضن وردة أبچي بشهكة وحيلي رايح كلبي
مايهده ابدًا
كمت فازة من سمعت مبايل لهيب يدك كمزت
يمها ردت كبل
_هاا جوااد بشرناا يمعود كلوبنا ماتت
_عايش مابي شي طمني مروة شوية وجايين
مروة: حباااب جواد احچي الصدك اخوي زين مابي شي
_والله العظيم مابي شي شوية ونطلع ونفهمجن يمي هوسه
سدة كعدت بالكاع اشهك سحبتني خالتي الحضنهه
احجي بغصه
_چاا عافني خالة چاا مات اخوي چان ظليت
يتيمة من صدك
_هياتة حبيبتي ماما راح يطلعون من المستشفى وتشوفينه كافي حبيبتي
_والله كلبي خلص بعد مابيه هم بس يموت اموت وراهم فد مرة مثل سوية فضل .
YOU ARE READING
زُقاق
Mystery / Thrillerصمتٌ رهيب يحكِمُ قبضته على روحي اريدُ اخراس الجميع أريدُ حياةً فارِغة سوى من الموسيقى لا أحد فيها لا معارف أو أصدقاء أو أحبه أود بحادث سيّر يُنسيني ذاكرتي وطريق العودة للمنزل أن أختار لي اسمًا جديد وميلادًا جديد أن أكون منسيًا للأبد أن أموت حُرًا ح...
