🥀زوجتي الثانية ارملة 🥀
🥀قلم Aicha Mos 🥀
🥀البارت 21🥀
عمر تشوف فيها : انا مزوج وعندي ولد
ايمان زيرات على كسوتهاا بصدمة بلعات ريقهاا : علاش باغي تعدد عليها ؟
عمر : قال تعالى بعد اعوذ بالله من الشيطان الرجيم (فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلاثَ وَرُبَاعَ).
وقال في اية كريمة اخرى {الْمَالُ وَالْبَنُونَ زِينَةُ الْحَيَاةِ الدُّنْيَا وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ أَمَلًا}
ايمان : اعوذ بالله من الشيطان الرجيم قال تعالى وَلَنْ تَسْتَطِيعُوا أَنْ تَعْدِلُوا بَيْنَ النِّسَاءِ وَلَوْ حَرَصْتُمْ
واش كتشوف بلي تقدر تعدل ؟
عمر بترجي : اسأله تعالى ان يوفقني لذلك
ايمان بصوتها الرزين : قلتي بلي الله رزقك المال وعندك الولد الله يصلحو فعلاش باغي تزيد الثانية ؟
عمر هبط راسو بحالا تيفكر : الله استخلف بني البشر في الارض لعبادته عز وجل و الرسول صلى الله عليه وسلم قال تزوَّجوا الوَدودَ الولودَ فإنِّي مُكاثرٌ بِكُمُ الأُممَ
وانا اسال الله تعالى ان يرزقني كثرت الاولاد والبنات ان يكونو ذا نفع للامة الاسلامية
ايمان عجباتها طريقة هضرتو و صراحتو وعرفات من كلامو ان زوجته الاولى عندها مشكل فالانجاب ومبغاتش تجبد معاه الموضوع حيت باين : ءامين ....زوجتك موافقة ؟
عمر : اه موافقة
ايمان بتاسمات بحزن وهزات فيه عينيها ولاول مرة تتشوف فيه الخجل واضح من ملامح وجهها الي تحولات للوردي قالت بصوتها المرتجف : انا بغيت نتلاقا بيها
عمر هز راسو فيها لقاها تتشوف فيه بعيونهاا الرمادية اول مرة يشوف عيون بذاك اللون قلبو سمع نبضو فوذنيه ...عينيه على وجهها الجميل والبريء قلبو ضبر بجهد وهو تيشوف فيهاا ...هبط راسوو حيت حس بلي عيق وهو تيشوف فيهاا بنظرات الاعجاب قال بصوت منخفظ وغير مسموع : ما شاء الله
ايمان هي كذلك هبطات راسهاا خجلة ملي تلاقاو عيونها بعيونه السوداء الجميلة ..ملامح وجهه الرجولية والنور محيط بيه رجل دو وجه ترتاح ونتا تتشوف فيه...استجمعت شجاعتهاا وعاودات سؤالها ليه وبصوت شبه مسموع بخجل واضح : واش نقدر ؟
عمر قلبه باقي تيضرب حاول يركز معاها ويرجع لموضوعهم : واش كاين شي سبب ؟
ايمان زيرات على كسوتها مرة اخرى : منقدرش نبني سعادتي مقابل سعادة انسانة اخرى خاص نسمعها منها هي
عمر بتفاجئ : نتي موافقة ؟
ايمان وقفات بسرعة حسات بخجل غير مسبووق : انا غادي نتسنى جاوبهاا واتمنى توافق تشوفني
عمر وقف تاهوا كيوشف فيها بعدم فهم : ان شاء الله عندي هاتف خالك
ايمان تمات خارجة حشمااانة بزاااف وقلبهاا تيضرب بجنون : في امان الله
عمر تبع ليها العين حتى خرجات ورجع جلس قلبوو تيضرب كذلك بسرعة وعينيهاا مزال مرسومين فعقلوو استعاذ من الشيطان وبتاسم وهو تيتذكر طريقة كلامهاا
سالم الي من بدات المحادثة وهو شي فهمو وشي لا غير تشوف ويستغرب هادو علاش شنو داويين ؟؟....مشى عندوو وبتاسم
سالم : السي عمر اش بانلك فالبنية راها حادݣة وزينة تبارك الله
عمر ناض وقف : ان شاء الله خير ...نخليكم دابا الله يخلف عليكم ونبقاو على اتصال
سالم وقف تيشوف فملامح عمر الي معرفو واش عجباتو البنت او لا تمشى معاه فاتجاه الباب : ان شاء الله
عمر خرج حل باب الطموبيل سلم عليه بالايد سلام رجولي : السلام عليكم ورحمة الله
سالم بتاسم : وعليكم السلام ورحمة الله وبركاته
بقا واقف تيشوف فيه حتى مبقاش تيبان ليه ورجع دخل ...لقا فوزية منوضة الروينة ...
سالم : اش واقع ؟
فوزية : سمع لك هادي اش تتقول قالك مموافقاش عليه بغات تجلس ليا هنا ؟!!
سالم بتفاجئ: وعلاش ا بنتي ايمان السيد كيبان الله يعمرهاا دار وتيبان ملتزم كيف بغيتيه
فوزية جلسات تتسوط : غتحمقني هاد الصكعة غنولي متتسمعش لياااا وتقول
ايمان جلسات تاهيا فوق السداري : ماما السيد راه مزوج !
سالم تصدم : وايلي ؟ كاع مباينة فيه مقالهاش ليا
فوزية بلامبالات : واش فيهاا الشرع عطاهم اربعة !! فين الدين ديالك هادشي مقريتيهش ؟
ايمان هبطات راسهاا : اه هذا شرع الله ولكن منقدرش نوافق ومرتو الاولى صغيرة وعندها ولد راه سعادتي منبنيهاش على سعادتها هي
سالم : لعجب تزوجتي بالحاج الذهبي وخا عارفاه مزوج مقلتي لا سعادة لا الضحى !
فوزية عوجات فمهاا : هانتا تشوف ديك الساعة طامعة فالفلوس دابا راها دايرة فيها ملااك الرحمة !
ايمان بحزن : هذاكشي داز وحالة الحاجة ديك الوقت ماشي بحال هاد السيدة مبغيتش نضرهاا الله يسهل عليهم ويكمل عليهم بالخير ....
ناضت خرجات خلاتهم غير تيشوفوو فيهاا ~
#يتبع
YOU ARE READING
زوجتي التانية أرملة(بالدارجة المغربية)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
