🥀زوجتي الثانية ارملة🥀
🥀بقلم : Aicha Mos 🥀
🥀البارت 17🥀
عمر : غنمشيو نخطبوها وديك الساعة يكون خير ومن حقها ترفض او توافق و انا كذلك
الحاجة خديجة تنهدات : فكر اولدي مزيان فهاد الخطوة التعدد خاصو العدل والصبر
عمر : الله يوفقني الحاجة
الحاجة خديجة: امين اولدي نعيط للحاجة صفية ناخد نمرة خال البنت وعيط ليه
عمر باسها فايدها : الله يطول لينا فعمرك
الحاجة خديجة بتاسمات بحنان :' امين الله يرضي عليك و يوفقك لما يحبه ويرضاه
عمر وقف : انا نخليك تكلفي بالموضوع انا غنمشي للمحل
الحاجة خديجة : الله يعاونك و يفتح عليك ابواب الخير والبركة
عمر باسها فراسها : ءامين ياربي
تاجه للكوزينة لقا غير سناء تتطرف الدنياا ...عنقهاا من اللور وباسهاا فكتفها بحنان
عمر : الغالية محتاجة شي حاجة انا خارج ؟
سناء تتضحك : ههه تتهرني ...لا ممحتاجة والو الله ينورك
عمر : وعبد اللطيف ياكما ناقصو شي ؟
سناء ضارت عندو : لا الحمد لله ...غتعطل لعشية
عمر : شوية لخرجاتلي شي حاجة غنعلمك تعشاو
سناء : ان شاء الله الله يسر ليك
عمر باسها فجبهتها : ءامين يارب
خرج عمر ركب طوموبيلتو. فاتجاه المحل الي جا وسط المدينة ....غادي وتيفكر فموضوع الزواج المرة الثانية ويسأل الله تعالى يوفقوو و يبعد عليهم كل الشرور و شياطين الانس والجن ....تذكر كلام أمه عن البنت الارملة الي غير من اوصافهاا رتاحليها كيف كتقول امه تتخاف الله وخجولة و مصوابة.....طلب الله انه لو فيها خير يسر ليهم فالزواج وانها لو فيها الشر يبعدها عليهم وميكملش عليهم ....وكذلك دعى الله ان هاذ الزواج لو كان فيه من الشر يعكس ليه ولو فيه الخير ليهم يكمل ويوفقهم فيه ....
وصل للمحل وتلهى المشاغل ديالو ...زبناء وسلعة كثيرة والرواج كذلك ...ربي فتح عليه ابواب الخير والرزق ويسر ليه فالتجارة ...كيدير الخير والصدقات في كل مرة تيسر ليه المولى عز وجل ....جاتو رسالة فالهاتف ديالو قراهاا وكانت من الام ديالو باعتا ليه نمرة سالم خال البنت الارملة
دخل لمكتبوو ....وتاصل بالرقم وتسناه يجاوب وبالفعل جاوب سالم من الطرف الاخر
سالم :الوو السلام عليكم شكون معايا ؟
عمر : وعليكم السلام ورحمة الله السي سالم هذا ؟
سالم : هوا هذا شكون معايا ؟
عمر : انا عمر السي سالم لاباس عليك امورك طيبة ؟
سالم : مشرفين الحمد لله بخير وانت اخويا عمر اش حب الخاطر
عمر : الحمد لله ...بغيت نجي عندك للمحل بغيتك فزاحد المووضوع
سالم : مرحباا عارف العنوان ؟ *****
عمر كتب العنوان ف ورقة على. المكتب ديالو وبتاسم : اه صافي اللهم يسر شوية وندوز عندك
سالم : مرحبااا
سالم قطع الاتصال هز كتافو بدون مبالات ...رتاح ل عمر غير من هضرتو تيبان شخص ماشي ديال التفلية وعطاه العنوان وهو مخايفش انه يكون شي شفار او شي نصاب ....حط التليفون فجيبو وكمل شغلوو تيتسنا هاد عمر الي عيط واش غيدوز ولا غير تفلية ؟
#يتبع
VOUS LISEZ
زوجتي التانية أرملة(بالدارجة المغربية)
Roman d'amour💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
