🥀زوجتي الثانية ارملة 🥀
🥀بقلم : Aicha Mos 🥀
🥀البارت : 16🥀
بعد شهر من اخر مرة هضر عمر وسناء على موضوع الزواج ..والي كان كل مرة تيتاكد من قرارهاا حيت مباغيش يدير شي حاجة هي رافضاها...حيت مباغيش يهدم داروو هو مغاديش يدير شي حاجة حرام من حقو يتزوج بدل المرة اربع مرات ولكن مبغاش يدير الفتنة ويهدم الاسرة ديالو ....جالس عمر هو و الحاجة خديجة فالصالون قدامهم صينية اتاي و بعض المكسرات ....
عمر : الحاجة بغيت نهضر معاك فواحد الموضوع
الحاجة خديجة بابتسامة لطيفة : نعم اولدي مرحبا شنو عندك ؟
عمر : انا قررت نتزوج
الحاجة خديجة شافت فيه : بعد الشهور كاملة ومقلتي ليا والو صحابلي نسيتي الموضوع او مبقيتيش تفكر فيه ؟! وسناء شنو قالت ؟
عمر : اه وافقات
الحاجة خديجة : ياكما بززتي عليهاا هاد الايام تتبانلي مرة مرة مرة غير ساهية ؟
عمر بتفاجئ : لا ابدا بخاطرهاا تعرفيني انا نبزز عليها شي حاجة مباغاهاش ؟
الحاجة خديجة : لا مديرهاش ...اوا اولدي الله يسر ليك شكون هاد العروسة الجديدة ؟
عمر حط كاسو فوق الطبلة : هذا هو الموضوع الي بغيت نهضر معاك عليه ...بغيتك نتي الي تختاريها
الحاجة خديجة : مرحبا اولدي كاينين بنات غزالات فالعروبية صغارات وزينات
عمر بحزن : لا لا بغيتك تشوفي ليا شي بنت الي مطلقة او ارملة وتكون فديك 26 27 عام بغيت الي بعقلهاا الحاجة
الحاجة خديجة كانت غير بغات تجربوو بتاسمات بسعادة : ايه اولدي كاااينة وعزيزة عليا البنت وخا شحاال هادي مشفتهاا مرت الحاج الذهبي الله يرحمو
عمر بصدمة : الحاجة صفية !!!؟ الواليدة ؟
الحاجة خديجة ضحكات بصوت : ههههههههه لا اولدي مرتو الثانية
عمر بتفاجئ : علاه كان مزوج بجوج ؟
الحاجة خديجة : اه قبل ميموت بعامين تزوج بديك البنت
اول مرة شفتهاا قلت كيفاش حتى ختارها الحاج الذهبي وتقبلوها ولادو والحاجة صفية
عمر بتسائل : علاش ؟
الحاجة خديجة : الله يغفر لينا كاملين كانت تطلق الشعر وتلبس حوايج ممستورينش راك عارف الله يهدينا
عمر : اوا ؟
الحاجة خديجة : سبحان الله مكملاتش معاهم 6 شهور حتى هداها الله وتشوفهاا ما شاء الله دين وخلق وحياء وصواب الله يرضي عليهاا ...
عمر : معندهاش لولاد ؟
الحاجة خديجة : لا راه الحاج الذهبي مرض فالعام الثاني فزواجهم ومرزقهمش الله لوليدات
عمر : باقة عايشة معاهم دابا ؟
الحاجة خديجة : لا رجعات لدارهم ...الحاجة صفية داوها وليداتها للخارج ديك البنت مبغاتش تمشي معاهم وتفارقو معاها بالدموع حيت ولفوها وولفاتهم
عمر : شكون قالك هادشي ؟
الحاجة خديجة : الحاجة صفية الله يشافيها مسكينية كرفصهات المرض باقة انا وياها على تواصل
عمر : والبنت غتكون تزوجات ؟
الحاجة خديجة : لا مزالة هي نيت مزال تتصال بالحاجة صفية وتسول عليها
عمر : وشنو بانلك فيها ؟
الحاجة خديجة : كيف قلت ليك الله يعمرهاا دار ولكن معرفتش واش تقبل تدخل ضرة على سناء الي مزالة صغيرة وزوينة وعندكم ولد
#يتبع
أنت تقرأ
زوجتي التانية أرملة(بالدارجة المغربية)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
