-لا تلوم المهره بجفوف الغريب
الصوج منك ماصرت خيالها
~~~~~~~~~~~~~~~~~~~~~~~~~~~~
«بسم الله الرحمن الرحيم»
-ثاني يوم كعدت عندي طاقة ما اعرف وين افرغها كبل اتصلت على هدى كلتلها
-رفيف: اليوم نطلع
-هدى: فيفو حلمانة؟
-رفيف: لا بس عندي طاقة ف اريد اطلع
-هدى: تدرين بيش الساعة؟
-رفيف: لا
-هدى: الساعة بل 6 الصبح
-رفيف: عادي وإذا؟
-هدى: بالنسبة الج عادي وبالنسبة للمطاية النايمة شنو؟
-رفيف: اعتذر منك حبيبي المطي ما قصدي
-هدى: اكلي خر* وكولي وين نطلع
-رفيف: ها جا مو نايمة؟
-هدى: ترة كعدتيني بعد طارت النومة
-رفيف: المهم خل نروح نفاجئ نور ببيتهة
-هدى: كلبج حنين لو خنين؟
-رفيف: لا هاذ ولا هاذ واليوم بال10 نروحلهة تمام تمام جاوو
-قفلت الاتصال بدون ما اسمع ردها كمت نضفت الغرفة نزلت الكل نايم دخلت للمطبخ سويت ريوك اكلت شفت البيت وصخ عبن صارلي كم يوم ما انضف محد يكدر ينضف الولد ملك ما ينضفون وامي مريضة وحنين وصخة شلت الدشداشة حطيتهة بملابسي الداخلية (حركة معضم البنات) شديت شعري كباية ليفوك وبديت انضف نضفت المطبخ ومسحته حطيت بخور وطلعت رحت للصالة نشفتهة سويتهة تلمع لمع هم حطيت بخور وطلعت رحت كعدت ذو الفقار يشتغل وي ياسين محامي كعدتة سويتلة ريوك خليتة ياكل ورحت كعدت ابوي كعد غسل وراح ياكل وحنين تخرجت قبلي بسنة هية تمريض كعدتهة راحت غسلت وتاكل وياهم امي عفتهة نايمة اليوم حتى الطبخ علية شهب وسيف كعدتهم كالو نغيب عفتهم براحتهم سوينالهم غرفة جوة يم غرفة ابوي وامي على ما اكلو نضفت الحمامات نزلت لكيتهم مخلصين اكل شلت المواعين غسلتهن واخذت البخور حطيته بغرفتي ونزلت نضفت الطرمة خلصتهة رشيت الحديقة وكعدت ارتاح شوي فتحت الفون شفت الساعة بل 9 ابوي وفقار وحنين بالشغل وامي نايمة هية وشهب وسيف بس اني كاعدة بقالي ساعة يالله عادي اتاخر كمت نضفت غرفة فقار خلصتهة حطيت البخور مال صالة بغرفة فقار ورحت لغرفة حنين
-نضفت غرفة حنين حطيت البخور مال غرفتي بغرفة حنين وطلعت لغرفتي سبحت شفت الساعة بل 10 الا خمسة مشطت شعري وحطيت مكياج خفيف وناعم طلعتلي حجاب وي الملابس بس ما لبستة نزلت لكيت امي كاعدة بالهول حاطة ايدهة على خدهة وصافنة بالكاع حاجيتها ها يمة كالت
-نرجس: ابوج جايب خدامة؟
-رفيف: لا ليش؟
-نرجس: لعد منو نضف البيت؟
