- بغزل عراقي :
وبستان الوُرد لولاچَ ما وُرد ✨.
~~~~~~~~~~~~~~~~~~~~~~~
«بسم الله الرحمن الرحيم»
- رفيف: كعدت الصبح اليوم ما اداوم ما بيه حيل كمت غسلت وجهي وبدلت ملابسي ونزلت اكل حتى الساعة ما شفتهة بيش نزلت الكل نايم رحت للهول شفت الساعة بل 6 الصبح واني شبعانة نوم ضليت افكر شسوي اجتني فكرة
رحت للمطبخ سويتلي لفة جبن وجاي اخذتهن ورحت للحديقة الخلفية كبيرة مو مثل حديقة الامامية صغيرة شوي اكلت وافكر شسوي شوي وسمعت صوت الباب مال بيت انفتح رحت ركض اشوف منو شفت ابوي طالع للدوام لان ابوي موضف ف سألتة
-رفيف: صباح الخير عندك دوام؟
-ابراهيم: صباح النور اي بابا عندي دوام
-رفيف: تريكت لو اسويلك اكل؟
-ابراهيم: لا بابا تريكت ميحتاج بس انتي مو دوام شنو ما مداومة
-رفيف:اي مريضة ما اداوم مالي خلك
-ابراهيم: شبيج جنج مطي يناطح كلشي مبيج من هسة اكلج اذا انطوج ورقة انذار ما اروح للمدرسة لو يجي مدري منو خوش بابا خليها ترجية باذنج
-رفيف: اي بابا لا تروح عادي
-طلع ابوي للدوام وكلامة بكلبي ليش هوة مو يروح لاختي للمدرسة اني اتذكر بس مرة بالابتدائية اجاني واني جانت عندي مسرحية اني جزراية اشرح عن فوائدهة واجاني وبس ابد ما اجاني بعد بس اختي يروحلهة
-حنين: ها فيفو شعندج هنا مو دوام انتي؟
-رفيف: ها ما اداوم ما بيه حيل مريضة
-حنين: ضلي على كسالتج ما بيج خير
-رفيف: دروحي بابا روحي
-راحت حنين وابوي للدوام وذو فقار هم راح صارت بل 8 ونص واني كاعدة ملانة ما عندي شي اسوي رحت لغرفتي طلعت ملابسي وبديت اسفط بيهن خلصت وجبت ملمع جام نضفت الجام وكنست الغرفة ومسحتهة وشهب نايمة هية وسيف تؤام شكد حلوين هم احلانة بالبيت ويمكن بالعشيرة
طلعت موبايلي صورتهم منضرهم يجنن وراسلت هدى متفقين احنة انو نغيب سوة طبعا هدى احلى وحدة بالشلة مرات اصفن اكول هم يجي يوم نفترق احبهة حيل هية متدينة ونوع الفكاهي كلش ضلينة نسولف وكل شوي دكلي لك ايع ماخذتهة من قصة بالواتباد اثنينه نقرا واتباد
-رفيف: ولج شفتي تشاكي البارحة؟
-هدى: شبيهة تشاكي ولج احجي
-رفيف: ما بيهة شي اجذب عليج
-هدى: كبببببرررر شكد خبيثة تحمسيني ويطلع كلشي ماكو حقيرة
-رفيف: ولج اشاقة شبيج تذكرت بالسفرة لمن جانت كاعدة على حافة الكوستر وهية لابسة ضيك حيل ومشة ابو الكوستر ما يدري بيهة وطبببب على وجهة يمهههه متت
