- تذكر مِن گتلي شما
كُبر حزنك أظل يمك؟
أشو هسة اليوجعني
أسبابهن مِنك!
~~~~~~~~~~~~~~~~~~~~~~~~~
«بسم الله الرحمن الرحيم»
- حُر: ضلينة نفتر ونسولف اشترينة ملابس جديدة لليل طلعنة واحنة طالعين مرينة على محل نشتري حلويات بس صادفنة بنية صغيرة مدري شبيهة كلساع تلتفت توقعتهة خايفة من عدنة وتاكدت من دخلنة للمحل وهية كلساع تباوعلنة ف من طلعنة اشوفهة ركضت بنفس الطريق الي احنة اجينة منة راحت من بالي ما فكرت بيهة بعد
-حسن: وصلوني للبيت و روحو
-صياد: شنو تخاف تروح لو شنو؟
-حُر: اي يخاف خطية خل نوصلة
-حسن: انجبو و وصلوني جا غير مصاب وانتم اصدقائي المفروض توصلوني بدون ما اكللكم
-صياد: اوي حبيبي يالله ميخالف نوصلك بس مو تبجي خوش بابا؟
-حسن: اكل خ*رة
-حُر: اكلو خ*رة اثنينكم وامشو اوصلكم وارجع
-صياد: حاضر استاذي وطك تحية
-حُر: لو طالع وي زعاطيط ولا طالع وياكم
-وصلتهم ورحت للبيت لان بيتنة ابعدهم وصلت ضايج والساعة جانت بل 11 ونص ما طولنة هواي بالطلعة رحت سبحت حاولت انام ما كدرت كمت صحت رقية
-حُر: رقيةةةةةةة وينججج
-رقية: هاااا شتريد
-حُر: تعالي شوي اريدج
-رقية: جاية
-حُر: اجت رقية كلتلهة تعاي كعدي هنا
-رقية: فضني شتريد اريد اروح انام
-حُر: تلعبين ضايج شوي
-رقية: لحضة انت نفسك حُر الغثيث؟
-كفختهة على راسها اني غثيث وجه الحلو كومي جيبي دومنة او شطرنج اي شي خل نلعب راحت جابت دومنة وكلساع افوز عليهة خلصت النتيجة اني 156 وهية 88 فزت عليهة وكلتلها عقابج باجر اكلج علي وهسة روحي نامي راحت رقية شفت الساعة بل 1 بالليل كوكت الموبايل ونمت
كعدت الصبح بل 10 كلعادة رحت تريكت وي رقية طبعا رقية تدرس بس دوامهة كلة ضهري واني مبطل من ثالث متوسط تريكت ورحت سبحت وطلعت للشغل بديت اشتغل لحد ال6 طلعت للبيت اليوم شغل جان هواي اول ما رجعت تمددت على القنفة وشفت ابوي طلع من المطبخ
-عماد: تعال اجيت والله جابك وين جنت صارلك كم يوم تطلع من الصبح ترجع بالليل؟
-حُر: اطلع وي اصدقائي
-عماد: شفتلك شغل لو لا؟
-حُر: لا
-عماد: وانة شكلت مو كلتلك اذا ما تشتغل اطردك؟
