"ဟင်း သဘောကျတဲ့အရာကိုဘယ်လိုပဲဖြစ်ဖြစ်ဆွဲထားတတ်တဲ့အကျင့်ကအရင်အတိုင်းမပြောင်းမလဲပါလား"
"ထားပါတော့ အဲ့ဒီနေ့ရောက်ရင်မင်းကိုတော့အလွတ်ပေးမှာပါ"
"ကင်မ် အဲ့တာဘာပြောတာလဲ"
"ဖီးလစ်"
ဝိန်းရဲ့အသံကမရှေးမနှောင်းမှပေါ်ထွက်လာသည်။
ရိုင်ယန်ကသူ့ကိုမျက်နှာလွှဲသွားကာရှေ့တည့်တည့်မှလျှောက်လာသောဝိန်းဆီသို့သာအကြည့်များပို့လိုက်သည်။
"မြို့တော်ဝန်ဝိန်း မင်္ဂလာပါခင်ဗျာ"
"မစ္စတာကင်မ်လည်းရောက်နေတာပဲ"
"ကျွန်တော်ဆပ်ကပ်လာကြည့်တာပါ
ဖီးလီးယက်စ်လည်းတွေ့တာနဲ့ကျွန်တော်ခေါ်ထားလိုက်တာ"
"ကျေးဇူးတင်ပါတယ် ကိုယ်လူကြားထဲပျောက်သွားလို့လိုက်ရှာနေတာ"
ဂျီမင်းသည်ဝိန်းအားခပ်စူးစူးသာစိုက်ကြည့်လိုက်သည်။
ဝီလီယမ်တွေ့လို့ကောက်ကောက်ပါအောင်လိုက်သွားတာများ လူကြားထဲပျောက်သွားတယ်ဟုဘာညာရွှီးရွှမ်းနေလိုက်သေးသည်။
"ဒါဖြင့်ကျွန်တော့်ကိုခွင့်ပြုပါဦး"
ရိုင်ယန်ကလျင်လျင်မြန်မြန်ပဲပြန်ထွက်သွားသည်။
ဂျီမင်းမှာဝိန်းဆွဲခေါ်ရာနောက်သို့လိုက်ရင်း ရိုင်ယန်ပြောခဲ့သည့်စကားလုံးများကတဝဲလည်လည်။
သူ့လက်ကိုဆုပ်ကိုင်ထားသည့်ဝိန်းကိုငေးကြည့်ရင်းမေးခွန်းပေါင်းစုံကသူ့ခေါင်းထဲပြည့်နှက်လို့နေသည်။
"ဝီလီယမ်ရော..."
"အခန်းထဲရောက်နေပြီ"
"ဝီလီယမ်ကဒီလောက်လွယ်လွယ်နဲ့အပါခံတယ်လား"
"ဒါပေါ့ ဘယ်အပါခံမလဲ
ကိုယ်သူ့ကိုမေ့သွားအောင်လုပ်လိုက်တာ"
စုံထောက်ကိုမေ့လဲအောင်လုပ်တယ်
ဒါကပြစ်မှုကြီးပဲ မစ္စတာဝိန်းရေ့
"အမ်.."
"စိတ်မပူပါနဲ့ သူနိုးလာရင်ကိုယ်တို့အကြောင်းစုံပြောပြလိုက်မယ်"
အခန်းထဲပြန်ရောက်သောအခါလူရိပ်တစ်ခုကကုတင်ပေါ်မှာလဲလျောင်းနေသည်။
ဂျီမင်းသည်သိချင်စိတ်ဖြင့်အနားတိုးကပ်ကာကြည့်လိုက်သည်။
ထိုလူသည်နှစ်နှစ်ခြိုက်ခြိုက်အိပ်ပျော်နေပုံရကာသူတို့ရောက်လာတာတောင်မသိပါပေ။
YOU ARE READING
Two Men In One Look (Completed)
FanfictionThere was a story about two men who fell in love with the same man But their story had already been a sad ending What if there is a chance to fix all these things,will we be able to rewrite the stars?
Chapter 19
Start from the beginning
