طسم الدجر 125

part 3

الكاتبة:- فـنار بـشار .
#طسم_الدجر125

انستكرام fanar_bashar1

كان يا ما كان

في ..!

قديم و جديد
العصر و الزمان
فتاة جميلة بريئة
ذات حظ عاثر تقع
وسط عائلة بعضها
مُسالم و بعضها مُخيف

فتاة لعبت الحياة بها
لعـبة خبيثة ، جعلت نظرتها
عن هذه الحياة مُختلفة ، مُخيفة

تَردف بين الثانية و " الفيمتو ثانية "

_فنار : اووووييييييليييي عليك جيسوووس ..!

،

....
زيـنـب

واكفين كُلنا مستغربين صياحها جانت ماسكه جهة كلبها بقوة تصيح بعلو صوتها دموعها تنزل بجنون شالها عمو وطلع واحنا واكفين

جان خايف عليها حيل ولا كأنو عذبها و خلوها تبقى بَـ مخزن سنة وشوية تقريباً بس حتى تخلص من العذاب و الحجي ..

سنة وشوية تقريباً طلعوا كلهم بقيت بمكاني لحد ما بعدو عن "المخزن"

درت عيوني على حياطين "المخزن" عبارة عن ارقام وكلمات ما مفهومة منقوشة نقش بحديدة محفورات حفر

تقربت على أحد الحيطان جان محفور عليه رقم جان الرقم محفور بشكل واضح وجـبـيـر

جان الرقم "125"

وجوا الرقم عبارة

_فنار : أنا بُقعةٌ حَنونة فِي أرضٍ قاسية .

استغربت العبارة والرقم !!
شنو معناهم وليش حافرتهم هاي طبعاً عدة باقي الرموز والكلمات

طلعت من "المخزن"
كاعدين كُـلهم بالاستقبال منتظرينهم يرجعون لليل رجعو مشكل بيدها مغذي وجها تعبان

فرشو الها فراش بالأرض تمددت غطاها ابوها صار يمسح على شعرها عيونه مليانة دموع ...

نايمة بفراشي مَكتأبة على حال فنار خطية تكسر الخاطر ...

وكفت أمشي على رأس أصابعي لأحد يكعد طلعت من الغرفة ...

أمشي بهدوء كاتمة صوتي وكعت عيوني على منظرها عقدت حاجبي بألم على حالها ...

تقربت شوية كاعدة بعيد عنها ، اخاف اخاف اقرب الها و تفز تشوفني أهل أهلي

عقدت حاجبي اريد اركز اشوفها تتنفس لو لا قربت شوية اكثر فتحت عيوني متفاجاة ، مصدومة

من صارت عيني بعيونها

عقدت حاجبها باستغراب حركت أيديها تريد تتعدل بَكعدتها ، تقربت حتى اساعدها

هزت راسها بَـ لا بقيت بمكاني لحد ما تعدلت بلعت ريکَـ متألمة حجت بنبرة غريبة

_فنار : شبيج ، ليش كاعدة