طسم الدجر 125

part 1

الكاتبة:- فـنار بـشار .
#طسم_الدجر125

_القصة حَـقـيـقـيــة ..

﷽

_لطفا لا تنسون التصويت و التفاعل بين الفقرات

،

- يـاســر -

بيوم من الايام ...

جنت احب بنت خالتي خطبتها من عمرها 15
اكيد ما راح اتزوجها فقط ردت اخليها الي

صارت مشاكل لا تُعد كُل واحد راح بطريقة
ضليت احبها لأكثر من 8 سنوات الحكها من مكان لمكان

من اعرف هيا أبيت خالتي الثانية اروح الهُم بحجة الزيارة و اني بالحقيقة رايح بس حتى اشوفها

زادت المشاكل و زاد الحجي
دخلت حياتي بنية جديدة

بقت مجلبة بيا عود كـ صديق لا أكثر
ما اهتميت الها بالبداية من حُبي لـ
غدير

لكن ابوها رافض تماماً
رُغم أكثر من مرة خطبتها
و اكثر من مرة توسلت و رحت
مع هذا الرفض جان سيد الموقف

ابتعدت فترة عن غدير
التهيت بشغلي لأن هيا عدها دراسة

بين يوم و ليلة اتزوجت البنية
الي دخلت حياتي ..

شلون و شوكت ما اعرف ..
سنتين طلقتها ..!

رجعت لحيت بموضوع
غدير و صار كلام

ابوها رفض تصايحت ويا
_: أنتَ شنو من بشر و منو انتَ
حتى تحرمني منها اخذها غصباً عنك

و إلى آخره ..

بعد فترة قصيرة سمعت بيها مخطوبة
تخبلت البيت طول الفترة الي فاتت

داخل انذار صايح و عركات إلى
ما لا نهاية ...

لحد ما خطبتها ، و تزوجنا 

مادري تعلقت بيها حيل حبيتها بس
مُشكلتي معاها تموت على المشاكل كُل
يوم مُشكلة ...

بيوم جنت راجع من الدوام مالتي
دخلت الغرفه وشفت غدير روحها لايبه و عاكده حاجبها معصبه؟؟حجت بهدوء عكس الداخلي منها

_ياسر : خير شكو هالمره غدير
منو وياج ؟

_غدير : اي عيني اي طبعا هوا اني منو اصلا حتى تصدگني لو اني ذيج الكحـ*ـه جان صدكتي ام السحوره لحد هسا تحبها ها؟

تحجي أو بالأحرى تصيح بعلو صوتها واني فاتح عيوني على وسعهم من كلامها الغبي ... !!
شبيها صاحيه معقوله؟

_ياسر : شبيج ؟!

_غدير : تحبها ولك ياسر بعدك تحبها للكحـ*ـه

هيا حجت هيج واني منتظر تفهمني ، تعيط ؟؟

_ياسر : شكو منو الكحـ*ـه عليمن تحجين غيرتفهميني

_غدير : نور
_ياسر : شبيها؟