كعـدنة بـ الصالة وهو أندار علينا
أديب: كومو اكشخو شبيكم؟! والله جاينة خطار.
غيـد: اكلك ملابس البيت مو بعينك؟.
ياقوت: والله دايحسسني جنت عمالة ورجعت ملابسي ما ينطلع بيهن.لـح علينا إلا نكشخ خمو صار فترة غايبين
وهسه يجيبنة أحـد ونطلع بـ ملابس البيت ،
دفعنة دفـع لغرفتنة وعمي ظافر يضحك ،
غيرنا ملابسنة وياقوت وكفت على المرايا
عبالك جانت تنتظر واحـد يكللها كومي اكشخي ،
لبست اكسسوارات ورتبت شعرها وتعطرت وطلعت
وانـي امشي وراها فاتحة حلكي اتثاوب ،
أديب يباوع لـ ياقوت يضحك
مـن صارت عينه عليه أختفت أبتسامتة
أديب: على الأقـل مشطي شعــرج.
غيـد: هو شضال بعمري وأمشط شعــري.كعـدنة بجانب عمي ظافر وهو حضنة
اثنينه يبوس براسنة على كد ما فـــرحان
برجعتنة ، مقهور أضعاف علـى مُرجان
غيـد: إيام أو أسابيع أو أشهـر وراح ترجعلنا مُرجان.أبتسم وهـز راسة بـ أيجابية ،
مرت فتـرة واندك الجـــرس ، طفـر أديب
مـن مكانة وراح يركض على الباب
أديب: انـي أفتح الباب.
غيـد: شبي هيج متحمس؟.ضحك عمـي ظافر ونهض على حيلة ،
بقينة انـي وياقوت مستغربين ثوانــــــــي
ودخــل أديب بـ أيـده جنطة صغيرة ويأشر
للـي متبعة يدخــل البيت ،
بحلقت عيونــي على وسعها مـن دخــل لـواء
ويسحب وياه جنطة كبيــرة ،
وكــف كدامنـــة مبتسم وصاح
لـواء: يا مســاء العافيـة يَـ الـ ما مثلة مســاء.
ظافـر: حَيــاك الله تفضـل أبنـــي.ركـن الجنطة على جهة ودخـل عيونة
علينا ، وكف كدامنا واحنـه ضاربيـن صفنة
لـواء: هيـج جمالي يسطر؟.
ياقوت: عزة وردة بيت الرماح جاي علينا.!!طبطب على كتفة عمي يضحك وسحبة وياه
ظافـر: إذا تنتظرهـن يحجن مـنا لـ باجر تضل واكف.
لـواء: عمي مهيب مدري شمشربهن بصغرهن.حجاها وكعـد يم عمي ظافر ،
رفـعت عيني علـى أديب واكـف يم الجنط
والضحكة شاكة حلكة فرحان لأن جاي لـواء
غيـد: هو هذا الخطار اللـي خليتني أكشخ علمودة؟.أنـداريت على لـواء هز راسة بـ أسف
ويحجي ويا عمي ظافر
لـواء: جودة أخلاقهن شوية قلت مـن عاشن
ببيت الرماح ، بـس أن شاء الله أنتَ ما تقصر.ضحك عمـي ظافر
ظافر: أخلاقهن عالية بـ كل مكان.
لـواء: والنعم تربيتك مشهودتلها وبـ الأخص غيـد مبارك.بقـو يضحكون ويشاقون ، وانـي
كعدت على جهة مطنگـرة عليـــه ، مرت فتـرة
ووصــل الأكــل رتبناه على الطاولة وأديب
صاحلهم ، مـن شاف الأكــل أبتسم
لـواء: عمـي حقجن ما تردن ترجعن لبيت الرماح ،
مكعديجن على البساط سودة بوجة طرفة.
أنت تقرأ
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
Part 39
ابدأ من البداية