﷽
الكاتبة:
"سـارة الحـسن"
📌لا تنسون التصويت والتعليق بيـن الفقــــرات
📌+متابعة الحساب itsara_kh
Instagram: itsara.kh
Telegram: itsara105
•••••••••••••••••••••••••
”تلجمني الروح كل ما تهجس فراكك قريب“
عقلـي وكلبـي رافضات فكرة
أقتـراب حـوراء مـن غفـار ، وطارت أخـر
ذرة عقـل براسـي يـوم سمعت كلامها
حـوراء: ليـش ورطتني وياك غفـار؟! ليش
تعوفنـي بنص الطريق وانا أمنت بيك؟!
اكلك حامل انا حامل تفهم شنو حامل؟!!
أحـس خنجـر نبت بنص كلبـي ،
معقـولة غفـار يسويها؟!
قبضت أيـدي بقـوة وحيلي رجـف من حجايتة
غفـار: برضاتج ، چـاا انا جبرتج علـى شـي؟!
ما ردت اسيئ الظـن بـ غفـار.!!
ماردت أصـدك كـلام سامعتة مـن طرف واحـد.!!
أخـذت نفـس عميـق أحاول أسيطر
علـى رجفتـي وثوران أعصابـي ،
فتحت الباب بهـدوء واثنينهم صارت عينهم
عليه ، ضحك غفـار وباوع لـ حـوراء
غفـار: هسه انا مجبـور أكسـر رجلج ، هذهِ شلون تحليها؟!
صارت عيني علـى حـوراء
وجها مـن كثر اللطم صاير أحمر
وعيونها منتفخة مـن البجــي.!!
مُرجان: خيـر حـوراء؟! أشـوف حال الضيم حالـج؟!
غيـد: ما تحسين نفسج رخيصة؟! داخلة غرفة رجال وأنتِ بـ فترة عـدة؟!
حضنت بطنها ودارت عينها علـى غفـار
حـوراء: انا حامـــل.
مُرجان: منيـــن؟! بما أنـو تاهت علينا وضحيلنا.
بحلقت عيـونها عليه مصدمة مـن كلامــي،
سدت الباب غيـد وتشجعها تحجـي
غيـد: احجي احجي ولد عمج شاد.. ءء أقصـد متفهمين؛ منيــن حامــل وأنتِ صار شهرين مـدري شكد مـن تطلكتي؟!
بقت ساكتـة تفكـر شتحجـي ،
درت عيني علـى غفـار كان يباوعلـي
مُرجان: عنـدك تفسير دكتور غفـار؟! لـو منتظـر
أرتكب بيكم جريمة يصعب تفسيرها حتى على الطب العدلي؟!
ضحك غفـار منتعش وعيونة تلمع
غفـار: ول يَـابا حتـى بغيرتج تختلفين.
غيـد: عرب وين طنبورة وين؟! فسر يَـالنسيب.!!
ضحك ضحكة أقـوى ومثبت نظراتة عليه
أشر بـ أيـدة علـى حـوراء بدون لا يباوعلها
غفـار: حامــل مـن طليقها وقبل لا تطلگ.
أنت تقرأ
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
