﷽
الكاتبة:
"سـارة الحـسن"
📌لا تنسون التصويت والتعليق بيـن الفقــــرات
📌+متابعة الحساب itsara_kh
Instagram: itsara.kh
Telegram: itsara105
•••••••••••••••••••••••••
من شدة قُربهُ تظنهُ قَريني
يتبعني بخطوات مخفية لِيحميني
ينتشلني من ضياعي والى الطريق الصح يُهديني
يَرعبهم كونهُ قريب مني.!!
كيف لو أراد أن يحتويني؟!
فتحت الباب وطلعت أركض موهمة نفسي،
بس ما متوهمة هو بشحمة ولحمة،
كاشخ كشخة عريس
ووياه بيت أبو فيصـل ولـواء واكف وراه
حسيتة مثل الصقر اللي يحامي ممتلكاتة بأجنحتة.
رفع عينة عليه غفـار أبتسم من شافني
ورجع باوع للرماح وبعيونة نظرات تحدي
وهو ينطق كلماتة اللي صدمتنة كلنا
غفـار: انا طالب أيد حفيدتك مُرجانة على سنة الله ورسـولة..
خفق كلبي بقوة من سمعت كلامة.!!
كيف ممكن يقرر هيج قرار بدون لا يسألني؟!
كنت فعلاً متحامية بي وما هامني الأمـر
لمجـر ما فكرت هو بظهري وممكن يطلعني من
الموضوع؛ بس الصدمة طلع هو العريس.!!!
حسيت أيـد عمتي على ظهري وهمست
بلقيس: غفـار يكول ”خلي النچرة تلعبها لمصلحتها“.
بلعت ريگي وأنداريت عليها اباوعلها بحيرة
مُرجان: كيف يعني لمصلحتي؟!
بلقيس: فكري بيها صـح وأعرفـي مصلحتج وين.
طبطبت على كتفي بحنية وأبتعدت،
بقيت واكفة على جهة بعيدة عن أنظارهم
بس أبـو الحـسن كدامي وما رفـع عينة عليه بعد
أبـو فيصـل: غفـار هم وليدي ومعزتة هو وفيصـل وحدة،
واليوم متعنين دارك نطلب أيد بنيتكم، شرأيك يَـالرماح؟!
حسيت القرار اللي يخدم مصلحتي مبني
على جواب جدي ورأيه بالموضوع، خليت أيدي على
جهة كلبي احس بتوتر كبير بسبب الموقف
الرماح: ما عدنا بنات للزواج أبـو فيصـل تعذرونا.
أم فيصـل: كول يا الله حَجي، أخذ شور البنية بالأول.
رُفـض جدي رَفـض قاطع وجان العذر مُرجان
ماتعرف غفـار ولا مرة شايفتة كيف ممكن يزوجنة؟!
بالرغم هو توقع اللي رايدني فيصـل وراد يزوجني
اله بالرغم اني هم لا شايفتة ولا اعرفة ولا يقربلنة
أبـو فيصـل: مانريـد نسمع منك جواب اليوم أبـو سلطان،
أخذ وقتك فكر بيها وهم أخـذ شـور البنية والله كريم.
أنت تقرأ
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
