تراك يالغريب السيف الأملح ورأس المال ودرعي من ظروف الحياة وبلاويها!

البارت الثالث

تراك يالغريب السيف الأملح ورأس المال ودرعي من ظروف الحياة وبلاويها!!!

البارت الثالث!!

يوم جديد
جالسها على طاولتها وقاعده تتصفح علئ حاسوبها تفكر أشلون تتواصل مع وحده من الطالبات وتخليها تخبرها وشش الدروس اللي أخذوها امس بغيابها ثواني ابتسمت بسخرية لما تذكرت أن ماعندها صداقه مع أحد كلها زماله فقط لا اكثر تذكرت الطالبه الجنوبية على رغم أنها راعيه مشاكل وكذا بس على الاقل تعتبر اقرب وحده أشلون تبحث عن أرقامهم الحين
فتحت تطبيق الواتس اب دخلت على جروب المدرسه ماشافت انهم منزلين اي شي جديد قررت تكتب رساله ايش مسوين امس بس تراجعت وغلقت الجوال بدون نفس شوي وصلتها رساله

رفعت الجوال وشافت رساله من عبير بنت عمها
"اشلونك ياحلوهه وينك كذا قاطعه ترا اليوم عزمت صديقاتي ومسويه بارتي بسيط ياريت تحضريني ترا مابي اعتذار أو تحجج بالدراسه،" أبتسمت فعلا تحس حالها مقصره رغم تقصيرها وعدم اعترافها ببنات عمها وكذا الا أنهم يذكرونها بكل مناسبهه!
قررت تروح خاصه انها متفرغه وماعندها شيء
ثواني تذكرت عزيز وانه يمكن يكون موجود بس لامت حالها هي مناسبه حريم وشش له عزيز تذكرت رسائله المستمره لها وتهديده بالله وش يبي هي بنت عمه يروح يغازل وحده من الشارع وعلئ قده !!

على الساعه 7 المساء
دخلت على الحمام وأخذت دش على السريع وخرجت نشفت شعرها المبلل بـ الاستشوار فتحت خزانتها احتارت ايش تلبس بالاخير اخذت لها تنوره مداديه وبلوزه رقبه بيضاء واخذت عليها بوت ابيض واكسسوارات وحلق ابيض وسوت شعرها مفتوح على راحته وسوت كم رشه عطر من عطرها المفضل طالعت شكلها بالمرايا حست وجهها باهت بعض الشيء اخذت الكونسيلر وسوت تحت عيونها يفتح الهالات وحطت غلوس احمر لأول مره تتجرئ وتحط هاللون ماهي من النوع اللي تحب المكياج تحب حالها على طبيعتها !
أخذت عبايتها وشنطتها وطلعت وهي تشوف الهدوء اللي يعم المكان !.
طول عمرها بين هالوحده
تجاهلت التفكير اللي جاها ولبست عبايتها ولفت الطرحه بإهمال وخرجت شافت راجو اللي بالملحق نادت عليه علشان يوصلها !!

في منزل بندر ابو عزيز
تكلمت بسرعه وهي تشوف عزيز اللي توه خارج من دوره المياه ولاف المنشفه على خصره : أقول عزيز فكني وخلص بسرعه الحين بيوصلون مابي يحسون بوجودك اخاف مايحبون الوضع!!

تجاهلها وهو ينشف شعره المبلول :اقول صرعتيني بأتجهز واطلع مدام عبير وبعدين من ذول اللي بيجون الحين تو الوقت بدري!!
قالت وهي تطالع الساعه غير مباليه بالكلام اللي نطقته ،:بس نوف الحين بتكون بالطريق توها مرسله لي مسج".

كان يمشط شعره ومو معاها الين نطقت اسم نوف طالعها من المرايا وقال بتسائل :نوف بنت عمي مغيرها؟؟؟
عبير :ايي
أبتسم بخبث الله جيتي بنفسك والله جابك قال وهو يحاول يخفي أبتسامته:وإذا بنت عمي ماهيب غريبه