{ بسم الله الرحمـٰن الرحيم} "♡5555
حُطام _ ارواح
بقلمي _ ريـحانه محمَـد 💚.
تصويت وتعليق بين الفقرات لطفاً🦋.
'"'"''''''''''''''''''''''''''''''''
اخر مره كلماتك تغثني جنت اتباهه بيك وفشلتني
''''''''''''''''''''''''''''''''''''''
نازك :: لايروحي محد اياذيج واني موجوده امانه الغالي انتِ
جيهان :: نازك تقصدين مُعاذ شفتي
نازك :: اي ويسلم عليج
صارت تبجي وتضغط على راسه
ضليت مركزه بيه صح اذت اخويه بس هيه هم موذنبه حضنته الگلبي وصارت تشهك ويه كل شهكه نزرف كلبي
جيهان :: تعبت اكرهم نازك تعبوني والله تعبت
نازك :: خلص الله مينساج روح نازك انتِ امي وابويه انتِ لاتبجين
جيهان :: لاخلص بعد مابجي خلي هاي الليله تصير مميزه
نازك :: ليش شنو الي دا تفكرين بي
جيهان :: باجر تداومين مو
نازك :: اي ليش
جيهان :: بس ترجعين تعرفين السبب
نازك :: نسيتيني ولج راجعتلج
جيهان :: وين ضلي يمي
نازك :: شوي ورجع والله مااتاخر
عفتهه وطلعت وهيه سدت الباب ورايه رحت الجنطتي طلعت الحلويات الي شتريتهم مثل ماوصاني مُعاذ ورجعتلهه
لكيتها متمدده.. كومي ولج
جيهان :: هاي شنو
نازك:: صواريخ وسلاح راح انحارب شنو هل الغبيه حلويات كومي ولج
جيهان :: ماريد
نازك :: اي مو هوه بكيفج تعاي ولج
كومته غصب وهيه خايفه
جيهان لاتخافين اكل معلب مامخليتلج شي بي
جيهان :: لايكلبي والله راح اكل
نازك :: بدينه ناكل ونسولف صح هيه اكبر مني بس بهلموقف حسيته بنتي قطعه من روحي.. مهما يكون تبقه صديقتي
جيهان :: نازك اسفه
نازك :: ليش تعتذرين وعلى شنو حددي
جيهان :: اذيت اخوج
نازك :: ماالي علاقه هل شي يخصكم وبعدين اخويه يكدر ينساج فتره وتعدي بس هسه هوه مصدوم بسبب الي اهلنه زرعوا بعقله من وهوه صغير جانوا يكلوله جيهان زوجتك فا هذه تعلق مو حب هوه عباله حب بس ان شاءالله ينساج جيهان انس ميستاهل الي صار وياه والله يشهد
جيهان :: ليش واني حلوه حالتي وكلام الناس وسمعتي بيدي كليلي
نازك :: ماعرف والله ماعرف الله كريم تهون
جيهان :: اعرفهم بسببي بعد ميخلوج تجين البيت جدج وهم راح يحرمونج من سجاد
نازك :: ماعرف اضحك ابجي جذبوا جذبه وصدكوهه من كل عقلهم عبالهم اني صدك احب سجاد بس الله كريم
خلصنه اكل وشوي ارتاحيت جيهان وضعهه تحسن ردت انام وبطبعي ماحب احد ايطخني واني نايمه توني غفيت حسيت عليه بصفي وسحبت ايدي باوعتلهه ضحكت شكو ومرض فززتيني
جيهان :: اعرفج متحبين احد اينام يمج بس... صارت تبجي
نازك :: تعاي يروحي تعاي اخذته الكلبي اموت عليه اختي وصديقتي هاي صرت العب بشعرهه وهيه تشكيلي
جيهان :: والله اني اريد اكمل دراستي وحرموني منه واني احب جعفر وهم حرموني منه وكالوا هوه اخوج وانس اخويه والله حاله حال مُعاذ بس موبيدي
نازك :: خلص نامي باجر ورانه يوم طويل
نمنه وكعدت بعدهه نايمه باوعتله بنفسي ابقه يمه ماريد اعوفه احس هاي اخر مره اشوفه بدلت وتريكت وطلعت على دوامي وبراسي الف تفكير براس الشارع وصاحتني مره
المره :: خاله انتِ بنت خير الله
نازك :: اي خاله امريني
المره :: عروستكم شبيه
نازك :: مابيهه شي جنه العافيه
المره :: لعد وعياطه
نازك :: ّانتِ شكو بابا من راقب الناس ماتَ هماً شي ميخصج ليش داحسه خشمج جنج كاي ناي تشمشمين اخبار
المره :: تره اجيت اسالج ليش تغلطين
نازك :: والله من تدخل في ما لايعنيه لقي مالا يرضيه
عفته تدردم وكملت طريقي شلون عطلات ياربي
وصلت للمدرسه وشفتها اخخخ يازينب روحي هيه بس شوفته راحه اجتني ومبين عليهه القلق
زينب :: نازك بيج شي بالي يمج
نازك :: لايكلبي انتبهت عليهه جنه تريد تكول شي بس ماتكدر
زنايب بيج شي
زينب :: لا ماكو شي بس بالي يمج
نازك :: دك الجرس وسلمونه دروس وطاح حضي ومالكينه وقت نحجي اني وزينب لانو حته بل فرصه ماخلونه نطلع امتحنونه دك الجرس وقبل مااريد اطلع اجتني زينب وحضنتني وتبوس بيه
نازك :: شنو زنايب راح اموت ولج كافي
زينب :: لايمكن اني اموت
نازك :: كلمته وجعتني انجبي ولج
زينب :: ههههه امانه لو متت ضلي تذكريني
نازك :: انجبي عفته ومشيت وهيه تضحك زينب: ولج لاتزعلين عليه خاف اموت وتضل حسره بكلبج
نازك :: بس حجت هيجي صرت ابجي واجتي تحضن بيه وتعتذر راحت البيتهم واني كملت طريقي وافكر وشفت ابويه بلطريق
خير الله :: الله يساعدهه بنيتي
نازك :: هلا
خير الله :: شبيج بويه
نازك :: ماكو شي بس تعبانه انس شلونه
خير الله :: والله يابويه تعبان اخوج بس الله يوكفله لاوصار ايدخن نركيله
نازك :: اعرف
خير الله :: الله يكون بعونه عريس ماتهنه
نازك :: والله يابه الي صار كله بسبب امي نصحته كلتله مليت وهيه لو بنت اخويه لو ماريد
خير الله :: عبالهه بنت اخوهه ادميه
نازك :: يابه تره ماكو شي بلغصب مو نوب زواج
خير الله :: والله مادري بعد
نازك :: حجي تعرف هسه مال شنو
خير الله :: مال شنو
نازك :: مال شوربه ماش حاره وراس بصل وخبز حار اويلي
خير الله :: ولج شهيتيني امشي
نازك :: دخلنه للبيت وامي وجه ميتفسر
خيرالله :: ام مؤنس خيرج صاير شي
الام :: اليوم اجه اخويه ابو سجاد واخذ جيهان وياه
خير الله :: اووووف اوف
نازك :: ماما انس وين
الام :: بغرفته
نازك :: راح ابويه وامي واني امشي وراهم واشوف اخويه يبجي وابويه يحاجي اني
توقعت مستحيل اخويه يتخطاهه
خير الله :: ولك بويه وعد عليه ازوجك خيره النسوان
نازك :: وهوه على فرد غصه حسيت حقدت على جيهان اخويه متدمر بسببه
مشه اليوم مثل السم واني مامرتاحه احس اكو شي خانكني صادف جمعه وسبت واني منو الي ايجيبلي الاحد اريد اشوف زينب وحجيله اجه الاحد ورحت للمدرسه وهل مره زينب ماكو بده الدرس الاول وماكو بعد ماتحمل سالت المعلمه ست زينب علي غايبه
الطالبات صاروا يباوعون عليه بنضره عجزت افسرهه واني موجهه نضري للمعلمه متانيه جوابه
المعلمه :: نازك هسه اجي
نازك :: راحت واني اباوع بلوجوه خلتني بدون عقل رجعت ووياهه المديره والمعاونه هنه حسيت متت
المديره :: نازك ماما تعاي ويانه
نازك :: اي ست اجيت صرت امشي وراهن للاداره بس بدون عقل وحسيت صخنت ورجفه صارت بعضامي دخلنه للاداره وصارن يحجن كلام طويل وتوضيحات واني عيوني كوه افاحهه
المديره::: ماما انتِ بنت واعيه واعرف زينب صديقتج الوحيد بس هذه بعد قضاء وقدر
المعلمه :: والله العظيم صعبه انكلج هل كلام بس
نازك :: ست امانه لا والله كلبي وجعني
المديره :: البقيه بحياتج زينب انطتج عمرهه
نازك :: فصلت عن الدنيه لاجذب هذه حلم وهسه اكعد بس خابت ضنوني وحسيت المعلمات يحاولون يصحوني واسمعهم يحجون بس مااكدر اجاوب او افتح عيني سمعتهم يحجن
المعلمه :: خطيه والله عصرت كلبي هاي لوتعرف شلون ماتت يمكن تتخبل
المديره :: حسبي الله ونعم الوكيل على كل اهل ضالمين
نازك :: صحيت والمديره لازمه ايدي ست امانه شلون ماتت والله بعد ماتحمل
المديره :: بس
نازك :: امانه ست امانه
المديره :: خاله جايبله خطابه ومرته جانت عند اهله وخاله كايللها تسوي جاي والدبه جان بيه
تنفيس ونفجرت عليه هيه وخوانه ويكولون ماملحكين عليهم مطلعينهم رماد
نازك :: كافي والله بعد ماتحمل
اتخايله شلون ماتت اتذكر كلامه وجه كلشي بيه لاربي كلبي راح يوكف
يتبع. 🦋
