{ بسم اللّٰه الرحمـٰن الـرحيم } ♡" 5555
حُطام _ ارواح
بقلمي _ ريـحانه محمَـد 💚.
تصويت وتعليق بين الفقرات لطفًا 🦋.
"'""""""""""""""""""""
خَـلص درب المحنه وناس عافت " ناس "
'"""""""""""""""""""""
نازك :: صدمه واحنه واكفين نشوف خالي اعصابه تلفانه وهوه يخزر دامس ودامس مستمر يقلد على خالي ويضحك من كل كلبه منحس غير خالي لزمه من ياخته ويكله
ابو سجاد :: اذا اني ام زكي فاابوك فوووزيه
نازك :: خالي يحجي من كل كلبه واني ومُعاذ كوه لازمين نفسنه منضحك وخالي يضرب دامس على راسه بس مو قوي خالي ابو سجاد يحجي على ابو دامس ومندفع واجه خالي ابو دامس وسمع كلامه
ابو دامس :: ها ام زكي اني فوزيه
نازك :: ضلو يتناكرون بيناتهم واحنه فلتنه ابتعدنه منهم ومتنه ضحك وكل شوي واحد يباوع للثاني ونضحك موقف كل مااتذكره ارجع اضحك
دامس :: حقراء ليش ماكلتولي
نازك: اي مو غمزنالك واشرنه اني ومُعاذ بس انتَ متفهم
مُعاذ :: وحق علي ابن ابي طالب كلبي وجعني من الضحك احس راح يصير شي يصدمنه ربي ضحكت خير
نازك :: كول ياالله شنو يصير قابل
مُعاذ :: ماعرف بس اكو شي
دامس :: جر خيط من ام زكي
نازك :: ههههههه اتفق
دامس :: امشو نلعب بل مرجوحه
حوراء :: صخام شكبركم بعد تصيرون
مُعاذ :: يعني هسه اليكبر يحرم نفسه من الشي الي يحبه
نازك :: عمه الله يخليج عوفينه براحتنه
بيت خوالي الدرج مالتهم جبير فامسوين مرجوحه
وصعد دامس ومعاذ يهزه قوي
ونضحك وصعدوني يهزون بيه واني ميته ضحك واخر شي راحوا ويه خوالي للصيد واني احس مليت بس همه يونسوني وصاحتني جيهان
جيهان :: نازك ممكن من وقتج شوي والله نسيناج وحسينه انتِ ولد هلكد ماتمشين وياهم
نازك :: انتوو كآبه بس مُعاذ ودامس يونسوني بس يلا ميخالف اجي شوي
خلوود :: ههههه حسستينه شخصيه عظيمه ينراد موعد يلا نحصلج
نازك :: طبعاً شخصيه عظيمه خلي اكون صريحه وياج السبب الي يخليني امشي ويه الولد هوه ميجيبون كلام ويودون كلام ولاحقودين ومو بلوجه مرايه وبكفه سلايه يعني على المكشوف
خلود :: شقصدج
نازك :: قصدي واضح وسلامة عقلج حبيبي
جيهان :: صلوا على محمد
نازك :: والله اني مصليه بس اكو غيري ممصلي
استبرق :: ياعيوني والله مشتاقيلج تعاي علمودي اني وجيهان مالج علاقه بلباقي
نازك :: الخاطرجن والله
استبرق :: تمام
"للعلم خلود بنت خالتي بس مارتاحله"
نازك :: كعده بنات و بده الكلام الي حيغير
حياتي اتمنه مكاعده وياهن ولاسامعه هل كلام بس هذه واقع ولازم نتحمله خلصن كلام واني مثل الي روحه انسحبت حسيت نفسي انانيه ليش وشلون حبيت مُعاذ وغيري يحبه وليش اهلي خطبوا جيهان الاخويه ثابته مابين موقفي بس ناررر جوايه تحرك
عفتهن وكمت خلص مااريد اسمع بعد روحي متتحمل طلعت وافكر شنو موقف انس وهوه يسمع هل كلام مُعاذ يدري وضام عليه بس هوه ممعترفلي بحبه شلون ربي اجوي الولد بس هل مره غير نازك تبدلت
مُعاذ :: نونو صدت سمجه الج
نازك :: انطيهه الخلود ماحب السمج
دامس :: نازك بيج شي
نازك: ماكو شي بس اريد ارجع البيتنه مليت
مُعاذ :: ههههه مليتي لانو عفناج ومااخذناج ويانه ولهل سبب زعلانه
نازك :: طنشته ورحت الامي ماما اريد ارجع
الام :: ليش يمه مو على اساس تريدين نبات
نازك :: وهسه بطلت ماحب ابات
خالو :: احد وياج
نازك :: لا محد باوعت الامي وحجيت هسه تروحين لو شلون
الام :: والله ماعرف
نازك :: تمام خالو انطيني موبايلك
الخال :: هاج يروحي بس شنو تردين
نازك :: هسه تعرف اخذت الموبايل ودخلت على الارقام ادور اسم ابويه وتصلت عليه واشوف مُعاذ يخزر بيه مستغرب من تصرفاتي وحقه هاي اول مره نازك تتصرف هيج رد ابويه
الاب :: هلا ابو الشباب
نازك :: حجي هاي اني نازك
الاب :: هابويه شبيج
نازك :: ماكو شي بس تعال اخذني
عفته يحجي وانطيت التلفون الامي مابيه حيل احجي واسمعه يكول الامي
الاب :: شبيهه
الام :: مادري بس ملت
الاب: تمام اني عندي شغل جيبيهه وتعاي لاتخلينهه تضوج
الام :: من عيوني
نازك :: رجعنه وبلطريق خلص لازم امي تدري يوم لاتخطبين جيهان الـ انس
الام :: ليش
نازك :: هيه كالتلي متريده تحب ابن خالتي وماتريد انس لاتلعبون بمشاعرهم وانس اصلأ انتوا اختاريتوها اله هوه تعلق بيه بسببكم وهسه دام مصاير شي لاتخطبوهه وتتورطون
الام :: بعدج صغيره مالج علاقه
نازك :: هاي هيه مالي علاقه براحتكم والله عسى ماتحتركون مايهمني بس انس راح يتاذه بسببج انتِ امه وكولي ماكالت نازك والله راح تتندمين والله
الام :: انجبي يوم الـمنى ازوج ابني البنت اخويه
نازك :: مااتعب نفسي ماتفرق ان حجيت او ماحجيت امي راح تدمرنه بس اني مستحيل اسكت رجعنه للبيت وخليت راسي على المخده وبديت اتذكر كلامهن من حجن
جيهان :: نازك كلنه اخوات واني اثق بيج راح احجي
نازك :: تمام كولي
جيهان :: اكره انس واحب جعفر اخو خلود وخلود اتحب مُعاذ وكايله الاهله احرك نفسي اذا ماتزوجت مُعاذ اتموت عليه وللامانه اتغار من خوتكم انتِ ومُعاذ
نازك :: خوتنه
جيهان :: اي لانو انتِ دائماً قريبه منه وهوه متعلق بيج
استبرق :: نازك رايدتج بفد موضوع
نازك :: احجي
استبرق :: لاوحدنه
نازك :: كمت وياهه واخذتني المكان محد بي
استبرق :: نازك راح اكلج بس امانه لاتكولين
نازك :: احجي كلبي راح يوكف
استبرق :: اهلكم مخططين انتِ تتزوجين سجاد وخلود تتزوج مُعاذ وجيهان تتزوج انس بس عمه حوراء مخططه الغير شي
نازك :: شنو هل تمسلت يزوجون بكيفهم
استبرق :: اعرف انتِ تحبين مُعاذ بس اهلكم من كيفهم خططو انتو اخوان ويردونج السجاد وجيهان متريد انس تموت على جعفر انصحج حاجي عمه خلي توكف كلشي
نازك :: استبرق امانه سؤال ومتجذبين عليه
استبرق :: لاوالله ليش اجذب
نازك :: مُعاذ يدري
استبرق :: اي وهوه منحاز الاخته وتعارك ويه ابوه يكله لاتزوجهه انس ميستاهل
نازك :: اباوع للسكف وبجي ليش ماكالي وليش مخليني بوهم ويمكن هوه هم يعتبرني اخته مثل مااهلنه قررو اوووف نمت والايام مشت وصار يوم انودي النيشان الكل فرحان اله اني وصلنه وبيبي فرحانه ولبست الحلقه الـ جيهان انُ من عاداتنه اكبر واحد بلعائله هوه ايلبس العروس ولازم العريس ميشوفهه خلصو وصعدت اشوف جيهان لانُ وجهه ميتفسر صعدت واشوف مُعاذ واكف وجيهان تبجي وتحاول اطلع الحلقه من ايدهه وهوه اجه وطلع الحلقه من ايدهه وشمرهه للباب مجان يدري اني واكفه انضربت بل حلقه على وجهي وصحت موجوعه هوه ركض عليه يحاول يشوفني وخرت ايده مني
مُعاذ :: تعورتي ماادري والله ماادري انتِ هنا
نازك :: طنشته ونزلت على الحلقه اخذتهه بايدي هل حلقه حلم اخويه فرحته لازمه الحلقه بايدي وتذكر موقف اخويه وهوه يكمز على امي يوم اريد اتزوج وهيه كالتله راح ازوجك وهوه فرحان عصرت الحلقه بايدي ورحت خليتهه على الميز ونزلت يم اهلي جوه الكل فرحان وهوسه واني صار صفير باذني صرت مااسمع شي وتذكر مُعاذ جان قبل مااوصل لـ يكول اجتي نونه بس هسه مانتبه عليه جرحن
عليه جرحني واني افكر حجت بيبي
بيبي :: نونايتي اشبيهه جبينج
نازك :: اتعورت بحافت الباب ماادري.
بيبي :: تعاي يمي
نازك :: رحت يمهه ولزمت ايدي بيدهه الي ترجف وتحضني بكل حنيهه وتكلي نهايتج للي ايحبج وتحبي هل كلمه متبطلهه كل مااروح اتكلياهه بس والله يابيبي نازك اليوم متعرف نهايتهه شنو
مشت الايام واجه وقت العرس بل حنه نسيت همي خلي اتونس وصرت افكر هسه اكيد جيهان غيرت رايهه واكيد اذا اجوي يخطبوني الـ سجاد ارفض سهله بس طلعت اصعب من الصعب نركص ونضحك وصار وقت الحفله حفلة زلم مارحنه البيت جدي لازم اهل العريس ميرحون الاهل العروس بل حنه عدنه شباك كلش جبير بلصاله والجام مالته مضلل وكفنه كلنه كل اقاربنه النسوان جايات يساعدون امي ومَـايان واخواتي الخمسه واكفين نتفرج الشباب كلهم موجوديين وشالوا انس ويضحكون والكل فرحان جنت فرحانه اخويه عريس بس وناسيه المصيبه وشفته واكف بعيد عنهم مُعاذ اي هوه انتبهت عليه ضايج ويباوع على انس بحقد وجان جعفر واكف بصفه وهوه ايدخن نضراته صحني وخلني اقتنع اكو مصيبه خلصت الحفله والكل راح باجر العرس باجر الله يسترهه علينه ربي لاتكسر فرحه اخويه واجه النهار هل نهار الي دمرني صار
نهار الي دمرني صار العرس وجابوهه الـ جيهان وجهه ميتفسر وبس تبجي والنسوان وحده تشاور الثانيه اجه انس يكعد بصفهه وهيه نفرت منه وهل شي خلاني اتاكد
انّ مصيبه راح توكع على راسنه العرس كلش ضخم واهلي دفعو عليه اهواي وكل هذه امي تكول فدوه الـ جيهان صار وقت الزفه وزفوهم هيه ثواني ونسمع صوت عياط عياط جيهان والنسوان يتبسبسن العروس تعيط ونفتح باب غرفتهم جيهان مخرمشه ايد انس وتدفع بي واسمع وحده من النسوان تصيح العريس مو رجال هوسه ودوخه وعياط وصياح وامي تلطم وابويه ايخابر على خوالي وماحس غير مؤنس وكف بنص الهوسه وصاح
مؤنس :: بره الكل بره وانعل والديهه الي تزود بل حجي
نازك :: فرغ بيتنه مضل بي غير خوالي ووحده من خالاتي وبيبي يحاولون يقنعون جيهان وكل شوي
يحاولون يدخلون انس عليه وترجع اتعيد واخر شي مؤنس لزم انس من ياخته ودفعه على الغرفه وكاله اموتك اذا متسوي الي كتلك عليه انس دخل للغرفه وسد الباب ورجع اعياطهَ والله كلبي يوجعني عليه وابجي البجيه هاي صديقة الطفوله ومثل اختي دقيقتين وطلع انس مخرمش ويصيح متخليني الزمه ومؤنس اتخبل :: عار انتَ عار
نازك :: فرغ بيتنه مضل بي غير خوالي
انس :: تريد تحرك نفيه بلصوبه تريد تموت كلولي شنو اسوي
نازك :: ليله كرهتني روحي من اطول ليالي عمري بوقتهه جنت اكول طاح حضج جيهان انس ميريد اياذيج بس ماجنت اتوقع الي مرت بي راح امر بي اني نومو جيهان بغرفه وماقبلت اله خالتي تنام وياهه ترجف وحاضنه خالتي انقهرت عليه صدك احنه البنات خطيه كعدت الصبح اجتني جيهان
نازك :: صباح الخير حبيبتي
جيهان :: ياخير متكليلي
نازك :: الله ايخليج انتِ ولي بره كلهم خليني اغسل وجهي واتريك وبدون مشاكل
جيهان :: طاح حضج ام بطن
نازك :: سكتت لثواني هل كلمه دائماً مُعاذ يكولياهه
بيبي :: نازك جيهان تعالن رايدتجن بكلمه
نازك :: اصبحنا واصبح المُلك للرب
جيهان :: ولج المُلك لله جنج مسيحيه
نازك :: انتوا شدوحيلكم شوي وتحكموا بانفاسي
جيهان :: اطلعي لايداهمون المكان
نازك :: حسبنا الله ونعم الوكيل
جيهان :: على كل ضالم
نازك :: كمت غسلت ورحت اصبح على وجهي بلمرايه مو تكبر بس احب نفسي شخصيتي شكلي. رفعت راسي للساعه 6:30 ادري دجاج بس هم زين الحك اراجع عندي متحان لبست ملابس المدارس حته الحك بل 7:00 لازم اطلع الطريق طويل دخلت عليهم وصبحت على الكل وكعدت بصف بيبي وهيه تتلمس ايدي وتبوس بيهه اني طبعي اكره احد ايبوسني بي هيه غير الكل ياكل وهيه حجت
بيبي :: جيهان غصب عنهه ترضه بلمقسوم وتتقبل هيه زوجه انس وان شاء الله نازك تخلص متحانات ونزوجهه هيه وسجاد نازك :: جمدت ولكمه وكفت ابلعومي ماعرف افكر بمصيبتي لو مصيبت جيهان بس الي ريحني كلام مؤنس الي جنت اتوقعه حلم بس مجنت اعرف هلكلام كابوس الي
مؤنس :: بيبي انس وجيهان انحاول وياهم وانسوا عدنه مره الكم لو على قطع ركبتي نازك متصير الواحد من ولد ابو سجاد صح خالي بس على عيني وراسي
الاب :: مؤنس كافي
مؤنس :: لايابه مو كافي واذا بس فكرت تنطي نازك السجاد اتبره اني منكم وحق الله
نازك :: اباوع الجيهان وجهه اصفر وذبلان بس اني رتاحيت خلص مامظطره ارفض سجاد الرفض طلع من اهلي عفتهم وطلعت للمدارس الجو بارد لابسه السدريه وفوكاهه كوت ابيض فروو من البسه
اصير مثل الخروف بس مع ذالك احبه واني غير محجبه وشعري طويل فااظطر اسوي ضفيره واني امشي جني كلاب ثنين (اجلكم الله) وصارن يدورن يمي ويطلعن صوت يخوف اني واكفه ابجي وركضت وهنه ورايه ماحس غير احد سحبني وشمر طابوكه عليهن وهنه شردن مغمضه عيوني وبجي وحسيت بحنان ايده اي نازك الي ايدافع عنج ويحميج لازم كف ايدج
مُعاذ :: نونه اشو بالله باوعيلي افتحي عيونج الحلوه يابه بس احجي بيج شي
نازك :: فتحت عيوني واشوفه من وقت النيشان مملتقيه بي بس بلحنه اني شفته بس هوه ماشافني وخر مابيه شي
مُعاذ؛:: اسف والله اسف
نازك :: على شنو حدد
مُعاذ :: على كلشي اسف
نازك :: بس احجيلي ليش ضميت عليه.وليش اسلوبك اتغير عليه وين مُعاذ رجعلي احن بشر عرفته رجعه
مُعاذ :: هذه اني مامتغير بعدني مُعاذ الي تعرفينه باوع البسي ضحك
نازك :: شكو
مُعاذ :: هههههههه خرب يومج
نازك :: وقززز لقرط شكو وحريشي وسرطان شكو
مُعاذ :: شلابسه رحمه للكعبه
نازك :: كوت
مُعاذ: والله حقهه الكلاب تركض وراج عبالهه طلي
نازك :: مغيرك طلي خوش عفته وكملت طريقي
مُعاذ :: امشي على كيف شاده محرك بنت الاكرع
نازك: استقري سندس الي يسمعك يكول شعر ابوك يسحل وراه هوه شعرايتين باقيات براسه ومتباهي
مُعاذ :: يعرف الله ماانطه شعر الابويه جان راح تعارك ويه ربانزل
نازك :: ههههههه
مُعاذ :: اروح فدوه
نازك :: المنو.؟
مُعاذ :: الشعر ابوج
نازك :: هههه
باوعلي وجهه مهموم عيونه ذبلانه
نازك :: بخير لايضل بالك اني يمه
مُعاذ :: امانه محد مد ايده عليه
نازك :: لا لاتخاف والله مدلليه
مُعاذ :: الله لايوفقهم شنو يسوون بينه بعد
نازك :: مُعاذ وصلنه باي
مُعاذ :: اوكفي هاج
انطاني خمسه
نازك :: ماريد والله عندي
مُعاذ :: اشتري بيهم الج ولجيهان نونه
نازك :: عيونه صفنن عليه تحمحم وكمل مُعاذ: امانه يمج ديري بالج عليه والله صغيره ومتتحمل
نازك :: بعيوني اخليه لاتخاف باي
مُعاذ :: الله معاج
نازك :: دخلت المدارس وجان الدرس الاول بادي ولانُ شاطره ماحاجتني المعلمه خلص اول درسين ودك الجرس الكل طلع من الصف اله هيه
زينب انقه واجمل وارتب مخلوق شفته هادئه حنينه وانطوائيه انقلت المدرستنه جديد صارلي شهر من اعرفهه وعلاقتي بيهه قويه كلش جانت اول يومين متجاوب ومستواهه موزين ولي ثبت هيه متقره درجاتهه بلسجل مالتهه والبنات يتنمرن عليهه صرت ادافعلهه وشوي شوي صرت احجي وياهه واقريه بلصف بس رغم هذه كله هيه كتومه يعني الكلام كله الي
زينب :: نازك وين شارده
نازك :: يمج حبيبي كولي
زينب :: مو على بعضج شكو
نازك :: ماكو شي
زينب :: احجي اسمع
نازك :: حجيتله كل الي صار وحبه هيه بس تسمع مترد الحد مااخلص كلام يالله تحجي وتنصح
زينب :: نازك من تحجين الي بداخلج شنو تحسين
نازك :: ارتاح يعني شوفي ضغط فوك ضغط يولد انفجار بس من تحجين الشخص اتامنين بي ترتاحين
زينب :: ماعندي احد غيرج عادي احجيلج
نازك :: غردي زنايب
زينب :: جنت صغيره واشوف ابويه يشرب ويجيب نسوان البيتنه وامي تشتغل بلسوك وتنطي الفلوس الابويه وميبقالنه شي وعايشين على الحصه نازك اشكال شفت تعرفين شنو امج متنام بليل اتخاف ابوج ايسويلج شي والصبح تروح للشغل وهوه نايم الجوارين ايجيبولنه ملابسهم القديمه والله اني عندي عزت نفس ماحب اخذ شي من احد بس مظطره لانو ملابسي مشككه والجوارين شافو ابويه اكثر من مره ايجيب نسوان للبيت بطلوا ايساعدونه ومنعوا بناتهم من الحجي ويانه عندي اخين واخت وحده ورغم هذه كله احمد ربي بس مره ابويه جاب وياه بنيه وهل بنيه رادت تخطفني وتاخذني اني واختي وامي تعاركت وياهه واجه ابويه ايطوطح وجنت اتخيله راح يطرد البنيه بس هوه ملخ امي واخذ الكلبه وراح نمنه وكعدنه الصبح متعودين على امي تكعدنه بس هل مره ب8
وامي مكاعده حاولنه انكعدهه بس هيه ماتت نازك اني شايله مسؤوليه بيتنه كله وابويه من كثر الشرب اتمرض ومات وهسه اني متكفله ب3 ايتام والله اني اتمنه اعيش مثل البنات بس الحياة كسرتني
نازك :: هيه تحجي واني راسي صخن وابجي البجيه اخذته الحضني واسكت بيه زنايب وهسه وين عايشين
زينب :: ابيت خالي وهوه ايريد يزوجني بسبب مرته هوه طيب الكلب بس مرته حقيره
نازك :: طبطبت على كتفه ربي دخيله بهل عمر وكل هاذه الضيم خلصت الفرصه وبده الدرس وهم رجعت فرصه ثانيه وهل مره زينب لزمت ايدي وطلعنه للساحه
زينب :: نازكه شكراً
نازك :: العفو ياروحي امي وابويه انتِ ماسويت شي بس شنو هاي نازكه
زينب :: احب اكولج هيج اذا متحبين عادي
نازك :: لااحب ونص هههه
اجني بنات الشعبه ج وهل شعبه كلش حقيرات جان يتنمرن عليه وعلى زينب لانو اني بيضه كلش وزينب سمره ومن نلتم نصير حليب وككو بس احنه انطنش كلامهن حجت وحده منهن
البني :: عود ليش متردن
نازك :: زوزي هم شفتي ذيب يرد على جلب
زينب :: لا
نازك :: لهل سبب منرد ياصغير
دك الجرس للبيت بل طريق افكر وافكر دخلت البيت
نازك :: مَـايان ولج ذبان
مَـايان :: ووجع بنت عمج واكبر منج واني ربيتج ليش تتجاوزين
نازك: والله ياحبيبي اني الشخص الي احبه اكوله هيج ولو ماحبج ماكتلج هيج
مَـايان :: شوف يمه اللسان
نازك :: تروحين فدوه للساني ولج جيهان وين
مَـايان :: بغرفتكم
نازك :: رحت لكيتهه لازمه ايد فاطمه بنت اخويه وترجف
طاح حضج ولج العوبه تحتمين بهل طفله من كون غسل الغسلج كولي امين
جيهان :: امين
نازك: شوف شلون انتِ جلدج ايحكج كولي والله عندي مرهم للحكه
جيهان :: تسلمين ههههه
نازك :: عفيه ضحكي هيه الحياة مره وحده تنعاش مو يوميه
اجه الليل وهل مره اني حجيت بابا
الاب :: هاعيوني
نازك :: اريد جيهان تنام يمي
الاب :: براحتج بويه
نازك :: درت وجهي الجيهان شويه رتاحت اخذته لغرفتنه الي انام بيه اني وبنات مؤنس وجبت الحلويات الي شتريتهم وجبت ماي كلاصات ودخلت جيهان كمزت سدت الباب ورجعة
وحريشي كمزتيني شبيج
جيهان :: والله اخاف
نازك :: اني يمج وتخافين من كون
بعدني احجي هيه كملت
جيهان :: غسل الغسلج كولي امين ومن يردون ايغسلوج. ينكطع الماي بلمغيسل ويدفنوج بخيستج ياخايسه كولي امين
نازك :: ضليت فاتحه حلكي اجتي سدته
جيهان :: لاتنصدمين حافضتج
نازك :: لاولج تشبهين مُعاذ
جيهان :: اي غير اخويه
نازك :: اشوفه خلت ايدهه على راسه
شكو جيهان شكو شبيج
جيهان :: مابيه شي بس ماماكله من العرس ولحد هسه
نازك :: صخام وليج ليش
جيهان :: اخاف
نازك :: من شنو
جيهان :: اخاف تخلولي شي بالاكل
يتبع. 🦋
