ظلاً أبيض (حينما تكون للروح كلمة مسموعة)
(9)
(نسمة)
يقال ان المذنب فى مجتمعنا هو من يكشف خطيئته، اما عن الخطيئه فالجميع يرتكبها سراً!
بغرفة واسعه فى القصر الملعون، اجلس وانا اهاتف هيثم واقوم بعضّ شفتى السفلى من الخوف ف اردفت له
_ايوة يابنى، شكل الحكاية مش نافعه
نفث هيثم دخان سيجارته وأردف لى مهتماً
_فيه إيه بس حصل إيه
_المحامى قاعد مع ذكرى هانم تحت، شكل الحكاية هتنكشف
ضحك هيثم ساخراً منى وأردف
_طيب ما احنا عارفين انها هتعمل كدا، متقلقيش
_مقلقش إزاى!!
_اومال انا دفعت نص مليون فحته الورقة دى ليه؟ عشان معمولة كويس أوى ولو اذكى محامى فالعالم مش هيكتشفها
_يعنى انا كدا مراته رسمى.. مش كنا خليناها ورقى عرفى وخلاص
اعتدل هيثم فى جلسته وأردف لى بجدية
_ورقة عرفى هتقطعها وتقولك اطلعى برة، انتِ غبية يابنتى! لا طبعاً احنا ماشيين صح
_طب هنعمل إيه الخطوة الجاية ياهيثم؟!
_بصّى سيبيها ذكرى هانم تستوى براحتها ولما تستسلم للأمر الواقع هقولك نعمل إيه
اغلقت الهاتف والفئران تتقافز بصدرى، تُرى سننجح وسأستولى على ميراثى الشرعى من زوجى مهاب؟!
ضحكت بسرى على كلمة زوجى، كلمه واهية ليس لها أساس لكن بفعل النصف مليون جنيهاً اصبحت حقيقية!
................
(ذكرى هانم)
احضرت المحامى الخاص بنا، يتحرى عن هذه الورقة، قسيمة زواجهم المزعومة، أخذ يقلب الورقة بين يديه ومن ثم اجرى اتصالاته الهاتفيه الخاصة به كى يتحقق بنفسه من صحة الامر وبعدما انتهى نظر الي ورفع نظارته الطبية عن وجهه وأردف لى
_مدام ذكرى، انا عملت اتصالاتى وهنعرف دلوقت اذا كانت القسيمة دى على يد مأذون وموثقه بالسجلات ولا لاء
_يعنى هى بتكدب ومش متجوزين ولا حاجه
نظر ثانية إلى القسيمة وأردف لى بنبرة حيرة
_هو الل انا شايفه قسيمة موثقه سليمة100فى ال100، لكن برضو المحكمه والسجلات ليها كلمتها
لأن فيه ناس دلوقت بقوا محترفى تزوير ومتقدريش تفرقى بين المزور والحقيقي
نهضت اطرق بيدى فى يد المقعد بقوة كادت تؤلمنى وأردفت
_يبقى يوم مش فايت لو طلعوا متجوزين بجد
YOU ARE READING
ظلاََ أبيض ( حينما تكون للروح كلمة مسموعة)
Fantasyمهاب شخص عملي يثق فى كل من حوله، يدير شركات والده بمساعدة اخيه، وذات يوم تحدث له حادثة تغير حياته رأساً على عقب
