أغلال المرجان (غَـربيب)

Part 37 || نَقَضَ

بقيت أباوع لـ عيونة وهو ينتظـر جواب
منـي ، صارت عيني على البيت ياقوت جايــة
بـ أتجاهنة ، هـزيت راسـي وجاوبتة
غيـد: يهمني ميثم يهمني.

أبتعدت عنـه بسرعة أريـد
أدخــل البيت ، وياقوت مستغربة تهمس
ياقوت: شيريد هـذا؟.
غيـد: أعالج إلتهاباتة ، جيبي بقية الأغراض وتعالـي.

دخلت البيت وبوجهـي لغرفتنة ،
اجت ياقوت بعـد فتـرة بـ أيدها بقية
الأغــراض ، هوسنة سوة بـس انـي كُـل
تفكيري يم ميثم ، كملنا هوسة وطلعت رايحة
لـ غفـار كان كاعـد وحـدة بـ المضيف
دكيت الباب ودخلت مـن سمحلــي
غفـار: تعالــي غيـد.
غيـد: شلون عرفت ميثم ضرب نـوح؟.
غفـار: مـن الكاميرات اللـي ماعدهم علم بيها.
غيـد: ليش ساكت؟.
غفـار: ما ساكت بـس ما مشاركج شي.
غيـد: بـس اني أريـد اشاركك.

صفـن بوجهـي ثوانـي كأنـو يقرأ أفكاري،
رفـع حواجبة وهز راسة بأيجابية
غفـار: بشنو؟.
غيـد: عقاب نفسي لـ ميثم.
غفـار: السبب؟!
غيـد: هـددنـي يطيح حظي لأن لـواء ضربة بسببي ، وهـم نـوح ضربة على راسة بسبب شردتنة.
غفـار: شردتجن اللـي على أساس متكتمات عليها.
غيـد: مو متكتمين بـس نعرف عندك خبـر بيها ليش الدراما؟!.

أبتسم وأشرلي أكعـد قريب منه ،
أنحنى مقرب وجهي مني وهمـس
غفـار: كسر أيـد لـو روح؟!
غيـد: كسر الأيـد ينجبر بـس الروح شيجبرها؟.
أكيـد كسـر روح ما إلها لا طب ولا دوة.
غفـار: چـاا الساحة الـج لعبـي براحتـج وانا بظهرج.

توسعت أبتسامتي بـ فرحة
غيـد: ببالـي فكرة تحتاج مُساعدتك.
غفـار: أبشــري.

حجيتله كُـل اللـي بعقلي وهو
مأيدني بـ كلشي وشكول يكـــول
غفـار: روحـي والغفـار بظهرج.
غيـد: لو ما الحرام ومُرجان جان بستك مـن راسك وعلـي.

ضحك بصوت عالـي ما سكت إلا
ويا دخلة مُرجان شايلة بـ أيدها عصير ،
باوعلها بـ هيام ورجـع باوعلـي
غفـار: چـاا خلي أختـج توصل بوستج.

نهضت مـن مكاني بسرعة
لزمت وجها وبستها بقوة بقت مستغربة
مُرجان: إلـزمي مشاعرج غيـد شبيج.
غيـد: هذهِ وصليها لـ غفـار وكليلة غيـد
تكول لو بـ أيـدي أطلع مُخة هم أبوسة.
مُرجان: ترة مــا أقبـــــــل.

دوم مـن مُرجان تغار على غفـار
يضحك منتعش وكأنـو ملك الدنيا بغيرتها
وهـذهِ المرة ما كانت فرحتة بغيرتها أقـل من
المرات اللـي فاتت ،
غفـار: كـل يوم تعالـي غيـد.
غيـد: مو تـدلل.