زفـرت أنفاسـي بـ ملل وطافرة روحي منهم
غيـد: اي لأن هوى البيت يختگ مـن انفاسكم.
سلطان: لا تصيرين حيوانة واحجـي عدل.
غيـد: فوكاها يعني احجي بـ لغتة حتى يفهمني وماراضي.
بحلق عيونة وتقدم عليه بوحشية
صارت بيناتنة بلقيس ودفعتة لـ ورة
بلقيس: كافي مو لعبتو نفسنة ما كادرين غير
على هل بنات ، بدل هل حجي روح دور على نـوح.
سلطان: صايرتلهن درع حضرتج؟.
وخـري من دربـي خليني أعلمها الأدب.
بلقيس: روح علمة لـ عيالك بالأول سلطان.
الرماح: طولان لسانج يـ بنت الرماح.!!
بلقيس: لأن انا بنت الرماح يَـالرماح.
بقى الرماح يباوعلها بغضب وسلطان
يهوبز وبـس يريد يلزمنـي ، صار يصيــح
مـن وكفت وبقيت اباوعلها بكل شموخ
مـن شفت غفـار بالكرسـي مالتة وراهم
غيـد: ما يفيد وياكم درس ، نسيتو الأيـد
اللـي تنمد على بنات المهيب شيصير بيها؟.
سلطان: هـاا ، بعـدجن مستقويات بـ غفـار؟.
غيـد: مرجفكم.
راد يحجـي وسبقة غفـار بالكلام
غفـار: شمالها الصيصان توصوص.
غيـد: الصيصان صارت تنبح قدرة إلهية.
أنـدارو على غفـار وهـز أيدة الرماح
الرماح: خليتهن بـ مسؤوليتك حتى تعلمهن على قلة الأدب؟!
غفـار: قلة الأدب جينات مو تعلوم.
غيـد: كُـل كلامك دُرر يَـالنسيب.
تقـدم الرماح على غفـار نزل لمستواه
وصار يهمس بـ أذنــة ، ثوانـي ورفـع راسـة
ضحك غفـار مستهزأ
غفـار: تهديداتك تسوي عنـدي جالـي بطلعها وأرحم بحالـي.
غيـد: صرت شاعر متمشعر الله.
حجيتها وصفكت أعززلة ، وسلطان تخبل
مـن يمة طلع يصيح ويسب ويغلط ويهـــدد ،
الرماح هـز راسة بوعيـد ولحك سلطان ،
بقـن بنات سلمان وبثينة وبلقيس واكفات
تحرك غفـار داخـل للغرفة وأشرلهن يطلعن
غفـار: خلص الفلـم روحـن نامـن.
البنات طلعن كلهن بـس بلقيس بقت
واكفـة ، رفـع عينه عليها ومـن نظراتة أفتهمت
هـي هم مشمولة بهذا الكـلام ، أنـدارت عليه
بلقيس: اقفلـن الباب مـن تنامــن.
غيـد: تدلليـن يَـالحنينة.
ميلت راسها تناظرلـي بعتب وطلعت،
سـد الباب غفـار وسمـع منه شصار وشلون
طلعنا علـى نـوح ، بعـدها هـز راسه وطلـع مـن
الغرفــة وانـي لحكتة استوقفتة يم باب غرفتة
غيـد: أريـد احجيلك شـي بس أعتبـر ما سمعتة منـي.
غفـار: أدري بــي ميثـم.
خلانــي بصفنتـي ودخـل للغرفة ،
بقيت بـ مكانـي والحسبات تتلاطم بعقلي!!
ما أعـرف شسـوي ولا أعـرف شلون راح أتعامل
ويا ميثم وهو محملني سبب تعذيب لـواء إله ،
رجعت لغرفتنة وياقوت على حالها
حاضنة نفسها وكاعـدة تبجـي ، كعدت
بجانبها حضنتها لمـا هدأت
غيـد: شصار ياقوت؟. ليش كنتِ خايفة؟.
وشلون ومنـو أخـذ نـوح مـن يمج؟.
DU LIEST GERADE
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
Part 37 || نَقَضَ
Beginne am Anfang
