اوهجتي ليلي وهزيتي كياني وانا ثابت اللي مايهزه شي

13

<وهج>
قامت وتجهزت وبدلت وكل شي وابتسمت من شافت اشعار من تلفونها " قمتي اوهجتي الصباح ولا للحين ؟ لأنه للحين ليل عندي "
وهج "قمت "
ثابت " انا للحين ما انوهج صبحي شرايك تتصلين وتوهجينه؟"
قرت الرسالة وماردت
ثابت شافها انه قرت وطولت الرد واتصل على طول وانتظر ردها
ثابت : خفي علينا مسويه نفسك ثقيله يعني
وهج : نعم متصل؟
ثابت : ابيك مشتاق لك
وهج : يالله
ثابت : ياكريم زوجني اربع حريم
ضحكت وهج من سماجته
ثابت : يالبى هالضحكة بس
وهج : قول وش عندك
ثابت : ولا شي من بعد ماسمعت صوتك اوهج صبحي
وهج : زين
ثابت : الديكوريشن ماله زين
وهج : ياليل
ثابت : ياليل ولا ياصبح
وهج : اقول اسكت اسكت
ثابت بضحكة: نتلاقى بالدوام بعد باكر !
وهج : ان شاء الله خير
سكرت منه وراحت تفتح الباب لريماس
ريماس وهي تبوسها على خدها : صباح الخير للحلوين
وهج : صباح النور
ريماس : يارب انك ماسويتي فطور لإني جايبه
وهج : اي معليك توني قايمه
ريماس : الحمدلله ... فهميني سالفة الخطبة
وهج : ولا شي خطبني من ابوي قبل لا يروح
ريماس : ابوك وافق ؟
وهج : يب
ريماس بصرخة : احلفيييي الله متى العرس تكفين
وهج : تحمستي
ريماس بتكشيره : تفائلوا خيرا تجدوه !
وهج : وش جبتي
ريماس : ضيعي السالفة وش بجيب يعني خبز وجبن وبطاطس مع اطلق شاي
افطروا وهج وريماس وبعدها قعدوا على تلفوناتهم ويسولفون

<دلال>
قامت من نومها ونزلت تحت ولقت امها
ام دلال : مارحتي المدرسة اليوم ؟
دلال ببرود : انفصلت
ام دلال بشهقه وشرقت بالماي: وشو
ركضت دلال تضربها شوي شوي من ظهرها : كله من نورة
ام دلال : ومن ذي نورة!
دلال : وحده بالمدرسة يمه تقول عني كلام خايس! وادبتها
ام دلال : يالله
دلال : تبين اسوي لك فطور معي؟
ام دلال : لا افطرت
رن الجرس وراحت دلال متجهه للباب
دلال : من؟؟
نادر : حبيبك
ابتسمت دلال من عرفته على طول وفتحت الباب وهي تضحك : خاليييييي
نادر : عيون هالخالل
دلال : متى جيت!
نادر : الحين
دلال : اقصد متى طلعت ؟
نادر : بارحه بعد ماتصلتي
دلال : لا يكون جاي عشاني؟
نادر : من زين وجهك عاد " ودخل داخل البيت واشر على ام دلال " واردف : انا جاي عشان هالحلوة
ام دلال وهي تحضنه : اشتقنا لك
نادر : والله اكثررر
قعدوا وقامت دلال تسوي شاي
دلال : نادر الاوصاف
نادر وهو يلف عليها : وش بغيتي
دلال : امشي بنروح نسلم على خالتي من زمان ماشفتها
ام دلال : اي والله يلا خل نروح
نادر : انتوا قررتوا من دوني؟ انا حتى ماقلت تمام ؟
ام دلال : اقول حرك
دلال : هذي امي عاد تعرفها
تقدمهم نادر بالسيارة وطلع ينتظرهم
وبعدها تبعوه كلهم وراحوا بيت ام زيانة
طقوا الباب وفتحت زيانة الباب وكانت تعبانه ومبين بوجهها
سلمت على ام دلال ودلال اللي كانت وراها ولكن شافت احد وراهم ويوم دققت فيه عرفت انه خالها نادر : الله خالييي متى جيت
نادر : انتوا شفيكم متفقين على متى جيت
راح يحضن زيانة
دخلوا كلهم وراحت زيانة تنادي امها وابوها من فوق
نادر : هلا والله بأختي حبيبتييي
ام زيانة بابتسامة : كيف حالك
نادر : اول وحده تسألني كيف حالك والله الحمدلله من بعد شوفتكم
ابو زيانة : عسى دوم
نادر: امين وياك
ابو زيانة : انا استأذن بروح للدوام
طلع ابو زيانة وبقوا ام زيانة وام دلال ودلال وزيانة ونادر
صعدوا فوق دلال وزيانة
دلال : انا شايفتك مب على طبيعتك شفيك !
سكتت زيانة وماقالت شي
دلال : براحتك لا بغيتي تتكلمين تراني معك ولا تنسين ان كلنا معك
زيانة اكتفت بأنها تهز راسها ب اي
دلال : خلاصصص قومي شغلي السماعة خلينا نرقص
زيانة بضحكة : والله ؟
دلال : اي والله قومي قومي
قامت زيانة تجيب السماعة ودلال شبكت على اغنية
شيك شاك شوك
شيك شاك شوك
وبدوا يرقصون ويضحكون على بعض
دخل عليهم واحد من دون لا يطق الباب
نادر : خير ترقصون من دوني ومخليني عن العجايز
قصرت دلال الصوت : انت اللي خير عاد مارضى على امي
نادر : واو وانتي زيانة مادافعتي
زيانة : اكيد مارح نرضى تراك حتى انت عجوز
نادر بشهقه : انا عجوز تراني ثلاثين توني
دلال بضحكة: ثلاثيننييي ! حشا الفرق بيني وبينك كم
نادر :١٢ سنة بس
زيانة بضحكة : يجاوب بعد
نادر : اقول انتي اسكتي لا اشل دلال منك الحين
زيانة : ماتقدر
نادر : خالك احترميني! يمه لهالدرجة ماتشوفوني شي
دلال : خلاص خالنا حبيبنا
نادر : وراها شي
دلال : بنروح كوفي
زيانة : امشوا خل نروح كوفي عاصم
نادر : عشتوا عاصم معه كوفي؟
زيانة : اي مب نفسك قاعد على شغله وحده
نادر : مايكفيه انه ضابط !
زيانة : طمّاع
دلال : الله يرزقه يارب
نادر : يلا عيل خلنا نروح
دلال : صدقق بتشلنا ؟
نادر بتقليد نبرتها : اي صدقق يلا
دلال : شكرا شكرا شكرا
نادر وهو يقلد نغزتها بالراء : اررررر ررر عفوا
راحوا يلبسون عباياتهم ونزلوا بثلاثتهم تحت
ام زيانة : ماشاءالله على وين
زيانة : يمه بنروح كوفي مع الخال
نادر : باخذهم كوفي
ام دلال : طيب بشويش ولا تسوي خبالك بالسيارة تفحيط ومعرف وش
نادر : ابشري
طلعوا كلهم وركبوا السيارة
دلال : عطني بشبك !
نادر : تخسين انا بشبك لكم
زيانة : الحين بيشبك لنا شيلات
نادر : بعد غريب ال مخلص فيه شيلة له حلوه والله
دلال : سمعنا
نادر وهو يطول : اسمعوا
🎶🎶🎶🎶🎶
ياليل ليل الليل
ماعاد فينيييي
ماعاد فينييي
ماعاد فينييي حيل
اكافح الدنيا مابين حط وشيل
مابين حط وشيل
مابين حط وشيل
الحب مايرحم
الخل مايفهم
الخل مايفهم
الخل مايفهم
مايدري اني كل ماشفته اسلهم
لا شفته اسلهم
لا شفته اسلهم ...
دلال : تطور ذوقك شوي اشوف
زيانة : يع مب حلوه
نادر : والله انها حلوة لا تخلوني ارجعكم البيت الحين!
دلال : اسكتي بالله تجنن تجنن
نادر : ماتمشون الا بالعين الحمراء ! كوفي عاصم وين ؟!
زيانة : ويت برسلك موقع
نادر : اتصلي فيه خله يجي يسلم علي
زيانة : تم
اتصلت زيانة ب عاصم ورد عليها خلال ثواني
زيانة : عاصم
عاصم بهدوء تام : عيونه
زيانة : نادر جا ويبيك تسلم عليه والحين حنا رايحين الكوفي حقك
عاصم وهو يشوف على اسامة : تم بجي انا واسامة وبعدها نطلع على شغلنا
زيانة : تمام
سكرت ووصلوا الكوفي ونزلوا
زيانة : اشوف ان اللي تشتغل حرمه اقعد حنا بنطلب
نادر. : على حسابكم
دلال : معليك زين يالبخيل
طلبوا وجلسوا على الطاولة يسولفون لين مادخل عاصم وكان نادر عاطي الباب ظهره دخل عاصم وهو يسكّت دلال وزيانة اللي لاحظوه ومسك عيون نادر وغمضها وغير صوته لبنت : من انا ؟
نادر : دلال بتبعدين ولا
دلال : يحمار انا قدامك وش دلال
نادر : بعد هذي حركاتك ... عيل من ؟ عرفتك عاصم
عاصم وهو يضحك ويبعد يده : هلا والله بالخال اللي واحشني
نادر : هلا فيك
عاصم : طلبتوا ؟
نادر : يب ننتظر الطلب يجي
عاصم : بروح اطلب لي معكم وبجي "وصرخ" اسامة ادخل
اسامة دخل وراح طاولة ثانية وعينه على زيانة يراقب تحركاتها وكل شي ! وكأنها سرقت قلبه
لاحظت زيانة العيون عليها ولكن تجاهلته تماما لأنه كل ماتشوفه تتذكر الليلة المرعبة بالنسبة لها
عاصم : ايي بنت الخالة كيف اخر سنة معك
دلال : تمام التمام والله
نادر : الله يوفقك يارب
دلال : اميييين
وكملوا سوالفهم لين ماصارت الساعة ١٢:٠٠ الظهر
دلال : معييي حصه فيزياء نسييت
نادر : متى تبدا
دلال : ونص
زيانة : امشي خل نوديك
دلال : يلا
"طبعا عاصم واسامة جلسوا شوي وطلعوا بعدها لانه معهم شغل "
ركبوا السيارة وشغل نادر الموقع على بيت بنت يتجمعون بنات وايد ويجي الاستاذ يشرح لهم
دلال وهي تنزل : زيانة دواء امي اعطيها ياها
زيانة : ان شاء الله
دلال : نادر تقدر ترجعلي؟
نادر : اكيدد!
نزلت دلال ودخلت على حصتها ونادر وزيانة رجعوا البيت

<جسّار >
كان بغرفته هو للحين مارجع المستشفى يهوجس ب دلال ويبي يعاتبها على اللي سمعه ولكن بيتهم من الصبح محد فيه وفاضي! اختفوا فجأة
نزل لريفانا : اقول
ريفانا : قول
جسّار: غريبة وين بنت الجيران عنك ؟
ريفانا : بيت خالتها !ليه تسأل
جسّار: ولا شي اذكر كل شي مع بعض الحين كم يوم ماشفتيها
ريفانا : ماشفتها صح بس كل يوم اتصل فيها
جسّار: زين
رجع جسّار غرفته وجلس عالكرسي ماله وقدامه الكمبيوتر يشوف الايميلات ويرد عليهم
بعد ساعتين سمع صوت سيارة قدام بيت الجيران وراح للدريشة يشوف
وشاف دلال تنزل من سيارة واحد وهي تضحك وهو بعد يضحك ومحاوط يده حول رقبتها
نزل بسرعة وانتظرها تطلع مره ثانية وشافها يوم طلعت مع الولد مره ثانية !
جسّار: دلال
دلال لفت عليه وهزت راسها بمعنى وش تبي
جسّار: بكلمك شوي
نادر : خير يالاخو من انت ؟
جسّار كان مايبي يطول السالفة : اخو صاحبتها وصتني اقولها شي
راحت دلال قدامه : قول
جسّار وعينه على نادر اللي ركب السيارة : من ذا
دلال : شدخلك ؟
جسّار: حبيبك ؟
دلال: حتى لو حبيبي زوجي خطيبي مالك دخل ؟ وبعدين ليه مارحت للحين دوامك ؟ مو انت قايل بارحة ؟
جسّار وعروق يده بدت تطلع من العصبية : اقول تراني مارحت عشانك انتي !! من بعد ماكنا بالكوفيي يوم كلمتي هالخسيس وقلتي حبيبي وانا بايعك ! لا وتقولين نورة تقول عني اشاعات ؟؟ كاهي مب اشاعة شفت كل شي قدام عيوني! لهالدرجة بايعه نفسك؟ لهالدرجة مافيك تربيه ؟ صدقت نورة بكلامها والله
دلال : اقوللل حدكككك عاد حدككك عن تربيتي وبعدين ش د خ ل ك ؟؟؟؟ انقلع عني
راحت دلال تركب السيارة وسكرت الباب بقوة
نادر : بسم الله شفيك
دلال :نادر حرك
اتصلت زيانة ب نادر
زيانة : ها نادر جبتوا ملابس حق خالتي ؟
نادر : اي وجبت دلال كلنا بننام عندكم اليوم
زيانة : زين
تحرك نادر للطريق اللي يوديه بيت اخته ولكن لف على الرصيف لانه كان فيه شاحنات اطفاء تمر من جنبهم واسعاف
دلال : سترك يارب وايد الحريق شكله
نادر : الله يعين
راحوا شاحنات الاطفاء والاسعاف بمسافة بعيدة عن نادر وراح متجه لطريق اخته ولكن الصدمه يوم يشوف ان شاحنات الاطفاء والاسعاف قدام بيت اخته!
دلال بصراخ : لا تكفى لا تقولها
نزلت بسرعة وهي تصرخ وتحاول تدخل : اميييي امييي تكفون امي داخل تكفووون هي مريضضضضضة ماتتحملللل كل هالدخان تكفففوننن
زيانة كانت بالاسعاف ومصابة اصابات خفيفة
ونادر كان واقف مكانه من الصدمة
ركضت دلال لزيانة : زيانة تكفين قولي طلعوا امييي تكفين !
زيانة كانت تنزل راسها وتصيح
هزت دلال كتوف زيانة : تكلمميييي لا تخليني على خوفييي زيانةةة بالله قولييي لي اميييي بخير وماصابها شيي! تكفين زيانة
لفت دلال على صوت شرطي يناديها وركضت تشوف ام زيانة طالعة ومابها شي
دلال : خالتي خالتي وين امممييي وينها ؟؟؟
نادر : وين مريم ؟؟
ام زيانة : داخل للحين ماطلعوها
انهارت دلال وماقدرت تتحمل وصرخت صرخة : اميييييي اميييي تكفونننن ماتتتحمممممللل هي تعببببباننةةةة تكفووووننن مالليييي احددددد بعدهاااا انا عايشششششة هالدنيا عشاااننننهههاااا مققققددددر قلبييي يعورنيييي تكفونننن طلعوهههااا حيييية بسرععععة تكفووون
عاصم نزل بسرعة وكان منصدم من حريق بيتهم وراح يحضن امه : ابوي بدوامه صح ؟ وزيانة بخير ؟
هزت ام زيانة راسها
تنهد عاصم تنهيده وعيونه على البيت وعلى الرجال اللي يحاولون يطلعون ام دلال من البيت !

وبكذا وصلنا نهاية البارت 🫣🫣
اتمنى انكم تعطوه حقه !
نجمة 🌟
تعليق
احبكم 🥹🥹🥹🤍🤍🤍