جلباهار"الضل الاسود"

مقتطفات الجزاء الثالث😈

جلباهار الضل "الاسود "
#الكاتبة ايفا الصابر

شجعونـا بـ نجمـةة وكومنـت حتـى نستمـر وياكـم♡.

***************************

مشهـد/

دخلت بخطوات ثابتةة وهادئه وابتسامةة بسيطة على وجهي لمجرد افكر جاي اشم نفس الهوه الي جاي يشمةة،،

غريبةة هل دنيا شلون تدور بينةة وتغير كلشي بـ اي لحضةة،،

توقفت بمكاني وتلاشت افكاري بيني وبين نفسي واني اشوف المنضر الصار كدامي،،

اي هوه هاذا..!!!

هوه هاذا من بعد سنين متغيـر؟!،، اي حيل متغير بس الواضح هل تغير هاذا منطي كاࢪيزما وجمال فوك يلي عنده،،
بدون ادࢪاڪ مني انرسمـت ابتسامةة على ثغـࢪي واني صافنةة عليه بصدمة وعدم ادراڪ،،

بلحضات توتـࢪ، رجفةة، وجع، خوف، لهفةة،،
تحࢪكـت اقدامـي بـ اتجاهـه بدون وعي مني وعيوني بس عليه ماشافت عيون غيـࢪ عيونةة،،

هوه ما منتبـه تليفـونةة على اذنه يخابـࢪ وحيل مندمج بـ الاتصال،،

شاࢪدة بملامحةة واني اتقدم بهدوء بس داخلي فوضى وحࢪب من التوتر والارتباك لدرجةة حسيت بنفسي انُ اني مو اني،،

بس ماهيه الا ثـواني وغابت هل ابتسامه من وجهي واني اتوقف بمكاني بعدم استيعـاب ،،

: بابااا

حسيت بوجع صار بگلبي تلاشيتةة ودرت وجهي بهدوء باتجاه الصوت،،

احس برجفةة صارت بنص روحي وعصرتني عصر واني اشوف الطفل يركض بـ اتجاهـه،،

بلعت ࢪيگي واني صافنة واشوف المشهد الي يدور بيناتهم ڪ اي اب وابنةة،،

باوعلةة وضحڪ سحبةة من وصل يمةة وشالةة على صدࢪه يضحڪ وياه والطفل فࢪحان حيل فࢪحان بي،،

باسةة بـ جبينه واردف بحب وابتسامةة وهوه يباوعلةة
: يا ࢪوح ابوڪ

عگدت حاجبي بـ الم واني احط ايدي على گلبي يلي صاࢪ ياذينـي،،

: حبيبـي؟

اندار وهوه بعده حامل الطفل
بـ حضنةة
: ها؟

: يلاا نࢪوح بقوࢪي هم تعـب

باوع للطفل ورجع باوعلها وابتسـم
: اي يلاا

حطـت ايدها بـ ايده وهمةة الاثنين مبتسمين والطفل بحضنةة حالهم حال اي عائلةة صغيرة وسعيدة،،

عيوني صارت تحرڪني واني اتنتقل النضر بيناتهم بنيةة شابة حلوه ملامحها،،

زوجتـةة؟!!

اي اكيد زوجتةة لعد ينتضرني شهل غباء هاذا بس شلون كدر ينسةة بهل سهولةة هاي،،

انداروا بـ اتجاه البوابـةة يردون يطلعون وهوه يسولف وياها و ويةة الطفل ومبتسم،،

رفع راسةة وابتسامتـةة ماليـةة ثغـࢪه بس صارت عيونةة عليـةة تلاشـت ابتسامتةة تدࢪيجيـاً وانمحـت..!!

نكتفي لهنا بـ المقتطفات.

*******

حرفيـا احتاريت يا مشهد انزللڪميا بحيث حطيت الاحداث ڪدامي وبقيت صافنةة عليهم لان احداث الجزء الثالث شيء اقوه من شي فـ الموضوع محيࢪ، بنفس الوقت ردت انزل مشهد ثاني اقوه من هل مشهد بس بعدين تركتةة لان راح تفسرون منة هواي شغلات عفتةة😂، واخير شيء اقتنعت بهاذا المشهد لان اريد شويةة ادوخكم ما اجيب شيء واضح و انزللڪميـاه لاا اريدڪم شويةة تڪعدون تفڪرون وتتوقعون الاحداث،،بـ المناسبه الاحداث راح تكون نصها ڪذب لان( مو كلشي تشوفه العين يطلع صحيح) تذكروا،تره هل عباره راح تكون شيءاساسي وقوي ومهم حيل
بـ الجزء الثالث وهل مقتطف ايضـاً🙂.

توقعاتكم على المشهد المنو؟

#جلباهار "الضل الاسود "
#بقلـم الكاتبة: ايفا الصابر
#قريبـاً الجزء الثالـث

... في امان لله...