جلباهار الضل "الاسود "
#الكاتبة ايفا الصابر
شجعونـا بـ نجمـةة وكومنـت حتـى نستمـر وياكـم♡.
***************************
عگدت حاجبي بتفاجأ
اسبر: هضاب بس اهدا انته وين هسه اني جايك
هضاب: لا تجي وحدك جيب دوريه تعال كدام مكتبها اني
اسبر: تمام تمام بس اهدا انت راح نجي
سديت الخط مستغرب رجفته عليها،، بلغت الامن وطلعنا للمكان المحدد ما اخذنا وكت طويل ووصلنا نزلت لكيته كدامي،،
اسبر: ها هضاب شنو السالفه؟
هضاب: خطف شفت الكاميرات اريد تتعقبون المكان اريد اعرفها وين
اسبر: اي بس على كيفك وين التصوير؟
هضاب: سحبته بالجهاز شوفه اسفر بسرعه اريد اعرف عنها شيء احس نفسي متربط
اسبر: لاتخاف نلكيها وداعتك
مسح وجهه بتوتر
هضاب: شلون لو تاذت اسبر شلون بيه؟
صفنت على وضعه شلون متخربط
اسبر: تحبها هضاب؟
هضاب: ما ادري ما ادري كلشيء ما ادري اذا هالخوف هذا كله حب اي احبها والله احبها واخاف عليها من الهوى الي يمر لا ياذيها تالي تروح بخطف يا وجع گلبي
اسبر: والله نلكيها هسه بس جم ساعه ويتم تعقب المكان لا تنسى هيةة مخليه جهاز تعقب بتليفونها
باوعلي بتفاجئ
هضاب: صدك، شلون عرفت؟
اسبر: اتصلت بيا سوزان بالطريق وبلغتني هي مفعله التعقب خاف يصير شي وياها بالنهايه هية محاميه والحذر عدها واجب دائما
هضاب: يا رب يا رحمتك يا ربي
رفعت ايدي اطبطب على متنه
اسبر: لا تخاف جلباهار بنيه ذكيه ما ينخاف عليها
هضاب: ان شاء الله ان شاء الله
اسبر: لا تاكل بروحك يلا رايح اشوف الولد شصار وياهم
هز راسه بدون جواب عفته ورحت يم لولد لكيتهم بعدهم يشتغلون
....
كاعد بـ السيارة واحس بنفسي ارجف عليها، احبها؟!،، اي احبها حبيتها شلون وليمتة مادري بس الاعرفةة اني هسه حبيتها وبس،،
السيارة تمشي كدر اسبر ويةة الولد يعرفون المكان ويتعقبونه وبمساعده سوزان على التلفون وياهم هم،،
كدرنا نوصل لحل فزيت من صفنتي على صوت وكفه السياره
هضاب: ها اسبر؟
اسبر: نكمل مشي كربنا عليهم ما نكدر نخاطر ونكمل بالسياره
هضاب: اي يلا
نزلنا ظل واحد يم السياره حتى اذا كملنا يجينا بالسياره،، المكان مگطوع مثل الصحراء الشارع فارغ محد بيه والدنيا ليل ظلام دامس،،
تحركنا بحذر لحد ما صرنا مقابيل بنايه على شكل هيكل بعدهي ما مكمل بنائها،،
اسبر: اسلحتكم جهزوها
: كل شيء جاهز سيدي
اسبر: اطشروا مو كلكم سوا وحاولوا تدخلون بالتخفي لان ما نعرف عددهم شقد اذا اضطر الامر تصرفوا بدون سلاح اهم شيء صوتكم
: علم
همةة يسولفون واني مو وياهم اصلا ولا مركز بكل كلمه يحجونها كل تركيزي على الهيكل اريد اوصل لو بايدي اطير واحطه يمها بهاللحظه،،
من بعد تعليمات اسبر ويا الجنود والبقيه تطشرنا كل واحد بجهه فارگتهم اني هم بجهه،،
تقربنا من البنايه لمحت اسبر ركز نظره على واحد واكف بره تقربله بدون ما يحس وسحبه،،
تركتهم ودخلت بهدوء لجوه صرت افتر على الغرف الموجوده ماكو شيء يدل على وجودها،،
لحد ما سمعت صوت مكتوم من جهةة،تبعت الصوت جان جاي من ممر طويل اظلم،،
تحركت لحد ما وصلت غرفه بس چبيره مثل القاعه وكلها كراتين بشكل مو طبيعي لدرجة مسوين بـ الكراتين مثل الحيطان ومرتبينهن،،
زاد الصوت ما تحملت ولا فكرت باي شيء ولا فكرت باي عاقبه تواجهني سحبت الكراتين بسرعه اريد اعرف مصدر هذا الصوت منين جاي،،
بس وگعت الكرتونه من ايدي واني اشوف الشيء الـي صار گدام عيوني..!!!!
يتبع😈...
توقعاتكم للقادم؟
شنو الشي الشافةة هضاب؟
بنات جاي احضرلكم بالبارت الجاي بس اكملةة انزلةة مباشرتاً ترقبوه.
صوتوا وانتضروا البارت الجاي ♡.
... في امان لله...
CZYTASZ
جلباهار"الضل الاسود"
Tajemnica / Thrillerاعوام مختلفة، حقد مدفـون، وحـب ضاهر، عاصفةة سوداء تهب فجأة، لتسحـب معهـا الكثيرر...!!!!! فـ تبدأ المؤامرات، و يضهر الغموض، و يختفي الحـب، لـ تدخل حياتهم ڪ لعنــةة، تقلبهااا راسـاً علـى عقــــب، تضهر كانها قاسية كالمــوت، ماكرة، خطرة، ناقم...
