منقذي سبايا داعش ( الجزء الاول والثاني )

مُلخص الاحداث

ورمح من عرف بالطريق وهو يمشي مغمي عليه رادو ينكلبون وماخذينه المستشفى السماوه  وكايله خابر ع اسم اسمه وردة وكلها تخابر حرمتي حتى وهو بنص تعبه يفكر بريام ♥️ وهالكلام البنات شاهدين عليه

ريام ماخذها قسام البيت اهلها ورمح مخابر قسام وكلشي مافاهمين منه بس يصيح كالب الدنيا وكايله انا رايح لبو فاضل ع طالعين الكربلا ماخذ المغذي وياه بالسياره معلكه

بس كلش متعصب فد مره محتقن ومصيح ع الحمايه الي وياه وريام تكول جنت اصلي وكل مره من اصلي انام ع السجاده فشفت فاطمه بالمنام لازمه الفهد وتلعب وياه وتمسح ع بطني ف تكول عرفت راح يصير شي

وحنين هنا بعدها بالعنايه المركزه وكل اخوانها يمها ... و رمح مخابر حسن و لاعب بي لعب وكله خل يصير بيها شي وشوف شسوي هالمره
رمح عنده حنين خط احمر
فـ هناك باقي بالامام ومايرد ع احد كلهم الفجر ارجع ويصير خير ، ومن يكول يصير خير يستلمهم اكس مربع

تكول قسام كلي ضرغام كال وجهه اصفررررر وتتقيأ كله اكباد بحيث السديه انترست وحسن كايله من امس مغص بطنها وتصيح اكو شعره ببلعومي واوديها للمستشفى كل شويه ويفحصوها ومابيها شي ونطلع لحد ما كامت تتقيء دم

ورمح بهالاثناء بعده بكربلا بالامام كايلهم ابات يم ابو فاضل

وبس راجع من كربلا واصل الفجر للمستشفى وكبل ماخذ حسن وراحوا البيت حسن ومطلعين الكاميرات كلها ، ليش ما شاف نفس هاي المرة الي تجيهم بالكاميرات وهي تحفر وترش شغلات بباب البيت وتخلي شي بحديقة البيت !!!

كعدوا يفتشون بالبيت ونفس المكان الي حفرت بي دوروا ومالكو شي
ورجعوا للمستشفى وهمه متحلفين ويتوعدون لحد الليل حنين صحت بس للاسف فقدت اطفالها اثنينهم ، لكوهم صايرين خيوط ومشوهين وبطن حنين صايرة خايسة حشاكم وصار عندها تسمم وب الف ياعلي رجعت للحياة  بفضل الله ودعوات الناس ولان هي مظلومة ..

ورمح رجع للبيت ودور ببيته وهم مالكة شي واخذ التسجيلات وطلع البيت هاي المرة ولازمها لزمة الايد وهي تنكر وتتوسله وخطية حتى يسميها (يمه ) لان صديقة امه ومتعلمين عليها بالبيت
ماجان متوقع اسوي هيج ، وانا الصراحة هم اعرفها المره وريام هم مصورة وياها بحي من حجتلي كمت اكرر عليها واكلها. خاف غلطانين لان مستحيل تجي ع البال ابدددد

اخر شي هددها واعترفت انُ هي الي تجيب كل السحورة للبيت وهي الي تخليهن بالاكل ومن ريام وحنين والحجية ينطوها الملابس الي مايحتاجوها او الملابس المستعملة والزايدة او اكل او اي شي عدهم يشاركوها جانت تاخذهن وتوديهن البيت ام حسن ويستعلموهن لشغلات السحر  والشعوذة والهالسبب الاعمال تنجح لان ملابسهم ملبوسه
وام رمح جانت تزرع هذا الفلفل الحار بالحديقة  لان رمح يحبه فـ هي استغلت هذا الشي ومن شافت التصوير كلتله جنت الكط فلفل