وردة الشيخ محمد
ركضت بسرعه وشفت بنت حرب تبجي وتصرخ وحاضنه رجل رهف ورهف عيونها تجري وتصيح بيها :- ولج يمه شبيج خل افتهم
- اي والله
- نقالي وين
- ماادري اهدي شبيج تبجين
- بعده الرمي دنسمعه من بعيد هسه الرمي يشتعل العسكر كلها جايه وعيالج هواي ماشاءالله هسه يحركون الجو علينه
-والله اكره الرمي هسه ليش دترمون
- شمدريني ولج يمه كافي كافي بجي شبيج.. بقت هي تريد تتصل ع رائد ورائد ميرد ملتهي برا
عفتها وطلعت ملتمين النسوان بالباب وكل وحده لازمتلها علاليك جكليت بالكيلوات والبنات لابسات العبي وواكفات وكفت عدلت حجابي وعدلت الصاية طلعت رهف وهي شايلة ملاك وملاك ساده اذنها وساكته كسرت خاطري
- ها هدت
- اي وينهم ماوصلو
- لا بعد بس اكيد كاطعين الشارع .. شوي وقربت المزايق والصكل والفرقه من يم البيت ركضنا كلنا والنسوان ركعنها بهلهوله قوية واني رجلي معاد اشيلها شعور اللهفه والشوق والفرح كلو تجمع عيوني جرت دموع وحنين جت العني وهي شايلة الفهد بيدها وتبجي :_ ابويه وصل
-اخذت فهد منها وكمت ابجي وامسح بعيوني: اي اي وصل ....
رحت وخرتهن ومديت راسي من الباب : مااحس غير رائد صاح بينا اني والبنات :- فوتوووووو جووووووااااا
فتنا بسرعة و كمنا اندحك من الشباك رجف كلبي وكمنا ما نسمع شي من الرمي اشتعلت شعل و دموعي تجري و روحي تفرفح أريد اشوفو وصوت سيارات تفحيط ويرنون بالهورن والفرقه مستمرة تدك
افتح ال الباب و فاتو الزلم شهكت واني اشوف العالم والزلم والناس كلها ملتمه برا و رُمح و حَرب ميبينون من كثر الزلم الي التمت و كلهم بالقوات الأمنية و العسكرية وكل واحد شايل سلاحو و رافعو
فات عباس وطش شكليت ويصيح :- اللهم صل على محمد وال محمد ....
لهناك وقسام وضرغام جروا عجلين وياهم الشباب طلعوهم برا صاح حماية الجبير :- ذبحه على رجولهم ابو محمد
قسام:- جر الحبل ضرغام ... و سحب العجل طلعو برا و ذبحو وجاب ثاني كبال الباب جان صيح : فوتو فوتو الف الصلاة والسلام عليك يا حبيب ﷲ محمد وال محمد صلوات صلو على محمد .... وسحب العجل قوي ومطلو بالكاع جر ركبتو وذبحو وصار الدم يجري بطبة رمح وحرب من الباب ....
فاتو رُمح و حَرب بالعربانة و وراهم 2 زلم يمشون بادت روحي من شفتو اختنكت و رهف كلبها راد يوكف و حضنتني و تبجي و نضحك و آلهلاهل اشتغلت و الهوسات و الكولات و رهف تهلهل وهاجر واني شفتهم هيج و ركعتها بهلهوله و ابجي.. دفعتني خالتي وركضت وهي تصيح :- يمه ذيبي ....
طلعن وراها النسوان وصارو يهوسون نسوان وزلم وضرغام مهوال درجة اولى صاح بيهم :- فتحو الميدان ...وفات بنصهم ضل يهوس رباط :- هااا احنه اهل اليوكف ويانه ..هاا احنه اليسمعنا وينخانه ..هااا احنه اولادج يعماره .. عالو بينا واحنه اهل الحكـ
