منقذي سبايا داعش ( الجزء الاول والثاني )

بارت ١٨ الجزء الثاني

مرد عليه انقهرت زعلان مني
سحب الجنطة وفتح العلاليك كلها ملابس جديدة من احذيه وملابس وقاط اسود ب اسود وبناطير وتراكات
وكفت :- اني احضر بس شوكت حتطلع
مرد عليه
راح للكنتور والميز طلع ادوات النظافة الشخصية والعطور وناركيلة صغيرة متنقلة وعيونو متدحك بيا يتصرف من وحدو خبلني
- رمح
ميرد عليه
جر الجنطة وكعد يرتب بالملابس وكل لبسة مينزل سعرها عن ال ٧٥ الف
ادحك العطر مكتوب عليه بـ ٣٥٠ الف فتحت حلكي وعيوني ع وسعها :- رمح عطر بهيج سعر !!!!!

مرد عليه كعدت بالكاع بصفو وهو يصفط بالغراض :- عزااا عزاااا عزااااا العزااااني ادري هذا عطرك يعطر ذنوبك ؟؟؟

ادحك الساعه سعرها بورقة واكثر كمت ادك والطم :- رررررمح
ميرد عليه
كمل الاغراض
سد الجنطة وطلع القميص
ووكف يريد يكويه واني صافنه فاتحه حلكي
موتني خبلني جلطني متجاهلني وميحجي شي
كمت رحت العندو :- اني اكوي جيب
اخذت القميص جرو من عندي جر
بعصبية
وفرش القميص وبدا يكوي ، علكو بتعلاگه
وذب البدي وطفه الضوه ونام

كمت اشيل روحي واركعها بالكاع
اني موتني ولتتجاهلني وتحسسني مموجودة اموووت اشيييط
- داحجي وياك ليش دتسوي هجي
رمح
ميرد عليه :- رمح احجي وياك رد عليه عيب هجي تسوي !!
ميرد
صرت الح وانگ لحد مصاح بيا :- لاتلحين لا اجرم بيج هسه ومحمد !!!!!!

- ليش دتسوي هجي شبيك ويايه
مرد عليه
اخذ مخدتي وفرشت بالكاع ونمت واني ارافس من القهر ذبحني
عيني ماغفت من القهر لحد الصبح يالله نمت محسيت بنفسي
كعدت الصبح مبدل واطلع من الصبح حتى مودعني
شفت مخلي فلوس ع الميز
اتصلت عليه الجهاز مغلق
ادز ع البرامج ميرد وماكو نت
لليل نفس الحالة ، ادز وميرد حرگ كلبي ..
النص الليل شفتو ناشر بالواتساب هو اكثر شي ينشر صورو ومرات لما يطلع مطعم او جسمو ميأمن
ينسحبن الصور وينسبوها الهم واذا ينشر بالواتساب يعرف ناسو محد يتجرأ ياخذهم
وهو ميحب مينشر ببقية البرامج ، ناشر صورتو
بمطعم فخم
هو وقاطو الاسود والساعه الماركة والشكل يلج لج وكدامو ناس كبار لابسين قاط وبنات اربعه شگرات لابسات فساتين بالنسبة النا فساتين حفلة ...

انهاريييييت حيل مضل عندي كمت اشيل روحي شيل
اتصل عليه وميرد اتصل
ويسد الخط لحد مطفه النت وسد الجهاز ب اكملو ، موتني قهر نار وشبت بگلبي
ب اربيل ووياه نسوان يمه متت صعدت فهد يمي ونمت بحضن فهد وكمت ابجي واسولف وياه معندي احد احجي وياه

دزيت للبنت الي عرفتها على النت ردت عليه بلهجتها البصراويه ( اعتذر انا مسافرة اللبنان نتكلم بغير وقت )

بجيت ومتت قهر حضنت فهد وكمت ابجي معندي لا صديقة ولا قريبة كلهم علاقتي بيهم سطحية غير رمح
احتاريت شنو اسوي احس بلعومي كد مابجيت اتجرحوا بلاعيمي
وفهد بيدو الطفولية احسو يمسد على راسي ببراءة
رجعت اتصلت وماكو ميرد للثنتين وصل خطين بالواتساب دزيت شافها ومرد عليه
دزيتلوا :- حرام عليك والله حرام عليك ..