بلاي يوم صرت ولد وانا بنت .

20

دخل شخص من الحراس صرخ  وهو يرجف بخوف وينبه اخوياه :- الشرطه جتتتتتتتتتت
اظاهر بترجع لليل لالي!
تكلم ظافر وهو ينحني ويمسك ذراع كايد قال بهدوء:- تقدر تمشي ؟
هز كايد راسه وقال بهدوء:- كتفي المصاب ترا مهوب رجلي
ابتسم ظافر:- حلوو
وقفت رحيق وهي تشوف رجال الشرطه الي دخلوا من كثر ما حظها اقشر تصادف الشرطه كثير ما تدري وش نهاية المهزله الي دخلتها فهي متاكده الي بيجي اليوم الكل يعرف حقيقتها ويكرهونها وترجع لأهلها ويرجع لها رعب بيع الاعضاء! متاكده بيع الاعضاء عندها ارحم من أنها تكون رقاصه
قطع حبل افكارها يد معاذ الي مسكها وقال بهمس:- خايف من الشرطه ؟ ترا انا الي بلغتهم اول ما جينا يعني ما راح يسوون لنا شي ريح!
تنهدت براحه وهي تشوف كايد يمشي ومتكي على الليث وظافر وراح معاذ له والعيال خلفه
مشت خلفهم وطلعوا من هاذا المكان المتهالك
مسك تميم جواله بعد ما قفل المكالمة لف لكايد:- انا اتصلت بابوي وهو بيجي الحين!
هز رأسه كايد وقال بهدوء:- ارجعوا ي عيال انا بعالج جرحي مع ابوي واجيكم
قرب معاذ وقال بهدوء:- بروح معك!
قالت رحيق وهي تحس بتانيب ضمير انها هي السبب بإصابته:- حتى انا بروح
رد كايد بغضب رغم تعبه:- اذلف انت والشله الي جت وانا قايل لا تجون حسابكم والله قوي ، على بالك بمشيها ؟ تعقب والله !
بلعت ريقها بخوف اذا عصب يخوف! الحقيقة حتى وهو يمروق يخوف وقالت بحده:- حاسب اخوانك لك حق اما حنا الباقي وش دخلك فينا ؟ مو عشانك كبير يعني بنخاف منك
عدل وقفته كايد وهو يقرب منها ابعدت خطوه للخلف وهو يقرب بخطوتين رجعت بخطوه ثانيه لكن سرعان ما تعثرت رجلها فمسكها كايد مع خصرها وقال بهدوء ممزوج بجديه:-ي كثر اعطيك فرص ي رايد وكل شوي تتمادى انتبه للسانك  ! الفرص مصيرها تنتهي .
بلعت ريقها بعدم فهم وخوف وتوتر من قربه طاحت اول ما فكها كايد وقرب لبوه الي وقف
اختفت سيارة اب كايد بعد ما اخذ عياله ومشى
ام هم ركبوا السياره ورجع كل واحد لبيته
دخلت قسمها تنهدت بتعب وش يقصد بانه اعطاني فرص؟ ما فهمت!! لفت بنظرها بارجاء المكان تفكر تبحث عن وظيفه عشان تعيش بشقه لحالها وبعدها بتنقل بمدرسه غير عن مدرسة كايد وشلته لن المشاكل تركض خلفهم وهي تبي السلام بس !
مسكت جوالها وسرعان ما عقدت حاجبها من المكالمات والرسائل من " شذى " ورقم!
فتحت رساله الرقم اول وشافت مرسل
" السلام عليكم"
" ي خكري ! "
" اسمعني زين والله لطلع الحركه من عيونك وتعرف كيف تلعب مع هلال وتبلغ الشرطه انت وجهكك "
" والله لتبكي دم "
عطته حظر وهي تحس بخوف يسري بدمها وكامل جسمها وش المصيبه الجديده الواضح أنها هي الي تجيب المشاكل مو هم !
فتحت رسائل شذى
" تدرين اني ما راح اكتفي بتهديدك باني اعلم العيال ؟ لا ي حلوتي راح اعلم امك وابوك "
" تحزنين هههههههههههههههه "
رمت جوالها على السرير وهي تمسك راسها بصداع وقفت وهي تمشي بنحاء الغرفه بخوف من كثر التوتر الي تعيشه عجزت تبكي!
هي حتى مو محصله احد يوقف معها! او تشكي له او تعتمد عليه!
كل ما قالت زانت تصدمها الدنيا انها شانت!
هي تحصلها من اهلها ولا من شذى ولا من هلال الي طلع لها مدري من وين! هي والله ما بلغت عليه ولا فكرت حتى!!
مسكت جوالها الي جاها اتصال من رقم
عقدت حاجبها والله خايفه من الصدمات الي ممكن تجيها من وراء ذا الرقم
فتحت الخط بيدين راجفه مهما اصطنعت القوه هي فتاه لا تملك سند وطبيعي راح تشعر بالخوف بكل خطوه تخطيها
قال المتصل:- الوو؟
عقدت حواجبها ورجف قلبها بقوه خارت قواها الصوت تعرفه زيننن صوت ارعبها بطفولتها
صوت سبب ضياعها
صوت ضيع حياتها
صوت ضيع مستقبلها
صوت تكرهه بقوهه
جاها الصوت من جديد وهو يقول بخبث:- تهربين عن حظن ابوك ؟ وتلجين لحظن العيال ؟؟؟ مو واحد لا بالالف!! لكن انتظريني بكره الصبح على بابك ي حبيبة ابوك !
قفلت بوجههه ذا وش يقول!!!!!!
ما التجت لحظن احد ليش يظن فيها ظنت السوء ؟ ما يدري انها هربت منه هو أساساً كيف عرف مكانها ؟ أساساً هو يعرف مكانها صدق ؟
صاحت وهي تمسك راسها التفكير أسوأ شي في الحياه وقفت وهي تدمر كل شي حولها
وتبكي شعرت بشخص يركض لها و يحظنها ما تدري مين بس الي تدري عنه انها بحاجة هالحظن بدت تتمتم بكلمات وبعد دقائق غطت بنوم عميق وملامح التعب واضحها على وجهها
ابتسم بهدوء وهي يحملها ويضعها على السرير قرب من جبينها وهي يقبلها بخفه وقال بحنيه:- مهما قصت عليك الظروف ي ابنتي بكون لك سند واب بديل عن ابوك !
طلع وهو يقفل الباب خلفه لف على منصور الي قال باستغراب:- يبه وش تسسوي عندك ؟
ابتسم لولده وهو يتجاهل كلامه وقال:- كيف حال اخوك؟
منصور بهدوء:- كويس !
مشى اب كايد وهو يقول:- بكره به عشاء كبير بمناسبة سلامة كايد وبمناسبة قدوم رمضان، بلغ اهلك!
نقز منصور بسعادة ما تباعده الفعاليات الي يسوونها بالعزايم تعجبه وفوقها أجواء رمضان تجيب راسه راح يركض وهو يبلغ اهله بوناسه......
.
.
.
صباح يوم جديد
فتحت عيونها وهي تحس بثقل بجسمها وخدر بجميع انحاء جسمها ومغص وصداع وضيق وكان كل شي اجتمع عليه وقفت بتكاسل ولكن سرعان ما جلست بالم من بطنها تعرف الالم ذا زين!" دورتها الشهرية"
وابد مو وقتها
دق الباب وسمعت الشغاله تقول:- رايد بابا عبدالعزيز يقول قوم روح مدرسه مع ولد هوا تميم
ردت بهدوء:- مو رايحه!!
عقدت حواجبها الشغاله:- ما فيه يفهم انت وش قول ؟
تنهدت مهوب ناقصه ناس فاهيه
وطنشت وهي تتوجه للحمام بتعب
دقائق وطلعت وهي تفتح الباب وتنزل شافت  كايد و خوانه و كايد لابس بنطلون بدون بلوزه والشاش ملفوف على صدره وكتفه ابعدت عيونها عنه وهي تشوف تميم يقرب منها وقال وهو يمسك يدها ويسحبها وراه :- ساعه انتظرك امش المدرسه !
سحبت يدها وقالت بتعب:- مالي خلق ! روح انت
قال منصور بغضب:- ساعه ننتظرك واخر شي ما تبي ؟
كمل الغضب تميم وقال بحده :- كان قلت للشغله طيب ؟
ما فيها حيل تبرر ابد بس جلست على الأرض بتعب وقالت محاوله اخفاء التعب:- خلاص علمتكم الحين !
ضربها منصور على ظهرها بقوه وقال بغضب:- اكره....
سكت وهو يشوفها ماسكه ظهرها بالم وكايد وقف عندها وقال بقلق:- شفيك رايد .؟؟
بلعت ريقها مو من صالحها ذا الموقف قالت بخفه مع ابتسامه متصنعه:- ولا شي !
وقف كايد بغضب متوجه لمنصور لكن ركض منصور بخوف ولحقه تميم بعد ما ابتسم بغباء بوجه كايد
قال كايد وهو يجلس جنبها:- منت على بعضك شفيك ؟
قالت بهدوء:- ولا ش..
توترت يوم قرب منها وهو يضع جبهته على جبهتها ثم ابعد وقال:- ما عليك حراره انت....
عقد حاجبه كايد من وجه رحيق الاحمر:- شفيك حمرت هههههههههههههههه ؟
شمقت له " قلبت عيونها" وقالت:- ما يضحك !
ابتسم وقال بهدوء:- اليوم به عزيمه وسهره اخر الليل لزوم تحظر!
هزت راسها بتسليك و وقفت وقالت:- بروح انام
راحت رحيق شويات وقام كايد لكن وقف من طق الباب شاف شاب عشريني عقد حاجبه كايد:- سم ؟
ابتسم الشاب وقال:- انا جيت ادور ..
قطع كلامه الشاب اول ما شاف ريحق زادت الابتسامه وهو يقرب منها وقال:- كنت ادور عنك ، عمي مقوم الدنيا ومق...
سكت اول ما حطت يدها على فمه تخاف يفضحها قدام كايد يالليل المصايب الي تنرمي عليها كنه ناقصها ؟ اختفوا الاثنين تحت نظرات كايد الهادئه
.
.
.
.
يتبع
اعتذر عن قصر البارت وبساطته لكن الجايات اقوى بمشية الله
دمتم بخير