طلعت واني اتنفس قوي
واني دااصعد الدرج مااحس غير انجرت
رجلي جر ووكعت صرخت صرخه قوية :- رمممممح
على صوتي طلعت خالتي
و اني شاغت روحي و رجلي انشخطت بحافة الدرج و ركبتي تزلغت صاح رُمح
- رياااام شبييييج
- خااالة
خالتي : شبيج يمه يا ستار يا ربي شمالج
- شبيها ريام يمه
كومتني واني اتنفس بصعوبة و امسح برجلي احس بيها
اثر واحد لازمني و كلبي يدك حيل من الرعب و الخوف و ادحك بخالة لازمتني تريد تكومني
- كومي يمه ليش تركضين ع الدرج على كيفج شبيج طايره
وخطية رُمح طلع و بيدو العكازة دحكني و خايف
- شبيج بويه غير تنتبهين شو بله
جا العندي شمر وحدة من العكازات و رفعني هو و خالتي
ريام :- طلعت بسرعة و رحت الغرفتي اجيب قرآني دا اصعد الدرج و كن واحد لزم رجلي و سحبها
نوموني بالغرفة ودموعي تجري رمح طلع الفهد بالغرفة الثانية وخالتي راحت للمطبخ بسرعه جانن تطبخ وحنين بقت يمي
حنين :- شبيج شلون وكعتي
- حنين احلفج بالله ام حسن عدها حفيدة اسمها فاطمة
- بنت علاوي بس تمرضت و توفت صارلها سنين خطية
- شنو
هنا احس كلشي توقف عندي و بقيت لحظات صافنه بدون ما ارمش بمجرد رفعت راسي ركضت اسمع حنين صاحت ب اسمي
ما اهتمت ركضت للغرفة البيها رُمح دحكت نايم و فهد نايم على صدرو ديهدي بي كمت ادور ماكو شي معقوله متوهمة
شديصيييييررر !!!!
فتحت الكنتور وهم ماكو شي
بسرعة رحت الغرفة خالتي أخذت القرآن و كمت اطبكو و اسدو و اقرأ دعاء و انفخ بالبيت و بالغرفة و خليتو يم رأس فهد و رُمح
رفع ايدو يأشر بمعنى شبيج
بقيت مكاني ادحك وابجي ، نزل فهد من صدرو تنحس ورجع يطبطب عليه ، تركو وطلع
اني بمجرد شفتي حضنتو حيييل خايفة
- رُمح خايفة
- اششش خلصت بويه شو بله تعالي اشوف رجلج بيج تمشين استغفر ﷲ اليوم مدري شبيج
بعدني عنو رفعت نفسي و حضنتو أكثر و خالتي جت خايفة عليه وتطبطب
على ظهري و تكول : يمه ليش تركضين ع الدرج شوفي شلون وكعتي خو ما تأذيتي حبيبه
هزيت راسي الها و عيوني تجري
جان يصرخ فهد ..
تخبلت صحت : يمه ابني
- شبييييج ريااام ع كيفج
دفعته و ركضت شغلت الضوة فهد نايم نومه عميقة و فاطمة يمو و تمسح براسو
- ووخري عن ابنننيييي اللهم صل على محمد وآل محمد سلام قول من رب رحيم
أخذت فهد شلتو و ابجي و مغمضة ولافتو ب ايدي جا صوتها
- ما أذي فهودي اني احبه همه يأذو يمرضو يقتلو يموتو
- سكتتتيييي
- احب فهودي همه يقتلو يمرضو يموتو
- سكتتتي ررررممممممح خااااالة
كمت اشهك و ارجفو عاصرة فهد عصر و اصرخ تخبلت اختنكت وهي تكرر كلماتها
كمت أصيح : رُررررمح خااااالة رُممممح
للحظة صار صوت صرخة قوية ب اذني و انسحب فهد مني و انضربت راشدي قوي و كعدت بالكاع على اثرو
واني اردد :- سكتتتي ررررممممممح خااااالة
شهكت مثل الردت روحي
جا صوت رُمح وهو يعيط بصوت عالي : خنكتي الولد رياااااام
- رُمح رُررررمح فدوة
ركضت الرُمح و مخترعة و خايفة حضنتو بعدني
- وخري اصحي ع نفسج متخبلة مدري شبيج خنكتي الطفل زين ما مات بيدج
- رُمح بس احضني خايفة
ذب نفس و سحبني و حطني على صدرو و أخذت ايد فهد ادحكو ميت بجي شبيه ياربي حموت مختنكة
ضل رُمح يمسح على راسي و شايل فهد و يقرأ بكلبو آيات و اني احس الدنيا خنكتي
ابني مادري شديصيرلو احس اكو جن او روح او هيج موتني وانرعبت مااعرف يجوز دااتوهم يجوز بسبب الامراض دترجع عليه بين فترة وفترة ، صرت ابرر النفسي صرت ابرر العقلي ان ماكو هيج امور ماكو هيج اني دااهلوس ..
انطتني خالتي مي وكالت :- هاي ماي نكعت بي تراب من تربة الامام الحسين عليه السلام اشربي بيها الشفا والعلاج وهاي چبيدي رمح متربة بتراب المشاية
واني بحضن رمح وهو يمسح ع راسي ويردد ايات من القران وواكفين وهو يهدي بيه غطتني بيها ريحتها تخبل وشربت المي كعد ع القنفة وسحبني الحضنو نومني مثل الطفله وصار يهدي بيا ..
لنص ساعه اني الرجفه متركتني والخوف يدك بصدري
صعدت الغرفتي اشوفها حسبالك ضباب لو متربة رمح نومني بالفراش واني عيوني ع الغرفه تركني وطلع :- بس اجيب لابتوبي واجيج نامي ارتاحي ..
طلع واني كمت اغمض بعيني وافتحها والتراب والبوخه نفس الشي
رحت نكعت وصله ومديتها بالكاع وامسح ينشف ويرجع التراب من جديد تخبلت ..
اجيب مي وامسح ميفيد ادحك المرايات نفس الحالة والجو بالغرفة مثل واحد يكنس تراب ويصير تراب بالجو بالغرفة فتحت الشبابيك وماكو فايدة ..
مدنكة امسح بالارضية وجا صوت خشن غريب وهو يكول :- شدتسوين ؟؟...........
للحكاية بقية ♥️.
بارت قصير + قربنا ننهي قصتنا .
متابعة الحسابي فضلاً وليس امراً ♥.
تكملة بارت ١٧ الجزء الثاني
Bắt đầu từ đầu
