رفـع راسة علينا اني وياقوت
غفـار: أنتن وين جنتن؟!
غيـد: بـ المطبخ دانسوي أكـل.
غفـار: ما حسيتن عليها مـن طلعت من الغرفة؟!
ياقوت: لا لأن غيـد ولـواء كانو مهوسين،
بعدين انـي تركتهم ورجعت للغرفة بـس
مـا كانت موجودة وتوقعت راحت للحمام.
بقى يباوعلنا بقهر والحيرة مستوطنة عيونة
يباوع لـ لـواء بنظرات ”شراح اسوي؟!“
وكلنا ما نعـرف شراح نسوي.!!
بيت الرماح راح يلبسونها التهمة حتى لو
كانت بريئة ومحد راح يصدك ما تتذكر شي.!!
حضنها بقوة يبوس بعيونها يتوسلها تسكت
غفـار: كافي تبجين ، انا اعرفج أنتِ ماتسوينها.
مُرجان: ما أتذكر شي وماراح يصدكوني.
غفـار: وعساهم لا صدكو اللـي يحاجيج
انحره جوة رجليج وحگ سبع الگنطرة.
فرگ وجهة لـواء يستغفر وكعد كدامهم
لـواء: مُرجان خوية إذا رجعو وسألوج
كولـي أنتِ رحتي لـ غرفتة وشفتي بهذا
حالة ، لا تعرفين شلون مات ولا الج علاقة.
غفـار: وهذهِ حقيقة مُرجانة مو جذب.
أتفقو وياها يكون هـذا كلامها وبس،
وما تركها إلا مـن هدأت وطلب مـن ياقوت
تاخـذها لـ غرفتهم ، تقدمنة عليها اثنينة
وهـي نهضت مـن حضنة ورفضت نساعدها
مُرجان: عوفونــي وحـدي مابيه شـي.
رغم طلبها بس احنه ما كدرنة مشينة
وراها اثنينه وصاح عليه غفـار
غفـار: غيـد أنتِ ضلي محتاجج.
بقيت واكفة بـ مكاني ، البنات دخلن للـغرفة
ولـواء ساعد غفـار مرجعة على الكرسي مالتة
أشرلـي أكعـد كدامة بـ الصالة
غفـار: احجي شسويتن بغرفة القفص قبل يومين؟!
غيـد: وشدخـــل؟! تشوف الوضع يسمح؟!
غفـار: اي لأن الأحـداث مترابطة بين الغرفة وخضـر.
بقيت مترددة احجيلة وخايفة يسألنـي
عن السبب شكلة؟! طرفة دزتنة؟! لأن راح نطلع
ثولات بنظرة لو يعرف مشينة ورة كـلام طرفة.!!
غفـار: احجي غيـد مو وكت تفكير.
غيـد: شلون عرفت؟!
رفـع حاجبة بأستنكار
غفـار: نسيتي نـوح اللـي طلعجن منها سلامات؟!
غيـد: قصدك خلصنة مـن خضـر.
غفـار: أستغفرك ربـي وأتوب إليك ، وتالي غيـد؟!
كعـد لـواء بجانبي يحجي بهـدوء مـن
شاف غفـار بدأ يعصب وراح يعلگ الأخضر واليابس
لـواء: غيـد سؤاله مـن باب الخوف مو تدخل،
لـ حتى يكـدر يساعد مُرجان احجيله شصار؟!
أخـذت نفس عميـــق وبلشت اسردلة
شلون طرفة راحت لـ مُرجان ودفعتها حتى
تروح لـ ذيــج الغرفة بالليل ، وبعـدها كيف رحنة
قاطعنـي متنرفز
غفـار: عوفي هذا الحجي غيـد ، كليلي شافت شي هناك؟!!
YOU ARE READING
أغلال المرجان (غَـربيب)
Action• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
Part 34 || نقض الوعد
Start from the beginning
