ضيعتني ..
بكيفك ورديت تَالي
تريد تلكاني وحزن روحي تلمه ؟
غَربتني ..
وجفن ما رَف لك يـ خايب
لارِجف كلبك واكُول شويه همه
غيرتني ..
وبِهت كُل لون بخضاري
وآه ياذاك الربيع الضاع حلمه
جِرحتني ..
وطاَب بالجويات جَرحي
شلون اليطيب وترد عمداً تلجمه
رخصتني ..
شمعه صرت اني لـ ظَلامك
ليش جا صايرلي نسمة ؟
وهذا يا ليل اللي مَرك
ماضوت بي روحي نجمة ؟
هسه رَديت وتظن حزني تلمه ؟
حِزني كطرات المُطر بالماي
لو تكدرله .. لمه
♡♡♡♡♡♡♡♡♡♡♡♡♡♡♡♡♡♡♡♡♡♡♡
فزيت وگوة افتح عيوني كلشي مغوش كدامي احاول اركز بس عيوني ثگيلات اريد احرك جسمي ماكدرت شوية شوية بديت انتبه واديا مربوطة رجلية كذالك
وهذا اكثر شي خلاني اعيش رعب
ركزت بالمكان مرتب وغرفة امبينة مال نوم باوعت بيها جرباية وكنتور مال شخص واحد وبيها بردة
وييين اني يااااربي وييين بقيت اضغط على نفسي واحاول افلت ادية بس ماكو فايدة الجنطة مالت المدرسة مشمورة بالغرفة مسافة علية اتذكرت بيها موبايلي
يااااربي ساعدني فدوة ل اسمك ساعدني
وين اني شجاي يصير وياي كل الاتذكرة الملثم اخير شي شفتة
بقيت ازحف علمود اوصل للجنطة بس ادية كلش قيدن حركتي فرصتج هاي اسرار تطلعين الموبايل يلا اتعديتي الاكبر من هاااي يلا
احاول الزم الجنطة وافتح السحاب ويفلت من ايدي..... يلا اسرار تكدرين هايي فرصتج يلا
وسمعت صوت خرخشة وانفتح الباب حسيت كلبي يريد يوگف من الخوف ماعرف وين اني بالعمارة لو خارج محافظتي وهذا منو شنو مصيري ليش اني مخطوفة شسويت......
كلشي صار شريط گدامي وكل الاحتمالات والاشياء البشعة صارت گدامي واني اشوفة شلون يدخل للغرفة وكل خطوة منة يمشي على اعصابي الخوف مسيطر علية كلشي مجهول ياربي منك القوة ساعدني ياللة اباوعلة وهو يمشي وكلشي ما طالع من عندة بس عيونة ومن الخوف گلبي رجع يوجعني بقة واگف فوك راسي ويباوعلي
واني لا حول ولا قوة
ثنى على ركبتة وكعد وهو بس يباوعلي
منووو انتةةة شترريد هااا لو بيك خير طلع وجهك صيرر رجال وحاجيني
رجع اتقرب علية
.... اني مابية خير گدامج
اسرار
لزمني من اديا ويحاول يعدل گعدتي
وخرررر عنييي لا تلمسنييي وخررر
.... لا تخافين مااسويلج شي بس اريد اعدل كعدتج
اسرار
خلة ظهري على الحايط وهو گاعد گبالي ويباوع علية ركزت بعيونة احس اني شايفتة صوتة سامعتة متاكدة اني اعرفة هذاااا
بس گلبي رجع ياذيني كلش ونفس الخنگة رجعتلي بقيت گوة اجر النفس
..... اسمعيني اتنفسي جري نفسج ايييي بعد جري نفسج
اسرار
اشرتلة على الجنطة لان بيها حبوب
أنت تقرأ
قــــــلَوُب الحًرمِــــــــآن
General Fiction"لو فقدتَ ما فقدتَ لو كسرَ الحرمانُ قلبَكَ ستجتازُ هذه الحياة كما يجتازها كل أحد فاختر الرضى يهُن عليك العبور ولا تيأس إذا حرمك الله ما تحب ولا تحزن إذا اضطررت للعيش في وضع يؤلمك بل ابتسم لأن الله قال بكل رحمة : وعسى أن تكرهوا شيئاً وهو خيرٌ...
