علموا اولادكم اللهــجة الجَنوبية
لا تَدعوهم يغادروا هذه الحياة دون التَمتع بها
ستحتاجونها يوماً ما بالحـديث معهم
بمواقـفٍ يعجز بها الكلام الفصيح المنمّق عن التعبير
سوف يَغنيك شَطر جَنوبي عن الحيرة
لولا هذه اللهجة ما كان عريان سيــقول:
ليش يَابعد أمــهاتي؟
وكاظم أسماعيل الگاطع يقول:
رديت وجـدامَي تخط حيره وندم
وصَوت كـريم منصور وهوَ يصدح من المَذياع
ويغني سلامات، ريتك سلامات
لولا هذه اللهجة ما كان لنا أن نستمع لِنَغم
يبعد هــروش گلبي، فدوة أغديلك
وغيرها من الكلمات الحنونة
في كل مرةٍ نتغزل بها بمن نحبهم
♡♡♡♡♡♡♡♡♡♡♡♡♡♡♡♡♡♡♡♡♡♡♡
:::::::::::::::::: آلَمِــــــــحكمة:::::::::::::::::::::::::
ماريد اقدم اي شكو بحقهم
اشوف وجوه الكل مصدومة من جوابي حتى همة نفسهم عمي وابوي صافنين بية من صدمتهم
تهاني
متوقعت اسرار تسوي هيج اول مره بحياتي احسهة خيبت ظني بيها
القاضي
متاكدة بابا وبدون اي ضغط انتي تتنازلين
اسرار
نعم
شهاب
جنت مخلي هيج احتمال بس اصرارها وكل السووه بيهة خلاني استبعد تنازلهة عنهم
اسرار
بس اريدهم مايتعرضولي بعد
والصمت جان سيد الموقف
وبس صوت القاضي بالقاعة جان
القاضي
رفعت الجلسة بالافراج عن المتهمين
ويتم توقيع التعهد بعدم الاعتراض للمدعية اسرار خالد
طلعنة من الجلسة
واول وحدة استلمتني ماما
تهاني
ولج شسويتي هذاااا حقججج شلون تخلينهم يرحووون هااا شغيررراج شصخمتي ولج اسرار اجو يموتونج ماما
اسرار
ماريد شي منهم بس يبتعدون بدون مشاكل
قصي
اطيب من كلبج ماشفت وان شاءلله عدت على خير ومحد يتعرضلج مهما يكونون يكولون الاظفر مايتبرى من الحم
تهاني
لا استاذ قصي الاظفر يتبررى هذولي وصلو بنيتي للموت
اسرار
كافي ماما عدت على خير خلونة نروح
ابتسام
تعاااي اشبكج بعد عمتج ماقصرررتي رحم الله والديج والله ياعمة مايهموني هذولي لچلاب بس ابني جا راح بيهة فدوه اغديلج يمة ماقصرتي صدك طيبة بت طيبة
اسرار
اشوف عمتي حضنتني كدامهم كلهم ودموعهة بعيونهة صح اني جنت قافلة بس موقف فاضل واهتمام عمتي والبنات وگف بعيوني وماكدرت اكسرهة بابنهة واشوف فاضل ابتسم بوجهي بدون اي كلام
ورة شوية وطلعوا الثلاثي المتكسر من يم القاضي واشوف عمتي تشمر كل كلمة اكبر من الثانية
ابتسام
شوفو شلون معبنها معدلة وبت اصل وهالتنازلت الة انتم ماتستاهلون
خالد
غصباً عليها تتنازل غير اهلهة احنة اكو وحدة تشتكي على اهلهة
أنت تقرأ
قــــــلَوُب الحًرمِــــــــآن
General Fiction"لو فقدتَ ما فقدتَ لو كسرَ الحرمانُ قلبَكَ ستجتازُ هذه الحياة كما يجتازها كل أحد فاختر الرضى يهُن عليك العبور ولا تيأس إذا حرمك الله ما تحب ولا تحزن إذا اضطررت للعيش في وضع يؤلمك بل ابتسم لأن الله قال بكل رحمة : وعسى أن تكرهوا شيئاً وهو خيرٌ...
