p4
( لا تنسون انو الروايه من محو الخيال، كل الاصور و الاسماء و الشخصيات و المواقع و الوزارات و كل ما يتم ذكره خيالي لا علاقه له بالواقع)
تعريف بسيط للبطله....
البطلة... الاسم جود عمري 29 محققة جنائية بوزاره الداخليه العراقيه. دخلت لكليه الشرطه بالبدايه صرت ضابط بعدين درست قانون و صرت محققه جنائيه...
اما عن حياتي.. فاني انسانه بعمر ال18 جنت فاقده الشغف بكل معنى الكلمه كل همي اتخرج من السادس و ادخل اي تخصص كان بعدين اتزوج وبعدين اموت و هذا هو...
بس وره ما درست السادس و تعبت بي و نكسر معدلي كلش قررت انو ادخل كليه شرطه و اروح ضابط لسبب أو لآخر كلش فرحت من دخلت للكليه على الرغم من صعوبة الظروف و التعامل الا اني جنت كلش مستمتعه احس صدگ وصلت للشئ الاريده...
خلصت الكليه لگيت انو المستقبل كضابط ما راح يتلائم وي شخصيتي، يلوگلي التحقيق والغموض اكثر. لذلك و بسبب عائلتي الطاگه بكل معنى الكلمه، و تكتل شركات و رأسمالية عالية، ما حجو اي شئ بالعكس قبلوا طلبي بكل احترام... واني الثوله عبالي واخيرا صار بيهم حظ و صارو يحبوني و شويه قل بخلهم اثاري طلعت الفلوس الذبوها عليه بالجامعه الأهلية هي ثمن بيعي مستقبلا... المهم
درست الحقوق و رحت تحقيق جنائي... اتخرجت و طبقت بالمركز، جان ادائي ممتاز لان مثل ما گتلكم اني يلوگلي شغله التحقيق والغموض و سوالف الجرائم كلش احبها....
بسبب بعض الحقراء الكساله، الي ما اعرف اصلا شلون يسمحولهم يبقون بهذا البلد الي تتصارع عليه الدول، والي همه رؤسائي اطوني اول قضيه الي اول ما تعينت و جانوا يريدون مني انو اتبع كلامهم بالحرف الواحد و اطبق الي يگولوا.
حسب كلامهم يردوني احقق بيها او اسوي روحي احقق بيها لمده اسبوع و اختمها بيوم اذكر جان الخميس و اقدم التقرير الهم على كون القضيه جانت مجرد قضية حرق جدا سهله... و حته اسم المجرم والعنوان اطوني يا.
او لو نفكر شويه اكثر هذا ما جان مجرم جان ضحيه يردوني اني اتحمل ظلمه...
و اما الغرض او سبب الجريمه فگالولي انو اكتبه بسبب الغيره والحسد...
اااااااا راسي يمه كل ما اتذكر بدي ارتكب بيهم جريمه... ولد الكلب رادو يفصلوني اول ما بديت..
....... قبل 6 سنوات
المحقق جبار.... فهمتي شنو لازم تسوين؟
جود... وهي بصدمه، اسفه حضرة المحقق اسمحلي اسئل، اذا جنه نعرف كل هذا بعد ليش انحقق؟
المحقق جبار.... سوي الگتلج عليه بدوووون اسئله. يله روحي اشتغلي، و يا ويلج و يا سواد ليلج تذكرين شئ من الگتلج يا هسه....
جود... رفعت حواجبي ما عاجبني الوضع و واخرت عنه....
اني انسانه طبيعتي مستحيل اتقبل سالفة كل شئ يجيني حاضر اضل اسئل الف سؤال و ما ارتاح اله الگه اجوبه لكل اسئلتي، فضول، غرور، سمو الي تردون المهم اني احب هذا الطبع بيه.
أنت تقرأ
قضايا البيت الغامض ♕
Actionمُخيف صمت امرأة ثرثاره ولكن و مرعب اكثر قسوه امرأة حنونه.. ما حدث او سيحدث في حياة بطلتنا مختلف تماما عن باقي الروايات .. ماذا لو انك قبل يوم لم تكن تملك هدفٌ في حياتك وبين ليلٌة و ضحاها اصبح لديك هدفٌ مرعب! ماذا عن جود المحققه التي لم تكن ترغب ف...
