p1....﷽
بقلم الكاتبةبتول:
..... التحقيق الجنائي هيه وضيفه حالها حال اي الوضائف وضيفتنا انو انحقق بالجرائم و ندور عن سبب الموت و عن المجرمين. شغلنا بالاكثر وي قسم الطب الشرعي.. نثبت حقيقة وقوع الجريمه و شلون صارت و سبب علاقتها بالمتهم. بالعراق يتعين المحقق بامر من رئيس مجلس القضاء الاعلى بشرط انو يكون حاصل على شهادو البكلوريوس في القانون او بشكل مختصر يگدر وزير العدل يمنح هذه السلطه لضابط. هذا مثل ما صار وياي.
......
جود.... هم سمعت يوم من الايام اني انهزمت من قبل سفله مثل ذوله؟ لا تخاف اني منتضره اللحضه الناسبه بس و اكضهم. ما سمعت المثل اليگول الانتقام ينوكل بارد؟؟
- لا سمعته.
- چا لا تخاف مجرد يوم و يجونه زحف
- بس حضره المحققه المدير اطانه بس يومين وباجر اخر يوم خاف نتعاقب.
-.هم تعاقبت يوم بسبب تقصيري؟
- لا
- اذن لا تخاف ما راح اخليك تتعاقب. خلي الوقت يحل الباقي احنه سوينه العلينه.
يله خلص وقت الدوام روح للبيت ارتاح لا تفكر اكثر من الازم.
اخذت جنطتي و اتجهت للباب مريت من يمه و ضربت على كتفه.
رحت للبيت واصله اقصى حدودي من التعب حرفيا جسمي منهار.
دخلت ما سلمت على اي شخص وكأنما محد بالبيت اصلا.
صعت للغرفه ذبيت روحي على الفراش بهدومي و نمت.
جنت احلم و الفضول كاتلني شنو هذا الشئ الاسود المشوه الواگف گبالي ادنيت يمه اريد اشوف بوضوح اكثر و دگ مبايلي...
گمت رديت عليه بالگوه ميته من التعب. جسمي كله مشنج.
الو، و سم، منو عديم الذوق الي يتصل بهاي الساعه من الليل، ما تگول الناس نايمه.
-المحققه جود؟
-اي منو وياي؟
-اني مديرج اركان..
-سيدي... گعدت على حيلي.. سيدي كلش اعتذر ولله ما انتبهت.
-عقابج بعدين اتصلت علمود شئ اهم..
- تفضلي سيدي اسمعك؟
- زيد ما نگدر نوصله و الوضع زاد سوء اكثر من قبل سجلو حالة قتل ثانيه بنفس الطريقه.
-شون سيدي؟؟؟!حالة قتل ثانيه
-تعاي بساع راح نعقد اجتماع الساعه ب 10بس لازم ترحين للمكان مال جريمه.
-حاضر سيدي دقايق و اوصل..
گمت اركض حرفيا اخذت جنطتي و قمصلتي غسلت وجهي و طلعت هامله بكل معنى الكلمه الشخص الجان نايم يمي ولا مطيته اي اهميه كأنو ماكو واحد عايش وياي. جانت الساعه ب 6الفجر واني اسوق الشارع عباره عن ضلمه و كلش يخوف. بس اني متعوده عليه بحكم شغلي.
وگفوني الشرطه..
- هذا الطريق مسدود بسبب وجود قضية قتل.
-ادري اني قاصده هذا المكان. طلعت الهويه واطيته ياها..
YOU ARE READING
قضايا البيت الغامض ♕
Actionمُخيف صمت امرأة ثرثاره ولكن و مرعب اكثر قسوه امرأة حنونه.. ما حدث او سيحدث في حياة بطلتنا مختلف تماما عن باقي الروايات .. ماذا لو انك قبل يوم لم تكن تملك هدفٌ في حياتك وبين ليلٌة و ضحاها اصبح لديك هدفٌ مرعب! ماذا عن جود المحققه التي لم تكن ترغب ف...
