أنا متعبة
كل ندبة أعتقدت أنها شفيت منذ فترة طويلة
بدأت الآن تنبض
لتنسون التصويت و التعليق بين الفقرات🤍
#وَتيرة_وَد
الكاتبة روح الدليمي
********************
صرت اصيح من الوجع و اجر بالنفس كوه
على غفله صار صوت طلق بعيد و صوت ماطورات
اكثر من واحد
حسيت بيهن يفترن حوالينه
حامد:هااييي شكووو منو انتو
سمعت صوته هوَ والله هوَ گال
فيصل:اجيت اخلص عليكم
حسيت احد صار قريب مني
من عطره عرفته هوَ گال
فيصل:شباب شوفوا شغلكم
صار صوت سيارات قريب من عدنه
فتح ايدي و عيوني باوعت حواليه و عيوني بلشت تغوش
شوي شوي
رجال مسلحين و نزلوا من السيارات ضباط
و شرطه
فيصل:هذول همَّ شوفوا شغلكم وياهم اني اخذ مرتي للمستشفى
شالني بدون حتى ميحجي ويايه عضيت على شفتي من الالم مينحمل و صعدني بوحده من السيارات
حطيت ايدي على مكان الي تصاوبت بي و حاولت اضغط على الجرح
من قوه الالم اغمى عليه..
فتحت عيوني كلشي مغوش كدامي
راسي مسطور الم بكل مكان بجسمي
رجعت غمضت عيوني و فتحتهن
كررت الحركه لحد ما بلشت تتوضح عندي الرؤيا
باوعت حواليه نايمه على سرير المستشفى
و مغذي ب ايدي.. صدري و كتفي ملفوفين
ايدي اليمنه مجبريها الظاهر مكسوره
انفتح الباب و دخل فيصل اجه يمي
صارت عيونه تتفحصني بدون مينطق اي حرف
كسرت الصمت الي بيناتنه و گلت
جوري:فهد، فهد ابني رجعع؟
فيصل:رجع
غمضت عيوني و شكرت ربي
دموعي صارت تنزل... مد ايده على خدودي
مسح دموعي و گال
فيصل:الحمدلله على سلامتج
جوري:عذبوني فيصل
فيصل:موكتها هسه ارتاحي بعدين نسولف
جوري:زعلان مني أنتَ !
فيصل:نامي بويه ارتاحي گتلج بعدين نحجي
هستوج صحيتي و طالعه من عمليتين و وحده خطره ارتاحي
كعد يمي على الكرسي و مد ايده على راسي
صار يمسح على شعري گلت بصوت تعبان كلش
جوري:حجابي اريد حجابي
فيصل:ماكو كلشي يمي
جوري:انطيني اي شي موجود احطه على راسي
خاف احد يدخل
فيصل:لتخافين ميدخل احد غير الممرضات هسه اوصي احد يجيبلج شال
طلع من الغرفه وره شوي رجع و بيده شال
گال..
YOU ARE READING
وَتيرة وَد
Non-Fictionكُدت أن أموت وأنا حَيةً تمنيتُ لو أنني لمْ أكون أنا فالعَيشُ بالعارِ ليسَ من السهلِ لكن أتراني مِن الضُعف أرتهبُ أم من القوةٍ أرتعبُ أنها ليست خطوةً للعيشُ بِسلامِ لكنها خطوةٌ تثير داخِلها الأنتقام في بعض الأحيان الحقيقة لن تُصدق وفي الواقعِ...
