وَتيرة وَد

مشاهد

هلو يا حلوين و اخيراً بعد انقطاع سنتين رجعتلكم
و بقصه جديده

اريد اشوف تفاعلكم الحلو عليها و ان شاء الله نبلش
بعد العيد ب اذن الله

كُدت أن أموت وأنا حَيةً
تمنيتُ لو أنني لمْ أكون أنا
فالعَيشُ بالعارِ ليسَ من السهلِ
   لكن
أتراني مِن الضُعف أرتهبُ
أم من القوةٍ أرتعبُ
أنها ليست خطوةً للعيشُ بِسلامِ
لكنها خطوةٌ تثير داخِلها الأنتقام
في بعض الأحيان الحقيقة لن تُصدق
وفي الواقعِ لا مفرٌ ولا هروب
هَل من راوي يرويَ عما يحدثُ داخلي ..

_للكاتبة روح الدليمي
_بقلم اميم 🤍
omaimaalhaman21
#وَتيرة_وَد
الكاتبة روح الدليمي
********************

گاعده بالگاع و حاضنه رجلي و دموعي
تنزل بدون توقف صرت ابجي و اشهك بالبجي ..

شوصلت نفسي لهل مستوى؟
شلون راح اواجه الناس و بالذات اهلي .

فزيت ؏ دگه باب الغرفه سمعت صوت امي تريد تعرف شبيه شنو سبب الوراء حالتي الي يُرثى لها

شلون اكوللها؟
شلون افهمها انو بتها انضحك عليها وخسرت اغلى ما تملك

شلون راح اتعامل ويه الموضوع؟
اذا اهلي عرفوا شنو حيصير؟
راح ابقى هيچ؟
راح يكتلوني واموت !!

كومه اسئله اجت براسي مالكيتلها جواب
بس المصير واضح " الهلاك " بقيت ساعات و ساعات اني على نفس گعدتي و نفس البجي ونفس الافكار

سمعت صوت تلفوني يدك گمت من مكاني بسرعه
بلكي يطلع هوَ ديتصل عليه .

اخذت التلفون بيدي شفتها صديقتي تدك
جاوبتها و رجعت لنوبه البكاء

اني ابجي و هيَ تحاول تسكتني تريد تفهم الموضوع

و اخيراً هديت شوي و حجيت بغصه واضحه

_يقين اني حامل ماعرف شسوي والله اذا اهلي يعرفون يذبحوني ما ابقى عايشة

********

المشهد الثاني:-

لن انسى تلك الليالي التي بكيت فيها حتى كاد داخلي يذوب لن انسى يوم شعرت بالتخلي
و انني بلا اي اهميه
و انني لا استحق الحب والله لن انسى...