انتي جيتيني هديه من السما

P / 3

مساعد : لكن يا بو عبدالعزيز هذي التجاره الواحد لازم يخسر و لازم ينجح
ابو عبدالعزيز بعصبيه قويه : ما تفهم انت وش اقول انا من ساعه تبي اخذ بضاعتك و تجلس كذا تبي اخذ رزقك
بدر بعصبية و هو وده يكفخهم : ما في احد يرضى على نفسه احد ياخذ رزقه انتوا اليوم قطعتوا رزق الرجال و لا ترضون احد يقطع رزقكم و فوق هذا كله متهاوشين مع الرجال
ابو عبدالعزيز : انا قلت الي عندي و ماني بناقص فضايح و مشاكل احترموا نفسكم و اعتذروا للرجال تراني ساكت على الهوشه الي صارت
محسن و مساعد : ابشروا
طلع ابو عبدالعزيز متجه لبيت نايف : خذينا البنت و نسينا مصايب اخوانها
بدر منحرج من نفسه : يبه شنسوي
ابو عبدالعزيز امشوا وراي بس
عبدالعزيز و سعود : ابشر
-
بيت ابو عبدالعزيز
كلهم دروا بسالفه محسن و نايف
قمر : ياخي رحمت نور بتكون ميته من الاحراج
اصايل : البنت من الاحراج ما طلعت علينا
لطيفه : ما اقول الا الله يصبرها على خوانها مدري كيف متحملتهم
اصايل : سمعت انهم يطقوها و انها اصلاً مغصوبه
قمر : و انت من قالك؟
اصايل : بدر ذاك اليوم سمعته يقول لعبدالعزيز و الغبي فاتح مكبر صوت
قمر : و ليش ما قالي
اصايل : محلفهم اتوقع ... بس صراحه مو متاكده من هالكلام
لطيفه : ما اتوقع انه صح
قمر : اي ... نور ما بتكون زي كذا عادي
اصايل : ان شاءالله لا
دخلت نور و كلهم سكتوا
نور : شفيكم سكتوا ؟
اصايل بمزح : ابد انصدمنا من شفنا جمالك
نور : لا تتهربين ... وش كنتوا تقولون تحشون فيني
قمر : ايه كلنا حاسدينك على بدر
نور بمزح : الله يبعد عنا الحاسدين
اصايل : لا تحاتين ما بنحسدك بنحسده هو
نور : بسم الله على زوجي
لطيفه : يا عيني على الي تخاف على زوجها
ضحكت نور و بعدها رجع لوجهها الضيق
قمر : نور شفيك
نور : ابد متضايقه على سالفه اخواني
لطيفه : ياقلبي عادي لا تضيقين على نفسك
اصايل : لا تتضايقين ابوي و اخواني راحوا يحلوها و بتنحل ان شاءالله
نور : ان شاء الله .... تبونا نتصل ب الشموخ
اصايل : اي والله افتقدتها
نور دقت عليها
نور : الشموخ كيفك ؟
الشموخ : الحمدالله وانتي
نور : الحمدالله هنا معي البنات قمر و لطيفه و اصايل
الشموخ بمزح : يمه فريق متزوجات
اصايل : يارب تتزوجين هالسنه يارب
نور : ههههههه و تنضم لفريقنا
الشموخ : اعوذ بالله
قمر : ياخي فاقدينك والله
الشموخ : وانا اكثر والله بس تدرون شصار و الناس رايحه جايه مع ذي السالفه وانا ابد في المطبخ
نور : الشموخ مدري شقول بس منجد آسفه ادري مقدر على شي
قاطعتها الشموخ : نور وش هالكلام لو اني زعلانه منك ما كان رديت عليك اصلاً ما اسمع منك هالكلام سمعتي ؟!
نور : سمعت
اصايل : صارت كلب مطيع ههههههههههههه
نور : ياخي انا الله ايش بلاني باخت زوج زيك
اصايل : انتي المفروض تصلين شكر كل يوم
الشموخ : ياخي اسكتوا تتهاوشون بعدين
ياعروسه شالاخبار عندك
نور باحراج : كويسه
اصايل : اقولك ساحره اخوي تخيلي يدافع عنها و مخلي اخوانه
قمر راحت لعيالها يتهاوشون مع عيال اصايل
اصايل : يالله من هالعيال كل شوي واحد يصيح يبنت تعالي عندنا نسولف لك
الشموخ : من افضى بجيكم
نور : طيب
الشموخ : و هذي جماعتكم شرفت
نور : هههههههه يالله مع السلامه
الشموخ : مع السلامه
-
بيت نايف ( ابو الشموخ )
دخل ابو عبدالعزيز و عياله بيت نايف
الي كله رجال بيوقفون مع نايف
و الشموخ الي توها تستوعب انه سعود معهم
و دخلها التوتر
ابو عبدالعزيز : السلام عليكم
الكل : و عليكم السلام
نايف : حياكم الله اقلطوا
ابو عبدالعزيز : الله يحيك
جلسوا و تقهوا
ابو عبدالعزيز : حنا جينا نساندك في وقت ضيقك و هذي العانيه لك و والله العظيم ما ترجع و محسن و اخوه غلطانين و بيعتذرون امام الكل ( في كل مره يخونني التعبير🫢🤣)
نايف : جزاكم الله خير و انا مب منتظر اي اعتذار و انا مسامحهم على قلة عقلهم
ابو عبدالعزيز : ماهي غريبه عليك يا نايف
نايف : هذي من عوايدنا
-
بيت ابو عبدالعزيز
عبدالعزيز و سعود راحوا المحل
و الباقي رجعوا مع ابوهم
بدر من باب المطبخ : ادخل
ام عبدالعزيز : ادخل
لقى امه و اصايل و قمر  يطبخون و ما لقى نور
بدر : وين نور
ام عبدالعزيز : ابد تعبانه اليوم و راحت ترتاح
بدر : وش الي ترتاح و انتم تكرفون !
اصايل : البنت تعبانه و ما نامت شي و انا حلفت عليها ترتاح
ام عبدالعزيزعرفت انه بيعصب : و حنا كثير و بنكفي و حتى لطيفه ما هي موجوده انا حلفت عليهم يرتاحون
بدر بعصبيه : طيب
توجهه للغرفه دخل و لقاها نايمه
بدر بحده : نور ... نوور
نور فزت من صوته الحاد : ها وشفيك
بدر بعصبيه : ماشاء الله عليك نايمه و امي و الباقي يكرفون تحت
نور بخوف : كنت تعبانه و قالوا لي ارتاح و اصلاً هم كثير
بدر بصوت اعلى : لو انهم عشره بتنزلين تساعدينهم مب زوجتي تجلس و تنام و الباقي يكرفون تحت
نور من الصبح متضايقه على سالفه اخوانها و مكتومه و بعد يجي بدر يصارخ تضايقت اكثر و عيونها صارت مليانه دموع و تحاول ما تبكي
بدر هدأ من شاف عيونها الي تلمع و شاف خوفها من رجفتها و صوتها
بدر جلس يمسح على لحيته وده يهدأ و يكلمها
قامت نور تلبس جلالها
مسكها بدر من يدها : لوين
نور بخوف و ببكاء : بنزل اساعدهم
بدر : اجلسي
جلست نور و هي خايفه و جلس بدر جنبها
بدر : شوفي انا ما ودي ازعلك و لا ابكيك عصبت لاني ما ارضى ان امي و اختي و حريم خواني يشتغلون و زوجتي نايمه و انا من الفجر معصب من ذيك السالفه و بعد جت ذي السالفه و كملت و انفجرت
نور الي تناظره بدموع : انا اسفة ، بس حتى انا ما برضى انهم يكرفون و انا اجلس شفتهم كثير و خالتي حلفت علي ارتاح بس انا بعد متضايقه على سالفه اخواني و لا نمت منحرجه منكم
بدر : احد ينحرج من اهله ؟
نور باحراج: لا
بدر : من حقك تتضايقين و تتعبين حتى انا تضايقت و بعدين جيت و عصبت عليك المفروض اسمع منك
نور : من حقك تعصب علي اذا قصرت بشي و انا من يوم علمتني بالسالفه و انا متضايقه و لا نمت و طول الوقت افكر و فوق ذا كله منحرجه منكم
بدر : مافيه داعي تنحرجين كلنا اهلك
نور نزلت راسها باحراج : تسمحلي اليوم اروح لاهلي و اشوف وضعهم
بدر ببتسامه : خلاص اليوم العصر تروحين لهم
نور : طيب
بعد هدوء دام بضع ثواني
بدر : مو تقولين اخوانك غصبوك علي و يهاوشونك كثير
نور : اي
بدر : طيب كيف كذا انتي تبكين كل ما هاوشتك مفروض تكونين اقوى
نور : مدري دايم يهاوشوني هم و حريمهم و تعودت اني بس اصيح
بدر ضمها لصدره و ببتسامه: ما عليك ما في احد بيهاوشك من بعد اليوم الا انا
نور الي بتموت من احراج و توتر ما تكلمت
جت اصايل تدق الباب : بدر ابوي يبيك
نور الي ما صدقت كانه الله جاب لها اصايل
بدر : طيب
بعدت نور عنه و قام
بدر : تبين شي ؟
نور : سلامتك
و طلع بدر و راحت نور للبنات
-
في المجلس
اصايل : ناديته يبه
ابو عبدالعزيز : طيب
دخل بدر : هلا يبه
ابو عبدالعزيز : ابو محمد و عياله و نايف بيجون يتغدون عندنا روح انت و هايف جيبوا الذبيحه
بدر : طيب
راحوا بدر و هايف يشوفون الذبايح و لما رجعوا مع الذبيحه و عطوها مفلح يجهزها و جلس بدر و اخوانه يقهوون الضيوف و يرتبون
-
عند البنات
اصايل : ايه ما عندكم سوالف
نور : لا
لطيفه : بنات انا ما اقدر اتحمل بقول
اختلفت الردود بين البنات : وش ، قولي
لطيفه : انا حامل
صرخوا كلهم بفرح و حماس : مبروووك
ام عبدالعزيز بفرح: مبروك الله يتمم عليك يارب
لطيفه : بس الدكتوره تقول انه الجنين ضعيف و يمكن ينزل و لكذا كنت بسكت لين يثبت اخاف اخيب ظنكم
ام عبدالعزيز : يعني هو الحين ثبت ؟
لطيفه : لا ، بس ادعو لي انه يثبت
اصايل : يا قلبي انتي يارب يثبت حملك و تمسكين ولدك بحضنك يارب
ام عبد العزيز : عسى تمسكينه بحضنك يارب و يرزقكم الذريه الصالحه ان كان فيه خير بيرزقك ربي ان شاء الله
نور ما عرفت وش تقول : امين يارب
اصايل : امين الله يسمع منكم
-
قبل اسبوعين تقريباً
الممرضه : لتيفه ( اعتبروها تنادي هندي 🤣)
توجهوا لطيفه و هايف للدكتوره بعد ماتمت الفحوصات
جلسوا
لطيفه : ها وش فيني
الدكتوره :  بقولك شي مدري اذا هو مفرح او محزن
لطيفه : وش!؟
الدكتورة : انتي حامل بس الجنين مره ضعيف
هايف : وش يعني
الدكتورة : يعني الجنين ضعيف و يمكن يموت و لازم تهتم بصحته و اكلها عشان يثبت حملها
لطيفه : يعني في امل انه يثبت؟
الدكتوره : شوفي هو مب ضعيف مره لكن فيه امل ٦٠ ٪؜ انه يثبت و بوصفلك بعض الادويه الي تساعد الجنين و تقويه
لطيفه : طيب
-
نرجع للواقع
-
العصر بيت محسن
زهور : شفتي نور ذيك والله انها سحبت علينا
احلام : اي الحقيره ذيك خليها تجي و انا بوريها و لا كانها تعرفنا ما زارتنا من تزوجت
زهور : ايه متزوجه ولد خالد اكيد بتسحب هي اصلاً ماعاد تشوفنا شي اخ بس نست جميلنا
احلام : هين بس خليني اشوفها
دخلت نور : السلام عليكم
احلام بنظرات استحقار : و عليكم السلام
زهور بحقد : عليكم السلام على الي ساحبين علينا و لا يعرفونا
احلام : هذي جزاتنا نست جميلنا خليني ساكته بس
نور : وش فيكم ، قبل امس جيت الديره و انشغلت
زهور : اسكتي ولا كلمه قليله ادب المفروض اول ما توصلين تجين تسلمين علينا
احلام : ما عاد تعرفنا اقولك سحبت علينا لكن هين خلي مساعد يجي وهو بيربيك
نور : ياخي توني وصلت ما امداني اجلس حتى
زهور : اسكتي ولا كلمه
نور بقهر و حزن : وين امي
احلام : ما تسمعين تقولك اسكتي
زهور : يعني وش شايفه اكيد انها طالعه عند احد من حريم الديره
احلام : غبيه ....... اقولك تعالي همزيلي رجولي تعبانه من ذا الحمل كسرلي ظهري
نور : وش
احلام : همزيلي رجولي تسمعين و لا اسمعك ؟
نور بدموع : لا ما اسمع و لا بهمز لك و هذا جزاتي جايه اسلم عليكم و اتطمن
قامت زهور و راحت المطبخ من شافت ظل مساعد دخل
دخل مساعد الي يصارخ و يشدها من شعرها
نور ببكاء : مساعد تكفى فكني
مساعد : همزي لها و لا بتشوفين شي ما يعجبك
نور بدموع : خلاص طيب
جلست نور تهمز لها و هي تصيح
جلس محسن : ناسيتنا و لا كان معها اهل
نور ما تكلمت و لا كلمه بس تصيح
مساعد : ما قول الا الله ينتقم منك ناسيه كل الي سويناه معك
احلام : ناكره المعروف
نور مقهورة من كلامهم الي كانهم معيشينها احسن عيشه و هي ما غير تتكفخ و تنهان
نور : انا استأذن جيت اشوف امي و ما لقيتها
مساعد جلس يصارخ : اقولك تعالي
انحاشت نور لين الباب لان بشارع ما يقدر يسوي لها شي
وصلت البيت و هي هم الدنيا كله فوق راسها
دخلت غرفتها لقت بدر نايم بعد التعب الي جاه اليوم من عزبه و زيارات و ضيوف و ذبايح
بدلت نور و انسدحت و جلست تصيح بكتمان و تحاول تخفي شهقاتها مقهورة كيف اخوانها كذا يعاملوها و هي ما سوت لهم شي
قام بدر من نومه و شافها تتحرك كانها تصيح بس عجز يدري هل هي تصيح ولا و كان منصدم ليه رجعت بسرعه
بدر : نور
مسحت نور دموعها بسرعه و بهدوء : هلا
بدر : شفيك رجعتي بسرعه
نور بصوت مهزوز: ما لقيت امي و اخواني
بدر : وشفيك ليه صوتك كذا
نور : لا ابد تعبانه
نور خلاص تحس انها انحرجت من اخوانها و مصايبهم و مو ناقصه مصايب
بدر : لفي علي
نور : ابغى انام
بدر : طيب لفي علي و بعدها نامي
لفت نور و هي تبعد شعرها عن وجهها
بدر بصدمه : كنتي تصيحين ؟
نور بدموع : بدر تكفى الي فيني مكفيني مو ناقصه مشاكل بعد خلاص والله تعبت
بدر : طيب وشفيك
نور : ولا شي
بدر : اخوانك سو لك شي ؟
اول ما سمعت كلام بدرعالطول نزلوا دموعها بدون توقف
انصدم بدر من صياحها القوي كانها كانت تكتم بقلبها كثير و انفجرت اليوم
بدر : اهدي اهدي تعالي
ضمها لصدره : لا تصيحين و ما بيمر اليوم على خير
نور و هي تصيح : بدر تكفى مو ناقصه مشاكل
بدر : طيب انتي بس اهدي والله محد يستاهل دموعك تنزل عشانه
بدر جلس يمسح على شعرها و نور تحاول تهدء
نور حاولت تقوم لكن بدر جالس يشدها اكثر
بدر : كيف هديتي ؟
نور : اي ...  بقوم اغسل وجهي
قامت نور تغسل
و رجعت جلست
بدر : وش الي خلاك تصيحين كذا ؟
نور : لا بس من الصبح و انا كاتمه نفسي و انفجرت
بدر : نور ترا انا مو غبي قولي
نور بترجي : بدر تكفى ما ودي تصير مشاكل
بدر : على ما اعتقد انك زوجتي و بذمتي و اي احد يسوي لك شي انا موجود و لا بسكت له و الحين بتقولين و لا اروح لهم
نور علمته بسالفه و هي تدمع و بدر ما قدر يتحمل كيف يرفع يده على زوجته حتى لو انه اخوها
بدر بعصبيه قويه : كيففف يمد يده عليك
نور بخوف من عصبيته : بدر اصلاً انا تعودت عادي مافي داعي للمشاكل
بدر قام و لبس و نور تحاول توقفه و هو ابد مو راضي
بدر بعصبيه و هو يناظرها بحده اربكتها : بتبعدين عن طريقي و لا بيجي دورك
ابتعدت نور بخوف