في مجلس الحريم
عند نور اللي ما صدقت اصايل تجي و ضربتها من قلبببها لانها كانت تضحك عليها هي وبدر وصرخت اصايل
ام عبدالعزيز : وجع انتي شفيكك
نور ببردة قلب: احترقت من القهوه
اصايل : ترا توجعع
نور : تستاهلين
اصايل مدت يدها وهي تقبص تور بقوه
وانحاشت ونور تنظار يدها بصدمه: حسبي لله عليك
اصايل : عشان تتوتبين
نور : والله مخليك اصبري
-
بعد العشاء في بيت ابو عبدالعزيز
بدر ما كان وده يرجع للفندق بس خلاص ركبوا بعد ما ودعوهم واتجهوا للفندق صح الطريق ما كان طويل بس صمته يطوله ونتيجة هالصمت نامت نور اللي ماصحت الا على صوت بدر :نور قومي وصلنا نامي فوق
نور تفشلت وصحت
دخل بدر ونور اللي راحت تبدل وهي ما تبي النومه تطير اما بدر اللي كان هادي لكن متأزم من كيف يتعامل مع نور وقف وهو يبدل ملابسه واخذ ثوبه يعلقه ويرتب شماغه وبعدها انسدح وطلعت نور اللي احتارت كيف تنام وخافت
بدر : تعالي نامي تعبتي من نومة الطريق
نور قربت ودخلت بالسرير وهي قد ما تقدر تكون بعيد لف بدر بيقوم يسكر اللمبات بس رجع لما لفت انتباهه شي
ورجعت نور ورا بخوف اول ما رجع لها بسرعه: وش فيه
بدر تفشل: بسم لله عليك ، لا تخافين بس وش ذا اللي بيدك من ضربك !؟
نور ناظرت يدها بخوف وشافت قبصت اصايل وحطت يدها عليها وهي تبي تفتك: محد بس امزح انا و اصايل
بدر : هذا مزح
نور لا شعوريا: ماتعرف اصايل الخايسه
ابتسم بدر : انا اللي اعرفها،توجعتس !؟
نور : لا اصلا مادريت عنها
بدر راح يسكر النور ورجع وانسدح و نام
و نور ماكانت مره مرتاحه بس كانت مجبوره تنام من التعب
-
في بيت ابو عبدالعزيز
سعود اللي شاف ان الكل بالبيت نايم طلع فوق البيت وجلس وده لو يشوف ذيك البنت وده لو يدري من بنته
انسدح وهو يراقب القمر و لابس فروته و قال :
الله ع وجه خذا قلبي و عقلي من حـلاه
وجه السعد جعله فدا كل الظنون الخايبه
وجهً مثل ضي القمر لامن تبين في مسـاه
انشهد ان روحي ليـا شفته بخير و طايبه
هذا وضع سعود لين ما سمع صوت ابوه يأذن الفجر وونزل وهو يتوضى ويصحي اخوانه
-
في الفندق
عند بدر اللي صحى من بدري وهو متعود يصحى وكان يفضل انه يجلس شوي بلحاله بدون ضغط المشاعر
قطع عليه اتصال عبدالعزيز
بدر : عبدالعزيز هلا
عبدالعزيز : صباح الخير ازعجتك
بدو :لا كنت صاحي اصلا وش عندك تتصل من بدري مب عوايدك
عبدالعزيز : ابد بتطمن على احوالك
بدر : قصدك تحقق معي
عبدالعزيز ضحك: لا يا رجال بس بشوف وضعك
بدر : والله سالفه صارت
عبدالعزيز: وش صار
بدر : ابد طلع ان اخوان نور غاصبينها علي
عبدالعزيز: كيف كذا ما قالوا موافقه !
بدو : ابد قاصين علينا والله ودي اذبحهم
عبدالعزيز : طيب قلي من البدايه كيف
علمه بدر بسالفه
عبدالعزيز مسك راسه : والله انهم كلاب
بدر : اسكت اسكت يوم جينا امس كان ودي اذبحهم مو طايقهم
عبدالعزيز : طيب لا تقولي بتخلي شهر العسل يمر كذا
بدر : شسوي اخذ البنت و هي مغصوبه علي
عبدالعزيز : حتى ولو يعني انت بتطلقها !؟
بدر : لا ما بطلق
عبدالعزيز : طيب عادي تتعرفون على بعض و لازم تطلع البنت و تمشيها و يمكن يميل قلبها
بدر : ابشر
عبدالعزيز : يلا مع السلامه
سكر عبدالعزيز اللي شايل هم بدر الي كان متضايق امس و عرف السالفه منه الحين
نور بعد ما ترتبت : صباح الخير
ابتسم بدر : صبحك الله بالرضا والسرور
نور يوجعها قلبها من لطافته في الكلام
بدر : تعالي الفطور بيوصل الحين
جلست نور وهي تهز رجلها بتوتر وصل الفطور وهم هادين وفي لحظه قال بدر : وين ودك تروحين بشهر العسل
نور : اللي تبيه انت
بدر : خليني انا اسالك انتي
نور : والله ما يفرق اي مكان عادي اللي تبيه
ابتسم بدر : طيب نبدا برضا الله و نروح مكه !
نور : طيب
بدر : يلا اجهزي
نور :الحين
بدر: لا الحين افطري واجهزي بعدها
وقف بدر يجهز وترك نور الي دخلت تتجهز
-
في الديرة
بعد هالاحداث المفرحه صار الوقت ان كل واحد يرجع لبيته عبدالعزيز و سعود الكل رجع
وابو عبدالعزيز اللي جالس بالصاله وهو يشوف بس هايف جالس بعد ماكان البيت مزدحم
عند ام عبدالعزيز
لطيفه : يالله البيت صاير مره هادي
ام عبدالعزيز: كان فيه حس بالبيت و اصوات العيال و الاطفال
لطيفه : اي والله بنشتاق لهم كثير
ام عبدالعزيز : عسى الله يحفظهم
لطيفه : امين
قاطعهم دخول هايف
ام عبدالعزيز : هلا وش تبي
هايف : يمه ابوي منتظر يقول متى تخلص القهوة و الشاي
لطيفه : ابد هذا هي خذها
هايف ابتسم : انتي مسويتها
لطيفه : لا خالتي الله يحفظها
هايف : اها افكر انتي كان بتكون مليانه سكر
راح هايف لابوه و معاه القهوة و الشاي
لطيفه جلست مع ام عبدالعزيزو ما فهمت وش يقصد
-
في الرياض
عند سعود بعد ما طلع من دوامه راح للبيت واول ما فتح الباب واجهه صالح اللي نزل كل شي بيده وهو يرحب فيه: هلا هلا منور
سعود : هلا يا صالح
صالح: متى جيت
سعود: الصبح وداومت ووجيت ، وين العيال
صالح : كلهم عند محمد وتوني بروح انت وش بلاك كأنك ضايق
سعود : بيني وبينك يا صالح اي والله ضايق
صالح : افا وش فيك
سعود : لازم احصل اي طريقه عشان اعرف مين الي شفتها ياخي اخاف تضيع و تروح
صالح: ياخي وش ذا الحب الي من نظره
سعود: يمكن بدوا الناس يخطبون واخاف تعرس
صالح : وش بتسوي طيب
هايف: مدري يا صالح دار مخي وانا ادور حل
صالح : اسأل اختك عنها
سعود: وين هالفكره عني من زمان !! خبل انت اروح لاختي اسئلها وش اقول
صالح : والله شفتها بالغلط يعني
سعود: ياخي صعب
صالح: قم قم بيسهلها ربي
سعود : يالله يارب
-
في الطريق
عند بدر اللي بعد ما تجهز وجهزت نور نزلوا وهم ماسكين الطريق متجهين لمكه و بدر اللي طول الوقت يدق على امه وابوه ويبلغهم انه رايح و نور بعد
و نور اللي تسرق النظر بخفيه له وهي ودها تفتح عقله وتشوف وش يفكر فيه
واخيرا مد بدر وهو يفتح المسجل
بدر اللي لف يناظر نور بهدوء ورجع يناظر الطريق
نور رغم انها ماعندها اي شي تسويه الا انها تحس انه ودها تجلس بس تناظر فيه ودها تحلله ودها تعرف وش يحس بعد قالت له
-
في بيت محمد
دخلوا سعود و صالح وقفوا الكل يستقبلونهم والكل يسولف ويضحك
ولف محمد: سعود علامك
سعود : ابد ولا شي
محمد : علينا !!
مقبل :انا اشوفك ضايق
سعود : اخاف تطقطقون علي
محمد : لا ما بنطقطق تكلم
سعود علمهم بالسالفه
مقبل ضحك : اجل بنجمع كل الي اسمهم نايف و نحقق معهم
سعود : شوفوا ما قلت لكم
مطلق : كلم اختك ياخي
سعود : وش الي اكلم اختي وش اقولها
محمد : والله هذا الحل الوحيد يعني شبتسوي
مقبل : بيلف بيت بيت فيه رجال اسمه نايف
سعود : شوف قسم بالله انفجر فيك
مقبل : خلاص خلاص مزحنا شوي
مطلق : والله مافي حل الا تكلم اختك
( كلهم اصحاب سعود بالسكن من توظف و صداقه ٦ سنين )
-
