" လင်းနို့မိစ္ဆာလား..."
ချူးယွီက ကြိုးမှကိုင်ပြီး လွေ့အာကိုထုတ်လိုက်ကာ နှာခေါင်းရှုံ့လိုက်သည်။
" တကယ်ကို သူ့ဆီက သွေးနံ့ရနေတာပဲ... Dutchman’s Pipeပန်းနဲ့ ကွိုင်းငါးရဲ့အနံ့တောင် နည်းနည်းရသေးတယ်... သူက အဲဒီယောင်ကျင့်ကြံသူနှစ်ယောက်ကို သွေးစုပ်ထားတာပဲ..."
ဖူလီက စကားမပြောမီ စဉ်းစားနေသည်။
" နိုင်ငံခြားမိစ္ဆာတွေက အရှေ့တိုင်းဘာသာစကားကို ကျွမ်းကျွမ်းကျင်ကျင်ပြောနိုင်တာလား..."
" မပြောနိုင်ပါဘူး..."
ကျွမ်းချင်က ချူးယွီကို လက်ညှိုးထိုးလိုက်သည်။
" အဲ့လောက် ရွံစရာကောင်းတာကြီးကို ခပ်ဝေးဝေးမှာ ထားလိုက်..."
ချူးယွီက တံခါးနားကို ခြေလှမ်းအနည်းငယ်ခန့် တိုးသွားသည်။ ထိုအခါမှသာ ဖူလီကိုင်ထားသော လက်ဖက်ရည်ခွက်က မူလနေရာသို့ ပြန်ရောက်သွားသည်။ ကျွမ်းချင်က သူ့နားရောက်လာပြီး ခုံတစ်လုံးဆွဲ၍ ထိုင်လိုက်သည်။
" မင်း သူ့ကိုဖမ်းမိတာ ကံကောင်းသွားတာပဲ... မဟုတ်ရင် တခြားလူတွေလည်း စိတ်အေးလက်အေး နေနိုင်မှာမဟုတ်ဘူး..."
" ဒီကိစ္စကတော့ တကယ့်ကို တိုက်ဆိုင်သွားတာ... တကယ်လို့ ခရုစုပ်ငှက်သာ သူ့ပိုက်ဆံအိတ်ကို ပြုတ်မကျခဲ့ဘူးဆိုရင် သူ့ပိုက်ဆံအိတ် ပြန်ပေးဖို့ ငါလည်း နောက်က လိုက်လာမိမှာ မဟုတ်ဘူး... အဲဒါဆိုရင် ဒီလင်းနို့မိစ္ဆာကိုပါ ဖမ်းမိတော့မှာ မဟုတ်ဘူး..."
ထိုအခါမှသာ ဖူလီက ခရုစုပ်ငှက်၏ပိုက်ဆံအိတ်က သူ့ထံတွင် ရှိနေသေးကြောင်း သတိရသွားသည်။ ပိုက်ဆံအိတ်ကိုထုတ်ပြီး ဘေးနားကိုကြည့်လိုက်သည့်အခါ ထောင့်နားတွင်ရပ်နေသည့် ခရုစုပ်ငှက်ကို မြင်လိုက်ရသည်။
" မင်းရဲ့ပိုက်ဆံအိတ် ဒီမှာနော် တစ်ခုခုပျောက်နေလား ရှာကြည့်ပါဦး..."
" ဘာ ဘာမှမပျောက်ပါဘူး..."
ခရုစုပ်ငှက်က အနားကို တစ်လှမ်းချင်းကပ်လာပြီး ပိုက်ဆံအိတ်ကိုလှမ်းယူလိုက်သည်။ သူ့အတွက်မူ ကျွမ်းချင်နှင့် တစ်မီလီမီတာခန့် ပိုဝေးလေ ထွက်ပြေးနိုင်ရန် အခွင့်အရေးပိုများလေဖြစ်သည်။ ပိုက်ဆံအိတ်ကို သူ့အိတ်ကပ်ထဲ ထည့်လိုက်ပြီးသည့်နောက်တွင် ကျေးဇူးတင်စကားပြောပြီး ကတိုက်ကရိုက်ပြေးထွက်သွားသည်။
ESTÁ A LER
မျိုးကွဲများနှင့်ယှဥ်တွဲနေထိုင်ခြင်း
Ficção geral💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...
မျိုးကွဲများနှင့်ယှဥ်တွဲနေထိုင်ခြင်း
Começar do início
