منقذي سبايا داعش ( الجزء الاول والثاني )

بارت ٩ الجزء الثاني

- زوجج وينو

- ريما زوجي يرجع من الدوام اغيد راحه لو اقعد انق على غاسو محد يتحمل همنا كل ويحد الي بينو مكفينو ، الشكوى لغير رب العالمين مذلي..

-زين ماعندج احد ؟ جيران ليش متجيلي

-ماعندي وانا مااجي عدكي اقول الي بيها مكفيها انا وانتي نفس الجغح بس انا وضعي يختلف انا اتعبتو اكثغ لا ليلي ليل ولا نهاغي نهاغ

ذبت نفس وكالت :-بالامام كنتو اقضي وقتي كثيغ بس هسع محبوسي بالبيت واولادي يحبوني بس يوصلولي حكي ماما افلان عيحكي كثيغ وناس تكرهني ويحشدون زوجي ويحشون بغاسو ويجي يسالني واقلو

- شنو يسألون ؟؟ شنو يكلج ،؟؟
-مااعغف بس يجي يسآلني متنك ومحمل علي

تنفست والغصه ببلعوها:- الكتمان والضيق ماعدطيقو
-:- جوجو
- ها ريما
- كملي لتكتمين
- اجاوبو وانا تعباني اتصوري من اغوح عزيميلو مناسبه مايبطلون اسآله وانا لهجتي من اغيرا لسيني يثقل صغتو احكي مثلم بالقوه بس حتى محد يسآلني انتي من ويصب او منين

-مرض اليمرضهم هههههه لتستغربين يولي اني خواتي يسموني مرت الشيشاني والافغاني
خواتي بعد شتردين من الغربه والله الغريب ارحم ع اقل يحجي ويروح بس المنج وبيج من لحمج ودمج ياكل بيج

-اه ريما اه
- بس عجل ليش يولي واذا عرفو من الموصل

- اكو ناس همجيه متخلفه متخاف من الله تتذكرين حرب من كال ديرة بالكم من المجتمع اذا طلعتو من حرب تفوتون بحرب المجتمع ؟

- اي
- اني دااعاني منو ، اه ريمه ، شنو تحجي شنو اخلي .. مو نحن عراقيين ؟ مو نحن انطينا دم لجل اعراضنا ليش اهل الموصل مراحو منهم ضحايا ؟

اطفال ونسوان صارت تتذابح بالشوارع ليش محد كال اهل الموصل انطو دم ، الي سلم حالو الداعش اكو البيهم مجبور واكو برجلة راح ، ليش الناس تعمم ليش ديحسسونا نحن الي فوتناهم الكاعنا

مثل ما اكو خير اكو شر يعني سهله من بيتج يصير مقبره وريحة الدم بي ؟ سهله من نايمه ويفوت عليج داعش يكتل اهلج
شنو ذنبنا نتحمل ذنب غيرنا

شباب وضباط ذبو اسلحتهم وشردو ! العوائل والي عدهم اطفال ونسوان ميشردون ؟ ليش من اني كاعدة بنص عيالي مرت حمايه تكولي انتي نازحه من داعش لو نازحه من الاهالي وتضحك !!

-اني اختي حجت ويايه كتلتها ههههههه
- اووف ..ميعرفون الحرب غير الظاهر اكو حروب بداخل كل موصلي لليوم ديعاني منها

- يعني بالحرب هم جان اكو سكان ساكنين الموصل وداعش فوك راسهم ؟؟
-اهل الموصل اكثريتهم ماطاقو يتركون الموصل وين يغوحون واغلبهم من الطبقه الوسطى كسبه على قد حالم واذا طلعو لدهوك او اربيل يكدون بالشوارع ينغاد اقل شي دخلم ٣ ملايين واكثغ ايجار الشقه ٥٠٠ دولار