حلقه ٢٢
ﻓﺘﺤﺖ ﻋﻴﻨﻲ ﻣﻐﻮﺷﻪ ﺣﺴﻴﺖ ﻧﻔﺴﻲ ﺑﺎﻟﺴﻴﺎﺭﻩ ﺭﺟﻌﺖ ﻏﻤﻀﺖ ﻋﻴﻨﻲ ﺻﻮﺭﺓ ﺣﺮﺏ .. ﻫﺎﺟﺮ .. ﻭﺭﻣﺢ ﺻﻮﺭﻩ ﻭﺭﻩ ﺻﻮﺭﻩ ﺗﺠﻲ ﺑﺮﺍﺳﻲ ﺩﺧﺖ
ﻭﺍﻧﺴﻄﺮﺕ ﺿﺠﻪ ﺑﺮﺍﺳﻲ ﺻﺮﻳﺦ ﻭﺍﻧﻔﺠﺎﺭﺍﺕ ﺻﻮﺗﻲ ﻣﻦ ﺍﺻﺮﺥ ﻭﺻﻮﺕ ﺭﻣﺢ ﺻﻮﺕ ﻫﺎﺟﺮ ﻭﻣﻨﻈﺮﻫﺎ ﺻﻮﺭ ﻫﻮﺍﻱ ﻣﺮﺕ ﺑﺒﺎﻟﻲ ﺻﺮﺕ
ﺑﺪﻭﺍﻣﻪ ﺣﺴﻴﺖ ﻧﻔﺴﻲ ﻛﺎﻣﺖ ﺗﻠﻌﺐ ﺣﺴﻴﺖ ﻋﻠﻰ ﻧﻔﺴﻲ ﻭﺍﻧﻲ ﺍﺳﺘﻔﺮﻍ ﻭﺍﺣﺪ ﻣﻨﻬﻢ ﺻﺎﺡ
ﺷﺒﺎﺍﺍﺏ ﻛﻌﺪﺕ ﻟﺒﻨﻴﻪ ﺍﻟﺤﻤﺪﺍﻟﻠﻪ ﻛﻮﻟﻲ ﻳﺎﻟﻠﻪ ﺧﻮﻳﻪ ﺫﺑﻲ ﺍﻟﺪﻡ ﺧﻮﻳﻪ ﻭﻳﻄﺒﻄﺐ ﻋﻠﻰ ﻇﻬﺮﻱ ﺍﻧﺘﻬﻴﻴﺖ
ﺍﻧﻲ ﻭﻳﻦ
ﺑﺎﻟﺴﻴﺎﺭﻩ ﻃﺎﻟﻌﻴﻦ ﺑﻴﺞ ﻟﻠﻤﺴﺘﺸﻔﻰ
ﻭﻫﺎﺟﺮ ﻭﺭﻣﺢ ﻋﻔﻴﻪ ﺗﻨﻔﺴﺖ ﺑﺼﻌﻮﺑﻪ ﺭﺍﺳﻲ ﻣﻠﻔﻮﻑ ﻭﻭﺟﻬﻲ ﻣﺘﺸﻨﺞ ﻭﺑﻠﻌﻮﻣﻲ ﻳﺸﺨﻂ ﻋﺒﺎﻟﻚ ﻣﺘﺠﺮﺡ
ﺩﻧﻚ ﺍﻟﻮﻟﺪ ﻭﻛﺎﻝ -: ﺧﻮﻳﻪ ﺍﺭﺗﺎﺣﻲ ﺑﻌﺪﻳﻦ ﻧﻔﺘﻬﻢ ﻻﻥ ﺣﺎﻟﻨﺎ ﺣﺎﻟﺞ
ﻭﻳﻦ ﺗﻮﺩﻭﻧﻲ
ﻃﺎﻟﻌﻴﻦ ﺑﻴﺞ ﺍﻟﺒﻐﺪﺍﺩ ﺷﻮﻱ ﻭﻧﻮﺻﻞ ﺧﻮﻓﺘﻴﻨﻪ ﻋﻠﻴﺞ
ﺭﺟﻌﺖ ﻧﻤﺖ ﻭﺩﻣﻮﻋﻲ ﺟﺮﺕ ﺗﻌﺒﺖ ﻳﺎﺭﺑﻲ ﺑﺎﻭﻋﺖ ﻟﻠﻮﻟﺪ
ﺍﺑﻮ ﺫﻳﺒﻪ ﻭﻳﻦ ؟
ﻛﺢ ﻭﺑﺎﻭﻋﻠﻲ
ﻧﺎﻣﻲ ﺧﻮﻳﻪ ﻫﺴﻪ ﻧﻮﺻﻞ ﺗﻌﺮﻓﻴﻦ ﻋﻨﻮﺍﻥ ﺍﻫﻠﺞ ﺭﻗﻤﻬﻢ ﺷﻲ ﺣﺘﻪ ﻧﺨﺎﺑﺮﻫﻢ
ﻫﺰﻳﺖ ﺭﺍﺳﻲ ﻭﺍﻧﻄﻴﺘﻪ ﺍﻟﻌﻨﻮﺍﻥ ﻭﺭﺟﻌﺖ ﺣﻄﻴﺖ ﺭﺍﺳﻲ ﻉ ﺍﻟﻜﺸﻦ ﻭﺍﺑﺠﻲ ﻭﺍﺗﺬﻛﺮ ﻛﻞ ﻟﺤﻈﻪ ﻣﺮﻳﺖ ﺑﻴﻬﺎ ﻛﻞ ﺩﻣﻌﻪ ﻛﻞ ﺟﺮﺡ ﻛﻞ ﺻﺮﺧﻪ ﻭﺍﻛﻮﻝ ﺍﻟﻨﻔﺴﻲ
ﺷﻠﻮﻥ ﺭﺍﺡ ﺗﻨﺴﻴﻦ ؟
ﺷﻠﻮﻥ ﺭﺍﺡ ﺗﻜﻤﻠﻴﻦ ﺣﻴﺎﺗﺞ ؟
ﺍﺣﺘﻤﺎﻝ ﺗﺘﺨﺒﻠﻴﻦ ؟ ﻭﺍﻟﻤﻦ ﺗﺴﻮﻟﻔﻴﻦ ﻣﻨﻮ ﺭﺍﺡ ﻳﺼﺪﻛﺞ ؟
ﻣﻌﻘﻮﻟﻪ ﺣﺮﺏ ﻭﺗﺎﻟﻲ ﺭﻣﺢ ؟؟
ﺷﻠﻮﻥ ﺭﺍﺡ ﺗﻨﺴﻴﻦ ﺭﻳﺎﻡ ﺷﻠﻮﻭﻭﻥ ؟؟
ﺻﺎﺡ ﺍﻟﻮﻟﺪ ﻭﻓﺰﻳﺖ ﻣﻦ ﺗﻔﻜﻴﺮﻱ .. ﻫﺎ ﻋﻠﻲ .. ﻭﺳﺠﺎﺩ ﺷﻠﻮﻧﻪ ﻭﺿﻌﻪ .. ﻻ ﻳﺎﻟﻠﻪ ﺍﺧﺨﺨﺨﺦ ﺷﻠﻮﻥ ﺯﻟﻤﻪ ﺍﺳﺘﻐﻔﺮﺍﻟﻠﻪ ﺍﻟﻠﻪ ﻭﻋﻠﻲ ﻫﺪﻳﺖ ﺣﻴﻠﻲ
ﺑﺎﻭﻋﺖ ﻋﻠﻴﻪ
ﺷﻨﻮﻭ
ﺑﺎﻭﻋﻠﻲ ﻭﺣﺠﻪ ﻭﻳﻪ ﺍﻟﻲ ﻭﻳﺎﻩ .. ﺣﺴﻴﻦ ﺳﺠﺎﺩ ﺍﺑﻮ ﻋﻠﻲ ﺑﺎﻻﻧﻌﺎﺵ ﻭﻳﻜﻠﻚ ﺣﺎﻟﺘﻪ ﺧﻄﺮﻩ
ﺍﻟﺴﺎﻳﻖ ﺳﺮﻉ ﺍﻟﺴﻴﺎﺭﻩ ﻭﺿﻞ ﻳﺴﻮﻕ ﺳﺮﻳﻊ
ﻣﺸﺖ ﺑﻴﻨﺎ ﺍﻟﺴﻴﺎﺭﻩ ﻗﺮﻳﺖ ﻟﻮﺣﻪ .. ( ﺑﻐﺪﺍﺩ ﺗﺮﺣﺐ ﺑﻜﻢ ) ﻧﺰﻟﺖ ﺩﻣﻮﻋﻲ ﻭﺍﻧﻲ ﺍﺣﺒﺲ ﺍﻧﻔﺎﺳﻲ ﻣﺎﺭﻳﺪ ﻫﻮﻯ ﺑﻐﺪﺍﺩ ﻳﻄﻠﻊ ﻣﻦ ﺭﻳﺘﻲ
ﺍﻧﻲ ﺑﺤﻠﻢ ﻟﻮ ﻋﻠﻢ ﻳﺎﺭﺑﻲ ﻣﻌﻘﻮﻟﻪ ﺧﻠﺼﺖ؟
ﺑﺠﻴﺖ ﺑﻘﻬﺮ ﺣﺠﻪ ﺍﻟﻮﻟﺪ ﻭﻳﺎﻱ ... ﻫﺎﻧﺖ ﺧﻮﻳﻪ ﺧﻠﺼﺘﻮ ﺍﻟﺤﻤﺪﺍﻟﻠﻪ ﻋﻠﻰ ﺳﻼﻣﺘﻜﻢ
ﻭﺭﻣﺢ ﺍﺑﻮ ﺫﻳﺒﻪ ﺍﺗﺮﺟﺎﻙ ﺧﻮ ﻣﺎﺳﺘﺸﻬﺪ ﻋﻔﻴﻪ
ﻫﺰ ﺭﺍﺳﻪ ﻭﺩﺍﺭ ﻭﺟﻬﻪ
ﺩﺭﺕ ﻭﺟﻬﻲ ﻟﻴﺶ ﻣﺎﻳﺤﺠﻲ ﻣﻮ ﻣﺮﺩﻫﺎ ﺍﻟﺮﻭﺣﻲ
ﺷﻜﺪ ﻣﺸﺖ ﺑﻴﻨﻪ ﺍﻟﺴﻴﺎﺭﻩ ﺑﺲ ﺗﻐﻔﻪ ﻋﻴﻨﻲ ﺍﻓﺰ ﺑﺮﻋﺐ ﻭﺩﻣﻮﻋﻲ ﺗﻨﺰﻝ ﻭﺭﺍﻫﺎ ﻣﺎﻧﻤﺖ ﺑﻌﺪ ﻟﺤﺪ ﻣﺎﺩﺧﻠﻨﺎ ﺷﻮﺍﺭﻉ ﺑﻐﺪﺍﺩ ﺑﻘﻴﺖ ﻋﻴﻨﻲ ﻋﻠﻰ ﺍﻟﺸﻮﺍﺭﻉ ﻭﺍﺗﻨﻔﺲ ﻫﻮﺍﻫﺎ ﺭﺩﺗﻠﻲ ﺭﻭﺣﻲ
ﻣﺎﺑﻘﺖ ﻟﻮﺣﻪ ﻣﺎﻗﺮﻳﺘﻬﺎ ﻣﺎﺑﻘﻪ ﺍﻋﻼﻥ ﻭﻣﺤﻞ ﻣﺎﻗﺮﻳﺖ ﺍﺳﻤﻪ ﻣﺜﻞ ﺍﻟﻲ ﺍﺭﻳﺪ ﻣﺎﺍﻓﺎﺭﻛﻬﺎ ﺩﻣﻮﻋﻲ ﻣﺎﺑﻄﻠﺖ ﻧﻮﺡ ﻭﺑﺠﻲ ﺷﻜﺪ ﺍﺗﺎﻟﻤﺖ ...
ﻳﺤﺠﻮﻥ ﻭﺍﻧﻲ ﺑﺎﻟﻲ ﻣﻮ ﻳﻤﻬﻢ ﻟﺤﺪ ﻣﺎﻭﺍﺣﺪ ﻛﺎﻝ ..
ﺍﺑﻮ ﺫﻳﺒﻪ ﺯﻟﻤﻪ ﻫﺬﺍ ﻟﻮ ﺟﺒﺖ ﺍﺳﻤﻪ ﻻﺯﻡ ﺗﻮﻛﻔﻠﻪ ﺍﺣﺘﺮﺍﻡ
ﺟﺎﻭﺑﻪ -: ﺗﺮﺑﻴﺔ ﺍﺑﻮ ﺭﺍﺋﺪ ﺑﻌﺪ
ﺑﺎﻭﻋﺖ ﻟﻠﻮﻟﺪ
ﺧﻮﻳﻪ ﻋﻔﻴﻪ ﺭﻣﺢ ﺯﻳﻦ ﻋﻔﻴﻪ ﻛﻠﻲ
ﺧﻮﻳﻪ ﻣﺎﻧﺪﺭﻱ ﻭﻋﻠﻲ ﻻﻥ ﺍﻻﻧﻔﺠﺎﺭ ﺟﺎﻥ ﻛﻠﺶ ﻗﻮﻱ ﺍﻟﺒﻴﺖ ﺟﺎﻥ ﺑﻲ ﺍﺳﻠﺤﺔ ﻭﺷﻀﺎﻳﺎ ﻛﺘﻠﺖ 5 ﻣﻦ ﻭﻟﺪﻧﺎ ﻭﺍﻟﺒﺎﻗﻴﻦ ﺟﺮﺣﻰ ﻣﺎﻧﺪﺭﻱ ﺑﻴﻬﻢ ﻫﺴﻪ
ﻧﻮﺻﻞ ﻭﻧﺸﻮﻑ ﻫﺴﻪ ﺍﻧﺎ ﺧﺎﺑﺮﺕ ﻳﺒﻠﻐﻮﻥ ﺍﻫﻠﺞ ﻭﻫﺴﻪ ﺭﺍﺡ ﻳﻠﺤﻜﻮﻧﻪ ﻟﻠﻤﺴﺘﺸﻔﻰ
ﺳﻜﺘﺖ ﻭﺩﺭﺕ ﻭﺟﻬﻲ ﻭﻛﻠﺒﻲ ﺻﺎﺭ ﻳﻨﺒﺾ ﺑﻘﻮﻩ ﻣﻦ ﻛﺎﻝ ﺍﻫﻠﺞ ﻣﻴﺔ ﺍﻟﻒ ﺷﻐﻠﻪ ﺑﺮﺍﺳﻲ ﻓﺮﺣﺖ ﺷﻮﻱ ﺷﻠﻮﻥ ﺭﺍﺡ ﻳﺸﻮﻓﻮﻧﻲ
ﻭﺟﺴﻤﻲ ﺭﺟﻊ ﻳﺮﺟﻒ
ﻭﺻﻠﻨﺎ ﻟﻠﻤﺴﺘﺸﻔﻰ ﻭﻛﻔﺖ ﺍﻟﺴﻴﺎﺭﻩ ﻭﺻﺎﺡ ﺍﻟﻮﻟﺪ
ﺳﺪﺩﻳﻪ ﺑﺴﺮﻋﻪ
ﺑﺎﻭﻋﺘﻠﻪ ﺍﺭﻳﺪ ﺍﻟﺰﻡ ﻛﻠﺒﻲ ﻭﺍﺭﻳﺪ ﺍﻭﻛﻒ ﻣﺎﺍﻛﺪﺭ ﺟﺴﻤﻲ ﻳﺮﺟﻒ ﻭﻛﻠﺒﻲ ﻳﺮﺟﻒ ﺑﺎﺩﺕ ﺭﺟﻠﻲ ﻭﺿﻠﻴﺖ ﺍﻃﻚ ﺳﻦ ﺑﺴﻦ ﻭﺩﻣﻮﻋﻲ ﺗﺠﺮﻱ ﻛﻌﺪﺕ
ﻉ ﺍﻟﺴﺪﻳﻪ ﻣﺎﺟﺎﻥ ﺍﻛﻮ ﺍﺣﺪ ﺍﻟﻪ ﺟﻢ ﻭﺍﺣﺪ ﺭﻛﻀﻮ ﺍﻻﻃﺒﺎﺀ ﺑﻴﻪ ﻭﺩﺧﻠﻮﻧﻲ ﺍﻟﻐﺮﻓﻪ ﻭﺻﺎﺭﻭ ﻳﻌﺎﻟﺠﻮﻥ ﺑﻴﻪ ﻫﺬﺍ ﺍﻟﻲ ﻳﺨﻴﻂ ﻭﻫﺬﺍ ﺍﻟﻴﻤﺴﺢ ﻭﺟﻬﻲ
ﻣﻦ ﺍﻟﺪﺧﺎﻥ ﻭﺍﻟﺘﺮﺍﺏ ﻭﺍﻟﺪﻡ ﻭﻫﺬﺍ ﺍﻟﻲ ﻳﺤﺠﻲ ﻭﻳﺼﻴﺢ ﻭﻫﺬﺍ ﺍﻟﻲ ﻳﻌﻘﻢ
ﻭﺍﻧﻲ ﻋﻴﻨﻲ ﻉ ﺍﻟﺒﺎﺏ ﻫﺴﻪ ﻳﺠﻮﻥ .. ﻫﺴﻪ ﻳﺠﻮﻥ
ﺩﻧﻜﺖ ﻭﺍﻧﻲ ﺍﺳﻤﻊ ﺻﻮﺕ ﻓﺰﺯ ﻛﻠﺸﻲ ﺑﺮﻭﺣﻲ
ﺭﺭﺭﺭﺭﺭﺭﺭﺭﻳﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻡ ﺭﻳﺎﺍﺍﺍﺍﺍﺍﺍﺍﺍﺍﺍﻡ ﺧﻮﻭﻭﻭﻭﻭﻭﻳﻪ ﻭﻭﻭﻳﻨﺞ
ﺩﻓﻌﺖ ﺍﻟﻄﺒﻴﺐ ﻭﻃﻠﻌﺖ ﺭﻛﺾ ﻭﻳﺮﻛﻀﻮﻥ ﻭﺭﺍﻱ ﻭﻛﻔﺖ ﻭﺟﺎﻥ ﺍﺷﻮﻑ ﺳﻠﻴﻤﺎﻥ ﻭﺍﺑﻮﻳﻪ ﻭﺍﻣﻲ ﺍﻟﻲ ﻭﻛﻌﺖ ﻣﻦ ﻃﻮﻟﻬﺎ ﻭﻭﻛﻌﺖ ﻣﻦ ﻃﻮﻟﻲ ﻣﺎﺣﺴﻴﺖ ﻏﻴﺮ ﺍﻧﻲ ﺑﺤﻀﻦ ﺍﺑﻮﻳﻪ ﻭﻳﺼﺮﺥ ﻭﻳﻨﺤﺐ ﻭﻻﺯﻣﻨﻲ ﻋﺎﺻﺮﻧﻲ ﻋﺼﺮ
ﺻﺤﺖ ﺑﺎﺍﺍﺍﺑﺎﺍﺍ ﻫﺬﺍﺍﺍ ﺍﻧﺘﻪ ﺫﺑﻴﺖ ﺭﻭﺣﻲ ﻋﻠﻰ ﺻﺪﺭﻩ
ﺷﻬﻚ ﺍﺑﻮﻳﻪ ﻭﺿﻞ ﻳﺮﺟﻒ ﻭﻳﺼﻴﺢ ﻟﻜﻤﻢ ﺭﺟﻌﺖ ﺑﺘﻴﻴﻴﻴﻲ ﻭﺍﺧﻮﻳﻪ ﻳﺒﻮﺱ ﺑﺮﺟﻠﻲ ﻭﺍﻳﺪﻱ ﻭﻳﺤﻤﺪ ﺍﻟﻠﻪ ﻣﻮﻗﻒ ﻣﺴﺘﺤﻴﻞ ﺍﻛﺪﺭ ﺍﻭﺻﻔﻪ ﻳﺤﻀﻨﻮﻥ
ﻭﻳﺒﻮﺳﻮﻥ ﺑﻴﻪ ﻭﺍﻟﺼﺮﻳﺦ ﻭﺍﻟﺒﺠﻲ ﺑﺠﻴﻨﺎ ﺍﻟﻲ ﺑﺎﻟﻤﺴﺘﺸﻔﻰ ﻭﺍﻟﺘﻤﻮ ﻋﻠﻴﻨﺎ ﺍﻟﻨﺎﺱ ﻳﺒﺠﻮﻥ ﻭﻳﺎﻧﻪ ﻫﻮﺍﻱ ﻭﻣﻦ ﻋﺮﻓﻮ ﺍﻧﻲ ﺟﻨﺖ ﻣﺨﻄﻮﻓﻪ ﻭﺭﺟﻌﺖ ﺍﺷﺘﺮﻭ ﺟﻜﻠﻴﺖ ﻭﻃﺸﻮ ﻋﻠﻴﻨﻪ ﺑﻘﻴﻨﺎ ﻧﺒﺠﻲ ﻭﺍﺳﺌﻠﻬﻢ ﻋﻠﻰ ﺍﻣﻲ ﻛﺎﻟﻮ ﻭﻛﻌﺖ
ﺍﻏﻤﻰ ﻋﻠﻴﻬﺎ ﺭﺣﺘﻠﻬﺎ ﻟﻠﻐﺮﻓﻪ ﻭﺍﻧﻲ ﻛﺎﻋﺪ ﻩ ﺑﺎﻟﻌﺮﺑﺎﻧﻪ ﻭﺍﺑﺠﻲ ﻭﺍﺻﻴﺢ ﻭﻳﻨﻬﺎ ﺍﻣﻲ ﻭﻳﻨﻬﺎ
ﺩﺧﻠﺖ ﻟﻠﻐﺮﻓﻪ ﻭﺍﺷﻮﻓﻬﺎ ﻳﺸﻜﻠﻮﻥ ﺍﻟﻬﺎ ﻣﻐﺬﻱ ﺭﺣﺖ ﻳﻤﻬﺎ
ﺍﺑﻮﺱ ﺑﺮﺟﻠﻬﺎ ﻭﺍﻳﺪﻳﻬﺎ ﻭﺍﺑﺠﻲ ﻳﻤﻪ ﻓﺪﻭﻩ ﻛﻮﻣﻲ ﺍﺷﻮﻑ ﻋﻴﻮﻧﺞ ﻛﻤﺖ ﻭﺧﻠﻴﺖ ﺭﺍﺳﻲ ﺑﺤﻀﻨﻬﺎ ﺍﺷﻢ ﻭﺍﺑﻮﺱ ﺑﺮﻳﺤﺘﻬﺎ ﻟﺤﺪ ﻣﺎﻛﻌﺪﺕ ﺻﺮﺧﺖ ﻭﻟﺞ ﻳﻤﻪ ﺭﻳﺎﺍﺍﺍﺍﻡ ﻭﻟﺞ ﻳﻤﻪ
ﺿﻠﺖ ﺗﺤﺠﻲ ﻭﺗﺒﺠﻲ ﻣﺎﺍﺫﻛﺮ ﻛﻼﻣﻬﺎ ﻻﻥ ﺟﺎﻧﺖ ﺗﺒﺠﻲ ﻭﺗﺤﺠﻲ ﺑﺼﻴﺎﺡ ﻭﺻﺮﻳﺦ
ﺑﺠﻴﻨﺎ ﺳﻮﻩ ﻭﻣﺮﺕ ﺳﺎﻋﺎﺕ ﻭﺍﺣﻨﻪ ﻋﻠﻰ ﺣﺎﻟﻨﺎ ﻋﻴﻮﻧﺎ ﻣﺎﻧﺸﻔﺖ ﺍﺧﺬﻧﺎ ﺳﻠﻴﻤﺎﻥ ﺑﺴﻴﺎﺭﺗﻪ ﻭﻫﻮ ﻳﺪﻙ ﻫﻮﺭﻥ ﻭﻣﺸﻐﻞ ﺍﻏﺎﻧﻲ ﻓﺮﺡ ﻭﻣﻌﺰﻓﺎﺕ
ﻭﻃﺎﻳﺮ ﺑﻴﻨﺎ ﻭﺍﻣﻲ ﻣﺨﻠﻴﺘﻨﻲ ﺑﺤﻀﻨﻬﺎ ﻭﺍﺑﻮﻳﻪ ﻳﺒﻮﺱ ﺑﻴﻪ ﻭﺻﻠﻨﺎ ﺍﻟﺒﻴﺘﻨﺎ ﺗﻠﻜﻮﻧﺎ ﺍﻻﻫﻞ ﻭﺟﺎﺑﻮ ﻃﻠﻲ ﺫﺑﺤﻮ ﻋﻠﻰ ﺭﺟﻠﻲ ﻭﺍﻟﻬﻼﻫﻞ ﻭﺍﻟﺪﺑﺞ
ﻭﺍﻟﻌﺎﻟﻢ ﺍﻟﺘﻤﺖ ﻳﻬﻮﺳﻮﻥ ﻭﻳﺎﻧﻪ ﻭﻳﻮﻡ ﺛﺎﻧﻲ ﺍﺧﺬﻧﺎ ﻛﻮﺳﺘﺮ ﻭﺯﺭﻧﻪ ﺍﺑﻮ ﺍﻟﺠﻮﺍﺩﻳﻦ ﻭﺍﻟﻨﺠﻒ ﻭﻛﺮﺑﻼﺀ ﻭﺍﻟﻲ ﻋﺮﻓﺘﻪ ﺑﻌﺪﻳﻦ ﺍﻧﻮ ﻳﺪﺭﻭﻥ ﺑﻴﻪ
ﻣﺨﻄﻮﻓﻪ ﺑﺲ ﻣﻮ ﻋﻨﺪ ﺩﺍﻋﺶ ﺍﻣﻲ ﺑﻮﻗﺘﻬﺎ ﺍﻣﻲ ﻧﺎﺫﺭﻩ ﺗﻮﺯﻉ ﺣﻨﻪ ﺍﻟﻤﻴﺔ ﺑﻴﺖ ﻟﻮ ﺭﺟﻌﺖ ﻣﺎﻋﺎﻓﺘﻨﻲ ﺍﺑﺪ ﻭﻻ ﻟﺤﻈﻪ ﺣﺘﻪ ﻣﻦ ﺍﺭﻳﺪ ﻟﻠﺤﻤﺎﻡ
ﺗﻮﻛﻔﻠﻲ ﺑﺎﻟﺒﺎﺏ ﺗﻨﺘﻈﺮﻧﻲ ﻭﻣﻦ ﺍﺗﺎﺧﺮ ﺗﻀﻞ ﺗﺪﻙ ﺍﻟﺒﺎﺏ ﻋﻠﻴﻪ ﻭﺻﺎﺭﺕ ﺗﺨﺎﻑ ﻭﻣﺎﺗﻨﺎﻡ ﻋﻴﻨﻬﺎ ﻭﺍﺑﻮﻳﻪ ﻳﺴﻮﻳﻠﻲ ﺍﻟﻠﻜﻤﻪ ﻭﻳﺨﻠﻴﻬﺎ ﺑﺤﻠﻜﻲ ﺣﺴﻴﺘﻬﻢ ﻳﻌﻮﺿﻮﻥ ﺍﻻﻳﺎﻡ ﺍﻟﻔﻘﺪﻭﻧﻲ ﺑﻴﻬﺎ
ﺭﻏﻢ ﻓﺮﺣﺘﻲ ﻭﺭﻏﻢ ﺭﺟﻌﺘﻲ ﺍﻻﻫﻠﻲ ﺑﺲ ﺑﻘﻪ ﻏﺼﻪ ﻭﻛﻠﺒﻲ ﻣﻠﺠﻮﻡ ﻭﻭﺭﺣﻲ ﻣﻔﺮﻓﺤﻪ ﻭﻣﺘﺄﺫﻳﻪ ﻫﻮﺍﻱ .. ﻋﺎﻧﻴﺖ ﻛﻠﺶ ﻫﻮﺍﻱ ﻭﻭﺍﺟﻬﺖ ﺻﻌﻮﺑﻪ ﺧﺼﻮﺻﺎ ﺑﺎﻟﻨﻮﻡ
ﻣﻦ ﺟﺎﻥ ﻳﺠﻲ ﺍﻟﻠﻴﻞ ﺍﺍﺍﺧﺦ ﻳﺎﻟﻴﻞ ﻳﻔﺰﺯ ﻛﻞ ﺟﺮﺡ ﺑﻴﻪ ﻳﻬﻴﺞ ﺍﻟﻤﻮﺍﺟﻊ ﻭﻳﻠﺠﻤﻨﻲ ﺑﺎﻟﻴﻮﺟﻌﻨﻲ ﻣﺎﻣﺮﺕ ﻟﻴﻠﻪ ﺍﻟﻪ ﻭﺍﻧﻲ ﺍﺫﻛﺮ ﻛﻠﺸﻲ ﻭﻛﻠﺸﻲ ﻣﺮ ﺑﻴﻪ ﻳﺠﻴﻨﻲ ﻭﻳﻄﻴﺮ ﺍﻟﻨﻮﻡ ﻣﻦ ﻋﻴﻨﻲ
ﺭﻏﻢ ﺭﺟﻌﺖ ﺍﻟﺤﻴﺎﺗﻲ ﺍﻟﻄﺒﻴﻌﻴﻪ ﺑﺲ ﺍﻟﻜﻮﺍﺑﻴﺲ ﻭﺍﻻﻳﺎﻡ ﻣﺎﻧﺴﻴﺘﻬﺎ ﻭﻣﺎﻓﺎﺭﻛﺘﻨﻲ ﻟﺤﻈﻪ ﻭﺷﻜﻠﻲ ﻭﺣﺎﻟﺘﻲ ﺟﺎﻧﺖ ﺻﻌﺒﻪ ﻭﻣﺎﺟﺎﻧﻮ ﻳﺨﻠﻮﻥ ﻛﺪﺍﻣﻲ ﻣﺮﺍﻳﻪ ﺧﻮﻓﺎً ﺍﻧﻮ ﺍﺷﻮﻑ ﻧﻔﺴﻲ ﻭﺍﻧﻲ ﺑﻬﺎﻟﺤﺎﻟﻪ
ﻭﺍﻧﺘﻈﺮﺗﻚ
ﺑﻴﻦ ﺻﻔﻨﺎﺕ ﺍﻟﻠﻴﺎﻟﻲ ﻭ ﺟﺮﺡ ﺩﺧّﺎﻥ ﺍﻟﺠﻜﺎﻳﺮ
ﻭﺑﻴﻦ ﻟﭽﻤﺎﺗﻲ ﻭ ﺣﺴﺮﺗﻲ ﻭ ﺣﻴّﺮﺗﻲ ﻭ ﻛﺴﺮﺓ ﺍﻟﺨﺎﻃﺮ
ﻭ ﺑﻴﻦ ﻣﺪﺭﻱ . . . . ﺇﻭ ﻭﻳﻦ ﺻﺎﻳﺮ ؟
ﻭﺍﻧﺘﻈﺮﺗﻚ
ﻫﻠﺒﺖ ﺇﺗﻤﺮ ﺑﻲَّ ﻃﻴﻒ ﺇﻳﻀﻤﻀﻢ ﺩﻣﻮﻋﻲ ﺍﻋﻠﺔ ﺑﺎﭼﺮ
ﻫﺎﺟﺮ ﺩﻭﺭﺕ ﻋﻠﻴﻬﺎ ﻭﺣﻠﻔﺖ ﺍﺧﻮﻳﻪ ﻳﺪﻭﺭ ﻋﻠﻴﻬﺎ ﺑﺲ ﻣﺎﻟﻜﺎﻟﻬﻪ ﺍﻱ ﺍﺛﺮ ﻭﺍﻧﻲ ﻣﺎﺣﺠﻴﺖ ﺍﻟﻬﻢ ﺍﻱ ﺷﻲ ﻳﺨﺺ ﺍﺑﻮﻫﺎ ﺧﻮﻓﺎ ﻋﻠﻴﻬﺎ ﻣﻦ ﻛﻠﻤﻪ ﺟﺎﺭﺣﻪ ﺗﻤﺴﻬﻪ ﻭﻣﻦ ﺣﺠﻴﺘﻠﻬﻢ ﺷﻠﻮﻥ ﺳﺎﻋﺪﺗﻨﻲ ﻭﺳﺎﻋﺪﺕ ﺍﻻﺳﺮﻯ ﺗﻜﻔﻠﻮ ﺍﻧﻮ
ﻳﺪﻭﺭﻭﻥ ﻋﻠﻴﻬﺎ ﻳﻞ ﺗﺄﺫﻳﺖ ﻣﻦ ﻛﻞ ﻣﺮﻩ ﻳﺨﻴﺐ ﻇﻨﻲ ﻭﻳﺠﻲ ﺍﺧﻮﻳﻪ ﻳﻜﻮﻝ ﻣﺎﻟﻜﻴﺘﻬﺎ ﻛﻠﻪ ﻭﻣﺎﻓﻘﺪﺕ ﺍﻻﻣﻞ
ﺍﻣﻲ ﺗﺤﺲ ﺑﻴﻪ ﻭﺗﺠﻲ ﺑﻨﺺ ﺍﻟﻠﻴﻞ ﺗﺨﻠﻲ ﺭﺍﺳﻲ ﺑﺤﻈﻨﻬﺎ ﻭﺗﻠﻌﺐ ﺑﺸﻌﺮﻱ ﻟﻮ ﺗﻤﺸﻄﻨﻲ ﻭﻋﻠﻰ ﺍﺛﺮﻫﺎ ﺍﻏﻔﻪ ﺷﻮﻱ ﻛﻠﺖ ﺍﻻﺧﻮﻳﻪ ﻭﺍﺑﻮﻳﻪ ﻫﻢ ﻭﺍﺯﻭﺍﺝ ﺧﻮﺍﺗﻲ ﻳﺪﻭﺭﻭﻥ ﻋﻠﻰ ﺭﻣﺢ ﺑﺲ ﻣﺎﻟﻜﻮﻟﻪ ﺍﺛﺮ ﺗﻌﺒﺖ ﻭﺍﻧﻲ ﺍﻓﻜﺮ ﻣﻴﺘﻴﻦ ﻟﻮ ﻋﺎﻳﺸﻴﻦ ﺭﺩﺕ ﺑﺲ ﺍﻋﺮﻑ ﺣﺘﻪ ﻛﻠﺒﻲ ﻳﺒﺮﺩ ﺷﻮﻱ ﻋﻠﻴﻬﻢ
ﺷﻌﻮﺭ ﺻﻌﺐ ﻣﻦ ﻣﺎﺗﻌﺮﻑ ﺟﻮﺍﺏ ﻟﻠﺴﺆﺍﻝ ﺍﻟﻲ ﺑﺮﺍﺳﻚ ﻭﻳﻀﻞ ﻳﺎﻛﻞ ﺑﻴﻚ ﻭﺑﺮﻭﺣﻚ ﺑﻜﻞ ﻟﻴﻠﻪ ﺍﺣﺘﺎﺝ ﺷﻲ ﻳﻮﺍﺳﻲ ﻛﻠﺒﻲ ﻭﻳﺼﺒﺮﻧﻲ ﻏﻴﺮ ﺩﻣﻮﻋﻲ ﻭﺣﺴﺮﺗﻲ ﻣﺎﻛﻮ ﺍﻟﺘﺠﺄﺕ ﻟﻠﺸﻌﺮ ﺍﻟﻲ ﺣﺴﻴﺖ ﻳﻮﺻﻒ ﺟﺰﺀ ﻗﻠﻴﻞ ﻣﻦ ﺍﻟﻲ ﺑﺮﻭﺣﻲ ﻭﻣﻨﻬﺎ ...
ﮔﺎﻟﻮ ﻣﺎ ﺗﺠـــﻲ ﻭﮔﺎﻟﻮ ﻋﻠﻴﻚ ﺑﻌﻴﺪ
ﻭﺩﺭﺏ ﻛﻠﺶ ﻃﻮﻳــﻞ ﺍﻟﺒﻴﻨﻚ ﻭﺑﻴﻨﻲ
ﺷﺢ ﻣﻨﻲ ﺍﻟﺪﻣﻊ ﮔـﺪ ﻣﺎ ﺑﭽﻴﺖ ﺃﻋﻠﻴﻚ
ﻭﺃﻋﺎﺗﺐ ﺑﺎﻟﮕﻤـــﺮ ﻫﻠﺒﺖ ﻳﻮﺍﺳﻴﻨﻲ
ﻇﻠﻢ ﻛﻠﺶ ﻇﻠﻢ ﺗﺤﻴـﺎ ﻭﺗﻤﻮﺕ ﺑﺸﻮﮒ
ﻭﭼﺎ ﺷﻨﻬﻮ ﺍﻟﻌﻤﺮ ﻣﻦ ﺗﺬﺑـﻞ ﺭﻳﺎﺣﻴﻨﻲ
ﺗﻌﺐ ﺣﺘﻰ ﺍﻟﻮﺭﻕ ﺣﺒﺮ ﻭﺩﻣـﻊ ﻣﺨﺒﻮﻁ
ﻭﺣﺴﺮﻩ ﻭﻱ ﺍﻟﻘﻠــﻢ ﺗﺎﺫﻳﻨﻲ ﻭﺗﺒﭽﻴﻨﻲ
ﺻﻔﻪ ﺭﺳﻤﻚ ﺣﻠـﻢ ﻋﺬﺏ ﺣﻨﺎﻳﺎ ﺍﻟﺮﻭﺡ
ﻭﻣﺜﻞ ﻃﻴﻔﻚ ﺃﺑﺪ ﻣـــﺎ ﺷﺎﻳﻒ ﺑﻌﻴﻨﻲ
ﻧﻬﺮ ﻃﻮﻟﻚ ﻋﺬﺏ ﺻـﺎﻓﻲ ﻭﻳﺮﺩ ﺍﻟﺮﻭﺡ
ﻭﺃﻧﻪ ﺍﻟﻤﻴﺖ ﻋﻄﺶ ﻭﺑﮕﻄـﺮﻩ ﺗﺮﻭﻳﻨﻲ
ﺃﻛﺘﺒﻠﻚ ﺷـﻌﺮ ﻭﺃﺳﻄـــﺮﻟﻚ ﺍﻷﺑﻴﺎﺕ
ﻭﺍﻧﺘﻪ ﺑﻼ ﺑﺨـــﺖ ﺑﺎﻟﻔﺮﮔﺔ ﺗﭽﻮﻳﻨﻲ
ﻗﻴﺲ ﺑﻌﺎﻡ ﻭﺍﺣـﺪ ﻭﺗﻴﺒّﺲ ﻣﻦ ﺍﻟﺸﻮﮒ
ﻭﺁﻧﻪ ﺳﻨﻴﻦ ﻣـــﺮّﺕ ﻣﺎ ﻏﻔﺖ ﻋﻴﻨﻲ
ﮔﻠﻲ ﺷﻠﻮﻥ ﺭﺍﻳﻚ ﻭﺍﻟﻌﻤــﺮ ﻣﺤﺴﻮﺏ
ﻭﭼﻠﻤﺎﺕ ﺍﻟﺸﻤﺎﺗﻪ ﺗﮕـــﻮﻝ ﻧﺎﺳﻴﻨﻲ
ﻃﻼﺑﻪ ﻭﻱ ﺍﻟﻌﺸﮓ ﻭﺃﻳﺎﻣﻲ ﻛﻠﻬﻦ ﻟﻴﻞ
ﻭﺷﻤﺲ ﺣﺒﻚ ﻇﻠﻢ ﻣﻦ ﻣــﺎ ﺗﻀﻮّﻳﻨﻲ
ﻛﺎﻓــﻲ ﻣﻦ ﺍﻟﻌﺘﺐ ﺭﺍﺡ ﺃﺧﺘﻢ ﺍﻷﺑﻴﺎﺕ
ﻭﺃﺣﭽﻴﻠﻚ ﺳﻄﺮ ﺑـــﻲ ﻛﻞ ﻋﻨﺎﻭﻳﻨﻲ
ﻣﺜﻠﻚ ﻣﺎ ﺷﻔﺖ ﻭﻻ ﺭﺍﻳـــﺪ ﻭﻻ ﺭﻳﺪ
ﻭﺃﺣﺒﻚ ﻣﻮﺕ ﻋﻨــــﻮﺍﻥ ﻟﺪﻭﺍﻭﻳﻨﻲ ...
ﺑﻬﺎﻟﻔﺘﺮﻩ ﺍﻟﻲ ﻣﺮﺕ ﺗﻘﺮﻳﺒﺎ ﺷﻬﺮﻳﻦ ﻣﺎﻃﻠﻌﺖ ﻣﻦ ﺍﻟﺒﻴﺖ ﺍﺑﺪ ﺭﻏﻢ ﺗﻮﺱﻻﺕ ﺍﻫﻠﻲ ﺍﻧﻮ ﻳﻐﻴﺮﻭﻥ ﺍﻟﺠﻮ ﻋﻠﻴﻪ ﺑﺲ ﺭﻓﻀﺖ ﺭﻓﺾ ﻗﺎﻃﻊ ﺍﻃﻠﻊ ﻻﻥ ﺟﺎﻧﺖ ﺣﺎﻟﺘﻲ ﻣﺎﺗﺴﻤﺤﻠﻲ
ﺍﻟﺤﺰﻥ ﺍﺣﺘﻮﻯ ﻛﻠﺒﻲ ﻭﻃﻠﻌﺖ ﻟﺬﺓ ﺍﻟﺤﻴﺎﺓ ﻣﻦ ﻋﻴﻨﻲ ﺍﻋﺘﺰﻟﺖ ﻛﻠﺸﻲ ﺣﺘﻪ ﺻﺪﻳﻘﺎﺗﻲ ﻭﺣﺘﻪ ﺍﻫﻠﻲ ﺍﺍﻛﺜﺮ ﻭﻗﺘﻲ ﺟﺎﻥ ﺑﺎﻟﻐﺮﻓﻪ ﻭﻣﺘﻤﺪﺩﻩ ﻭﺍﺑﺎﻭﻉ ﻋﻠﻰ ﺍﻟﺠﺮﻭﺡ ﺍﻟﺨﻠﻔﻬﺎ ﺍﻻﺧﺘﻄﺎﻑ ﻭﺍﻟﻤﻌﺎﻧﺎﺓ ﺍﻟﻌﺸﺘﻬﺎ
ﺑﻴﻮﻡ ﺍﺟﻪ ﺍﺧﻮﻳﻪ
ﻫﺎ ﺭﻳﻤﻪ ﺷﻠﻮﻥ ﺻﺎﺭ ﺭﺍﺳﺞ
ﺣﻂ ﺍﻳﺪﻩ ﻋﻠﻰ ﺭﺍﺳﻲ ﺍﻟﻲ ﺟﺎﻥ ﺷﻮﻱ ﻃﺎﻟﻊ ﻣﻨﻪ ﺑﺎﺱ ﺭﺍﺳﻲ ﻭﻛﻌﺪ
ﺑﺎﻋﻲ ﺭﻳﻤﻪ ﺭﺍﺡ ﺍﺧﺬﺝ ﺩﻛﺘﻮﺭ ﺗﺠﻤﻴﻞ ﻳﺠﻴﻚ ﺟﺴﻤﺞ ﻭﺍﻟﺠﺮﻭﺡ ﻭﻋﻨﺪﺝ ﺣﺮﻭﻕ ﻟﻴﺶ ﻳﺒﻘﻪ ﺍﺛﺮﻫﺎ ﻧﻌﺎﻟﺠﻬﺎ ﻣﻦ ﻫﺴﻪ ﻭﺗﺨﻠﺼﻴﻦ
ﻫﺰﻳﺖ ﺭﺍﺳﻲ
ﻭﺭﺟﻠﺞ ﻫﻢ ﺧﻴﺎﻃﻬﺎ ﻣﻮ ﺯﻳﻦ ﻭﻣﺸﻮﻫﻪ ﺭﺟﻠﺞ
ﺑﺎﻭﻋﺘﻠﻪ
ﻻ ﻋﻮﻓﻬﺎ ﻣﺎﺭﻳﺪ
ﻟﻴﺶ ﺭﻳﻤﻪ ﺷﻜﻠﻬﺎ ﻳﺮﺟﻊ ﻣﺜﻞ ﻗﺒﻞ ﻭﺍﺣﺴﻦ ﻭﺍﻟﺪﻛﺘﻮﺭ ﺍﻋﺮﻓﻪ ﺷﺎﻃﺮ
ﺗﺬﻛﺮﺕ ﺭﻣﺢ ﻣﻦ ﺧﻴﻂ ﺭﺟﻠﻲ ﻏﺼﻴﺖ ﺑﻌﺒﺮﺗﻲ
ﻛﺘﻠﻪ
ﻻ ﺳﻠﻴﻤﺎﻥ ﺍﻧﻲ ﻣﺎﻋﻨﺪﻱ ﻣﺸﻜﻠﻪ ﺑﺮﺟﻠﻲ
ﺑﺮﺍﺣﺘﺞ ﻣﺎﺗﻜﻮﻣﻴﻦ ﺍﻃﻠﻌﺞ ﻟﻠﺰﻭﺭﺍﺀ ﺗﺸﻮﻓﻴﻦ ﺍﻻﺟﻮﺍﺀ ﺑﺎﻟﻠﻴﻞ ﺗﺨﺒﻞ
ﻻ ﺣﺒﻴﺒﻲ ﻭﺍﻟﻠﻪ ﻣﺎﻟﻲ ﻧﻔﺲ
ﻫﺰ ﺭﺍﺳﻪ ﻭﻃﻠﻊ
ﻓﺘﺤﺖ ﺍﻟﻔﻴﺲ ﻭﻛﻌﺪﺕ ﺍﻛﺘﺐ ﺍﺳﻢ ﺣﺮﺏ ﻭﺭﻣﺢ ﻟﻌﻠﻨﻲ ﺍﻟﻜﻪ ﺷﻲ ﻳﻮﺻﻠﻨﻲ ﺍﻟﻬﻢ ﺣﺘﻪ ﻟﻮ ﺑﺲ ﺻﻮﺭﻩ ﺍﻟﻬﻢ ﺍﺣﺘﻔﻆ ﺑﻴﻬﺎ
ﻭﻫﺎﺟﺮ ﻣﺎﺑﻄﻠﺖ ﻭﺍﻧﻲ ﺍﺩﻭﺭ ﻋﻠﻴﻬﺎ ﻭﺍﺩﻋﻴﻠﻬﺎ ﻭﺍﺧﺎﻑ ﻋﻠﻴﻬﺎ
ﻋﺮﺿﻮﻧﻲ ﺍﻫﻠﻲ ﻋﻠﻰ ﺩﻛﺘﻮﺭ ﺗﺠﻤﻴﻞ ﻭﺭﻓﻀﺖ ﺍﻧﻮ ﻳﺠﻤﻞ ﺭﺟﻠﻲ ﻭﺭﺩﺕ ﺍﺣﺘﻔﻆ ﺑﺸﻜﻠﻬﺎ ﻻﻥ ﻣﻦ ﺍﻳﺪ ﺭﻣﺢ ﻣﺎﺍﻋﺮﻑ ﻳﺠﻮﺯ ﺷﻲ ﻏﺮﻳﺐ
ﻙﻻﺩﺗﻪ ﻣﺎﻓﺎﺭﻗﺖ ﺭﻛﺒﺘﻲ
ﻭﻣﺜﻞ ﻣﺎﻛﻠﺖ ﻣﺎﻃﻠﻌﺖ ﺍﻱ ﻣﻜﺎﻥ ﺭﻏﻢ ﺍﻟﻌﺰﺍﻳﻢ ﺍﻟﻲ ﺍﺟﺖ ﻭﺭﻏﻢ ﺍﻗﺎﺭﺑﻨﺎ ﺑﻘﻮ ﻛﻞ ﺃﺳﺒﻮﻉ ﺍﺫﺍ ﻣﻮ ﻛﻞ ﻳﻮﻡ
ﻳﺠﻮﻥ ﻋﺪﻧﺎ ﻣﺎﺍﻃﻠﻊ ﺍﺑﺪ
ﺍﻋﺘﺰﻟﺖ ﺍﻟﻨﺎﺱ ﺑﺼﻮﺭﻩ ﻋﺎﻣﻪ
ﻓﺪ ﻳﻮﻡ ﻋﺪﻧﺎ ﺧﻮﺍﺗﻲ ﻭﻛﺎﻋﺪﺍﺕ ﺑﺎﻟﻐﺮﻓﻪ ﻳﺴﻮﻟﻔﻦ ﻭﺍﻧﻲ ﺟﻨﺖ ﺑﺎﻟﻐﺮﻓﻪ ﺍﻟﺜﺎﻧﻴﻪ ..
ﺍﺟﻴﺖ ﺍﺧﺬ ﺗﻠﻔﻮﻧﻲ ﻣﺨﻠﻴﺘﻪ ﻉ ﺍﻟﺸﺤﻦ ﻭﺟﺎﻥ ﺍﺳﻤﻌﻬﻢ ﻳﺤﺠﻮﻥ ..
ﻭﺍﻟﻠﻪ ﺻﻮﺝ ﺍﻣﻲ ﻳﻌﻨﻲ ﺍﻧﻲ ﺗﻔﻠﺸﺖ ﻛﺪﺍﻡ ﻋﻴﺎﻟﻲ ﻭﻟﻌﺒﺖ ﻧﻔﺴﻲ ﻣﻦ ﺣﺠﻴﻬﻢ ﻭﻣﺎﻟﻮﻣﻬﻢ
ﻧﻮﺭ ﺗﺮﺍ ﻋﻴﺐ ﻫﺎﻟﺤﺠﻲ ﻫﺎﻱ ﺍﺧﺘﺞ ﺷﻠﻮﻥ ﺗﺮﺿﻴﻬﺎ
ﺷﺴﻮﻱ ﻳﻌﻨﻲ ﻗﺎﺑﻞ ﺟﺬﺏ ؟؟ ﻳﻌﻨﻲ ﺣﺘﻪ ﻣﺎﺭﺣﺘﻮ ﻓﺤﺼﺘﻮﻫﺎ ﻭﻻ ﺟﺒﺘﻮﻟﻬﻪ ﻃﺎﺭﻱ ﻭﻻ ﻓﺘﺤﺘﻮﻟﻬﻪ ﻣﻮﺿﻮﻉ ﺷﺴﻮﻭﻟﻬﺎ ﺩﺍﻋﺶ ﺑﻨﻴﻪ ﻭﺣﻠﻮﻩ ﺷﺎﺑﻪ ﻭﺑﻘﺖ ﺳﻨﻪ ﺍﻟﻪ ﺷﻮﻱ ﻋﺪﻫﻢ ﺗﺮﺩﻳﻬﻢ ﻣﺎﻳﺴﻮﻭﻟﻬﺎ ﺷﻲ ؟؟؟
ﺑﺲ ﻣﻮ ﻭﻗﺘﻪ ﻫﺬﺍ ﺍﻟﻚﻻﻡ ﺍﺧﺘﺞ ﺗﻌﺒﺎﻧﻪ ﻭﺩﺗﺸﻮﻓﻴﻦ ﻧﻔﺴﻴﺘﻬﺎ ﺯﻓﺖ ﺣﺘﻪ ﻃﻠﻌﻪ ﻣﺪﺍﺗﻄﻠﻊ ﻣﻦ ﻭﺭﻩ ﺍﻟﻤﺮﺕ ﺑﻲ
ﻭﺍﻟﻠﻪ ﻣﺎﺣﺠﻴﺖ ﺟﺬﺏ ﻭﺍﻧﻲ ﺧﺎﻳﻔﻪ ﻋﻠﻴﻬﺎ ﻻﻋﺒﺎﻟﺞ ﺍﻟﻨﺎﺱ ﺳﺎﻛﺘﻪ ﺗﺮﺍ ﺷﺎﻳﻠﻴﻦ ﺍﺳﻤﻬﺎ ﻭﺭﺍﻛﻌﻲ ﺑﺎﻟﻜﺎﻉ ﻫﺬﺍ ﺍﻟﻲ ﻳﻜﻮﻝ ﻓﺘﺤﻮﻫﺎ ﻭﻫﺬﺍ ﺍﻟﻲ ﻳﻜﻮﻝ ﺷﺎﺭﺩﻩ ﻭﻫﺴﻪ ﺭﺟﻌﺖ ﻭﻫﺬﺍ ﻳﻜﻮﻝ ﻣﺼﺎﺣﺒﻪ ﻭﺷﺠﺎﺑﻬﺎ ﻫﺴﻪ
ﺻﺪﻙ ﺗﺤﺠﻴﻦ ﻫﺎﻱ ﻋﻮﺩ ﺍﻧﺘﻲ ﺍﺧﺘﻬﺎ ﻭﻫﻴﺞ ﺗﺤﺠﻴﻦ ﺷﺒﻘﻴﺘﻲ ﻟﻠﻐﺮﻳﺐ ﻭﺍﻟﻠﻪ ﻋﻴﺐ ﻋﻠﻴﺞ
ﻭﺍﻟﻠﻪ ﻣﺎﺣﺠﻴﺖ ﺍﻟﻪ ﺍﻟﺼﺪﻙ ﻭﺍﻟﺼﺪﻙ ﻣﺎﻳﻌﺠﺒﻜﻢ ﻛﻠﺖ ﺍﻻﻣﺞ ﺍﺧﺬﻳﻬﺎ ﻭﻛﺸﻔﻲ ﻋﻠﻴﻬﺎ ﻭﺷﻮﻓﻲ ﺷﺮﻓﻬﺎ ﻣﺄﺧﻮﺫ ﻟﻮ ﻻ ﻗﺎﺑﻞ ﻫﻤﻪ ﺍﻟﺪﻭﺍﻋﺶ ﺷﻮﻳﻪ ؟؟ ﻣﺎﻛﻮ ﻭﺣﺪﻩ ﻃﻠﻌﺖ ﻣﻨﻬﻢ ﺳﺎﻟﻤﻪ ﻛﻠﻬﻦ ﻣﺸﻜﻮﻛﺎﺕ
ﻟﻌﺒﺘﻲ ﻧﻔﺴﻲ ﺑﻬﺬﺍ ﻙﻻﻣﺞ ﻭﺧﺮﻱ ﻋﻨﻲ ﻭﻟﻮ ﺳﻤﻌﺘﺞ ﺗﺤﺠﻴﻦ ﻛﺪﺍﻣﻬﺎ ﻭﺗﻠﻤﺤﻴﻠﻬﺎ ﺍﻃﻴﺢ ﺣﻈﺞ ﻣﻨﺎﻗﺼﻬﺎ ﻟﺒﻨﻴﻪ
ﺣﻄﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﺭﺣﺖ ﻟﻠﺤﻤﺎﻡ ﺑﺠﻴﺖ ﺑﺠﻲ ﻟﺤﺪ ﻣﺎ ﺭﺍﺳﻲ ﺿﻞ ﻳﻮﺟﻌﻨﻲ ﻏﺴﻠﺖ ﻭﻃﻠﻌﺖ ﻟﻠﻐﺮﻓﻪ ﻟﻔﻴﺖ ﺭﺍﺳﻲ ﻭﻧﻤﺖ ﻭﺍﻧﻲ ﻙﻻﻣﻬﺎ ﻳﺪﻙ ﺑﺮﺍﺳﻲ
ﻛﻌﺪﺗﻨﻲ ﺍﻣﻲ ﺍﺗﻐﺪﻩ ﻣﺎﻛﻤﺖ ﻭﻻ ﺭﻓﻌﺖ ﺭﺍﺳﻲ
ﻭﺭﻩ ﻓﺘﺮﻩ ﺗﻜﺮﺭ ﻧﻔﺲ ﺍﻟﻤﻮﺿﻮﻉ ﺍﺧﺘﻲ ﻛﺎﻣﺖ ﺗﺤﺠﻲ ﺍﻻﻣﻲ ﻭﺗﺪﻙ ﻋﻠﻰ ﺭﺍﺳﻬﺎ
ﻣﺎﺗﺸﻮﻓﻴﻬﺎ ﻣﺎﺗﻄﻠﻊ ﻭﻟﻴﺶ ﻋﺎﺯﻟﻪ ﺭﻭﺣﻬﺎ ﺑﺤﻴﺚ ﺻﺎﺭﻥ ﺧﻮﺍﺗﻲ ﻛﻠﻬﻦ ﻳﺤﺠﻦ ﺣﺘﻪ ﺍﻟﻲ ﺟﺎﻥ ﻳﺪﺍﻓﻌﻠﻲ ﻫﻢ ﺻﺎﺭ ﻳﺤﺠﻲ
ﺑﺲ ﺟﻨﺖ ﺍﺗﺼﻨﺖ ﻋﻠﻴﻬﻢ ﻣﻦ ﻳﺠﺘﻤﻌﻮﻥ
ﻭﻣﺎﺣﺎﻧﻮ ﻳﺤﺠﻮﻥ ﻛﺪﺍﻣﻲ ﺷﻲ ﺣﺘﻪ ﻛﺪﺍﻡ ﻣﺮﺕ ﺳﻠﻴﻤﺎﻥ ﺣﺠﻮ ﻭﺻﺎﺭﻭ ﻣﺎﻋﺪﻫﻢ ﻏﻴﺮ ﻫﺎﻟﺴﺎﻟﻔﻪ
ﺷﻜﺪ ﺍﻧﺠﺮﺣﺖ ﻭﺍﺗﻤﻨﻴﺖ ﻟﻮ ﻣﻴﺘﻪ ﻭﻻ ﺭﺍﺟﻌﻪ ﻭﺍﺳﻤﻊ ﻫﺎﻟﺤﺠﻲ
ﻭﺍﻟﻴﻘﻬﺮ ﺿﻠﻮ ﻳﺰﻳﺪﻭﻥ ﺑﻚﻻﻣﻬﻢ ﻭﻳﺪﻭﺳﻮﻥ ﺩﻭﺳﻪ ﻭﻧﺺ ﻭﺻﺎﺭ ﺗﺄﻟﻴﻒ ﻭﺣﺠﻲ ﺍﻛﺜﺮ ﻣﻦ ﺍﻟﻼﺯﻡ
ﻭﻛﻠﻪ ﻭﺍﻣﻲ ﻣﺎﻓﺎﺗﺤﺘﻨﻲ ﺑﺎﻟﻤﻮﺿﻮﻉ ﻭﺍﻧﻲ ﺧﺠﻠﺖ ﻉ ﺍﻧﻮ ﺷﻠﻮﻥ ﺍﻛﻠﻬﺎ ﻭﺩﻳﻨﻲ ﺍﻓﺤﺺ ﻋﺬﺭﻳﺘﻲ ﺣﺘﻪ ﻳﺘﺎﻛﺪﻭﻥ
ﻭﻣﻦ ﻫﻨﺎ ﺑﺪﺕ ﻣﻌﺎﻧﺎﺓ ﺛﺎﻧﻴﻪ ﻭﺣﺮﺏ ﺛﺎﻧﻴﻪ .....
ﻟﻠﺤﻜﺎﻳﻪ ﺑﻘﺎﻳﻪ
ﻭﺭﺩﻩ ﺍﻟﺸﻴﺦ ﻣﺤﻤﺪ
بارت ٢١-٢٢
Start from the beginning
