العنود

٥

|أڤروديت فِتنةًُ يُوسُفيه| قريباً

ماأحب الشروط بس

- ڤوت وكومنتز بين الفقرات💙-

......

نقزت ولفت

"شفيج خرعتيني"

"وانا شقلت يعني"

"بصراحه قعدت استكشف الغرفه
وبصراحه هيبه رهيبه"

ابتسمت لها
"عيل تعالي اراويج البيت احس رح يعجبج"

لانت ملامح ملاذ المشدوده واهي تقرب للعنود وحرفيا تحس بكل امان الدنيا وياها
ويا واحده كانت بايعتها قبل شوي !!!

"خلشوف"

"اتركج تشوفينه براحتج عبال ماشوف لانا
زهبت الغدا وبعد ابدل واييج البيت بيتج "

وعطتها باخر كلماتها ابتسامه وبادلتها بابتسامه واسعه محد يدري شقاع يصير ولااهم يدرون
وهل مسموح اساسا؟!

"لانا"

"العنود رديتي"

"هيه اشتقتلج"

"وانا بعد"

"الغدا جاهز وكل شي قتلج عليه"

"كما امرتي"

"احسنتي يافتاة"

وراحت حق دويرتها ديرتها غرفتها المهم
تغير هدومها

بينما ملاذ تبعت ريولها الي تمشيها بهالبيت
اللي أقل شي يقال عنه رهيب لأن بيت حديث وألي لا والرهيب بالموضوع لمسة قديمه او تقليديه عليه وبالأصح خليجيه ،الحداثه والعتاقه اتوحدوا فيه
مع الهيبه اللون الأسود اللي ماخذ جزء لايتجزء منه
اكو اسئلة وايد ببالها مثل هل اهي صاحبة التصميم وليش لا هذي العنود بالنهاية كل شي ممكن تسويه
قادتها خطاها للمطبخ واهي مازالت منبهره
صحيح انها شقد شافت وشقد اختارت تصاميم بس ولامره شافت هالتصميم ولامره سحرها شي
مثل هذا الديكور

"حياج طال عمرج"

"ها؟"

"اسمي لانا تآمرين بشي"

"ابد كنت اشوف البيت"

"عيل اترخص لو سمحتيلي"

"روحي"

لفت تكمل طريجها بين الغرف
وبداخلها تتسائل عن غرابة الأشياء هني
من ضمنهم لانا وطريقتها في التعامل